الف مبروك اولا
خليه هو اللى يعملك نقل ملكية هتكلفك فى حدود 1000 جنيه وتريح دماغك
انا عربيتى 2001 دفعت نقل ملكية 880 جنيه
عرض للطباعة
الف مبروك اولا
خليه هو اللى يعملك نقل ملكية هتكلفك فى حدود 1000 جنيه وتريح دماغك
انا عربيتى 2001 دفعت نقل ملكية 880 جنيه
الف مبروك ياشريف
انا لما اشتريت العربيه فكرت زيك و عملت بيع للنفس و نقلت الملكيه فى المرور بس ندمت ........... ليه؟؟
يبقى لو كنت مشيت سنتين بالتوكيل كنت هوفر فلوس التامين اللى اتدفعت سنتين و كنت هوفر مشاوير المرور كل شهر ........... مع ان الهدف من الرخصة 3 سنين انك تريح دماغك من مشاوير المرور
- الرخصة كانت 3 سنين باقى منهم اكتر من سنتين و كده انا لما نقلت الملكيه ما استفدتش من سريان الرخصة لانى دفعت تامين 3 سنين تانى
- ما فيش نمر فى المرور فهيعملولك تصريح شهر و يجدد شهر كمان و هكذا و قعدت على كده 6 شهور و بعدين عملولى اخيرا رخصى تاريخ انتهائها قبل ميعادها بسنه عشان اركب النمر الجديده
الخلاصة ان لو الرخصة ساريه لمده كويسه (سنه مثلا) يبقى تمشى السنه دى بالتوكيل و بعدين تنقل الملكيه و ساعتها هتكون ازمة النمر الجديده اتحلت و تكون منوفره فى وحدات المرور و توفر فلوسك و ساعتها هتركب نمر جديده و ترخص فى نفس اليوم ............ بس فى الحاله دى هيزيد مشوار و هوه انك هتطلع شهاده مخالفات العربيه من مرور المالك القديم باستخدام التوكيلين (لان شهاده المخالفات ساريه لمده شهر فقط)
نصيحة اخيره ........... يا ريت يكون معاك صوره من عقد بيع الانوس الموثق فى الشهر العقارى عشان تقدمه مع اوراق رخصة النوبيرا عشان ما تدفعش ضريبه رفاهيه (ملكيه اكثر من سياره) و احتفظ بنسخة تانيه معاك عشان تراخيص السنين الجايه ان شاء الله
مره تانيه ........... الف مبروك و ربنا يديك خيرها و يكفيك شرها
الف الف مبروك يا شريف
ربنا يديلك خيرها و عجل بنقل الملكية و اشتري راحة بالك
شكرا يا جماعة عى النصائح
على فكرة يا احمد شهادات المخالفت انا بجبها من على النت و بيبعاتوها فى يومين
الف الف مبروك
وربنا يباركلك فيها يارب ويديلك خيرها ويكفيك شرها
وغلى فكرة انا كمان نفسي اعمل كده ابيع اللانوس واجيب نوبيرا بس لسه ربنا رازقنى بالأستاذ يوسف افندى منضف جيوبى اول باول:wacky:
الف مبروك يا شريف..
بالنسبة للتوكيل مابيتلغيش غير بحضور الطرفين على ما أعتقد وعقد البيع بالنسبة لك مش مهم اوي المهم التوكيل.. ولكن عقد بيع اللانوس وصورة التوكيل اللي انت بعت بيه مهم يكونوا معاك علشان لو حصل اي حاجة لاقدر الله تقدر تثبت انك بعت العربية..وانك مش انت اللي بتسوقها
وماتستعجلش في نقل الملكية لو العربية لسه فيها رخصه لأن عربيتك اللانوس هاتلاقي اللي اشتراها مش هاينقل الملكية على طول برضه فا العربية مازالت باسمك في المرور فا هايدفعوك ضريبة ترفيه حتى لو معاك عقد بيعها وصورة من التوكيل اللي بعت بيه
ثانيا انت ممكن تفكر تبيع بعد شوية فمفيش داعي تتحمل مصاريف نقل الملكية والترخيص دلوقتي
ألف مبروك
MMamdouh
لو معاه صوره عقد بيع مسجل فى الشهر العقارى هيدفعوه ليه؟؟؟ الكلام ده لو هوه عامل توكيل للمشترى للبيع للنفس و للغير يبقى ممكن يكون ما نقلش الملكيه و حتى لو نقل لملكيه بس ما فيش ما يثبت يبقى مش هتبان فى المرور الا بعد سنتين لما ملف العربيه يتنقل لمرور تانى مثلا
أنا قصدي على عقد البيع الابتدائي...
انا متخيل ان شريف لما باع اللانوس باعها بعقد ابتدائي وتوكيل زي ماهو اشترى النوبيرا وزي ما كل الناس بتعمل علشان تستفيد من المدة اللي في الرخصة
وفعلا العربية هاتفضل باسمه في المرور لحد ما اللي اشترى ماينقل الملكية مع ميعاد الترخيص
شريف باشا من الاخر انا دفعت حوالي 620.00 في الشهر العقاري و حوالي 1200.00 في المرور من تامينات و ضريبة (3سنين) و دلوقتي في مشكلة في النمر و هتمشي بي تصريح مؤقت - يبقي لو العربية لسة بدري علي ترخيصها استني شوية لغاية ما النمر الجديدة تنزل و بعدين اعمل المشوار دة مرة واحدة - سؤال طياري يا شريف لانوس 1/2 كاملة موديل 2000 عاملة 100000ك رشة برة تعمل كام دلوقتي و شكرا