فضفضه

**ادهم على** · 16-12-2013 02:45 AM

السلام عليكم
انا اترددت كتير قبل ماكتب الموضوع بس قلت افضض معاكوا طبعا انتوا خبره عنى و هاتنصحونى

الحكايه وما فيها انا شاب زى الفل لسه متخرج من الكليه و فرحان بقى مهندس ومن جامعه القاهره الى هما بيحلفوا بيها - معرفش ليه -
المشكله انى من ساعت ماتخرجت مش لاقى شغل - يمكن علشان اصحابى بيحسدونى انى اعفى من الجيش وهبدأ بدرى عنهم - بهزر طبعا

قلت مش مهم استنى شويه و لحد دلوقتى مالقيتش و زهقت وحاسس انى بدأت انسى الهندسه اساسا

فبفكر اشوف اى حاجه اسلى نفسى بيها اكتر حاجه مطلوبه دلوقتى خدمه عملاء بس قلت اشتغل و بعدين الاقى واحد يتخانق معايا فى التليفون علشان حاجه تافه وهو ممكن مايكنش لسه كمل تعليمه ولا المدير يتنطط عليا فى شغلانه مش بتاعتى ومش هاستفاد بيها
وكمان انا هاشتغل مش علشان فلوس لا انا بضيع وقت
فمش عايز حاجه تقل قمتى

فأيه الشغلانه الى اشتغلها مؤقتا و تكون محترمه كده ومتكسفش وانا بقولها

يعنى الوالد كل يوم يقولى ماتستعجلش و استنى وكده بس انا محرج برضه

**الاستاذ** · 16-12-2013 03:05 AM

والله اكل العيش مفهوش تقليل قيمة
ومتسمعش كلام والدك اشتغل واعمل قرش احسن من القعدة لحد ماتلاقى الى انت عايزة

**mahmoudysf** · 16-12-2013 03:07 AM

انت تخصص ايه

**ادهم على** · 16-12-2013 03:37 AM

المشاركة الأصلية كتبت بواسطة الاستاذ

والله اكل العيش مفهوش تقليل قيمة
ومتسمعش كلام والدك اشتغل واعمل قرش احسن من القعدة لحد ماتلاقى الى انت عايزة

منا بقول كده , شكرا للنصيحه

المشاركة الأصلية كتبت بواسطة mahmoudysf

انت تخصص ايه

مدنى

**أبو آسر** · 16-12-2013 04:21 AM

اشتغل في أي شغلانة في تخصصك يعني مكتب مقاولات مثلا أو ما شابه ولو بمرتب قليل جدا مش عايز أقولك ولو ببلاش حتى ! علشان تاخد خبرة في مجالك والخبرة دي مفروض تدفعلها فلوس مش تاخد عليها فلوس أهم حاجة إنك تشتغل في مجالك وتاخد خبرة فيه وبعدين هتلاقي الشغل زي ما انت عايز طالما الخبرة موجودة لكن نصيحة متشتغلش حاجة مش مجالك طالما مجالك كويس وفرصه مفتوحة

**mahmoudysf** · 16-12-2013 04:54 AM

المشاركة الأصلية كتبت بواسطة ادهم على

:s_thum1[1]:

مدنى

انا سالتك ومستني الرد ده
هو فيه حاجة شغالة في الهندسة دلوقتي اكتر من المدني
انزل خدلك لفة على شركات المقاولات ومش هترجع الا وانت شغال
صديقي واخوة واتنين اعرفهم كمان شغالين تمام
ولو سابو شركة تاني يوم بيكونو في شركة تانية
خدمة عملاء اية بس
وانت تخصصك مطلوب كتير هو فيه اكتر من المعمار اللي شغال في البلد

**masterzmind** · 16-12-2013 07:15 AM

باشا انا هندسة اتصالات وبقالى سنة و3 شهور مش لاقى شغل والحمد لله على كل شىء

**amr011111** · 16-12-2013 08:13 AM

بلاش تشتغل فى شغلانه فى غير تخصصك ممكن تلاقى نفسك بعد كده مش عاوز تسيبها
مدنى مطلوب واصبر شويه أحسن
حاول تشغل وقتك فى الوقت الحالى بانك تحضر نفسك للشغل
يعنى ذاكر الاتوكاد كويس جداً ( يعنى اتدرب عليه لمرحله متقدمه xref- layout )
ولو عرفت تتدرب على الثرى الدى رغم انه مش مطلوب فى مجالك بس ممكن يجيلك شغل من خلاله
وعندك برنامج الريفيت ده برنامج كبير ومطلوب وهياخد منك وقت فى التدريب
اعمل اكسيل شيتز للتصميم
بحيث لما يجيلك شغل يبقى معاك البرامج اللى هتشتغل بيها

**bobbozo4b** · 16-12-2013 11:34 AM

المشاركة الأصلية كتبت بواسطة أبو آسر

اشتغل في أي شغلانة في تخصصك يعني مكتب مقاولات مثلا أو ما شابه ولو بمرتب قليل جدا مش عايز أقولك ولو ببلاش حتى ! علشان تاخد خبرة في مجالك والخبرة دي مفروض تدفعلها فلوس مش تاخد عليها فلوس أهم حاجة إنك تشتغل في مجالك وتاخد خبرة فيه وبعدين هتلاقي الشغل زي ما انت عايز طالما الخبرة موجودة لكن نصيحة متشتغلش حاجة مش مجالك طالما مجالك كويس وفرصه مفتوحة

المشاركة الأصلية كتبت بواسطة shaaban2008

اسمع كلام والدك يابشمهندس
تخصصك كويس ومطلوب بره وجوة مصر
مفيش داعي تضيع وقتك في مجالات تانيه
وان شاء الله ربنا هايوفقك

++1111111

-

الموضوع: فضفضه

LinkBack

أدوات الموضوع

عرض

-

-

-

-

-

المواضيع المتشابهه

5 فضفضه

فضفضه ...!!!!

فضفضه

الكلمات الدلالية لهذا الموضوع

المفضلات

المفضلات

ضوابط المشاركة