الموضوع: لمبه التشيك نورت 301

المشاركة الأصلية كتبت بواسطة goldfinger2

هما ال 1700 دول مش كتير على صيانة ال 10000 ؟ ولا هما حسبوا تكلفة التيل والطنابير عليك؟
واية المشكلة اللى كانت فى الفرامل بالظبط ؟عشان انا احيانا بسمع صوت صفارة خفيفة جدا فيها ؟ وهل صيانة ال 2500 دى مش مهمة ولا ايه !!!!

تغير الزيت وفلتر زيت والمصنعية في التوكيل حوالي ٤٨٠ جنيه.
الزيت لو أخدته معاك وانت رايح التوكيل هتخصم من الرقم دا ٣٠٠ تمن چركن الزيت.
هتدفع بس تمن الفلتر ب ٥٠ جنيه والمصنعية.

فال ١٧٠٠ كانو حق تركيب الفوجات بالمصنعية + تغير الزيت وفلتر الزيت بمصنعيتهم.
يعني تركيب الفوجات في التوكيل بحوالي ١٢٠٠ جنيه تقريباً.

الصفارة الخفيقة اللي عندك ممكن تكون من تراب أو بسبب الرطوبة اللي في الجو,
لو التيل وحش هتيجي علي قبل صيانة ال ١٠ الأف هتلاقيه خلص بسرعة وهيتغير لك في الضمان.
وهتتغير لك الطنابير معاه لو كان أثر عليها.

اللي كان عند إبراهيم إن الفرامل بدأت تضعف قبل صيانة ال ١٠ الأف.
لكن لو أنت الفرامل عندك كويسة مش هيكون عندك مشاكل عشان المشكلة دي محصلتش مع كل الناس.

أخر حاجة إبراهيم أتغير له التيل والطنابير في الضمان من غير أي تكلفة.
وصيانة ال ٢٥٠٠ مهمة جداً طبعاً,, ومجانية.

ومهمة عشان لو عندك أي مشكلة أو حاجة فيها عيب تتعالج وتتغير في إقرب فرصة.
غير كدا بيتراجع علي السوائل وبيتعمل للعربية أبديت لاخر سوفت وير بيحسن أستهلاك البنزين وبيربطو مفصلات العربية ولو عندك مشاكل بيسمعوها منك.