الموضوع: قطع الطرق , اخص بالذكر طريق اسكندرية الزراعى

المشاركة الأصلية كتبت بواسطة الجنرال

لا حول ولا قوة الا بالله

احنا نستحق افضل من كده والله .. وحقنا نكون احسن من كده .. لكن بجد حسبي الله ونعم الوكيل في كل اللى شاركوا فى الانقلاب ووصلونا للوضع السيئ ده (ان الشرطة اتفرعنت تاني ورجعت المحسوبية والرشاوي والواسطة وكل الزبالة اللى كنا اتخلصنا منها ده غير الانحدار الاقتصادي والاخلاقي والانساني)

ربنا يلطف بينا

يا راجل
يعنى احنا ايام مرسى كنا اتخلصنا فعلا من الرشاوى والمحسوبية
وكانت الشرطة شغالة تمام وشايفة شغلها
وكانت الاخلاق وصلت للقمة
والاقتصاد كان عشرة على عشرة
ياةةةةةةةةة
الكلام دة كان كلة حصل ايام مرسى
انت متاكد انك كنت عايش فى مصر ايام مرسى

الموضوع بتاع المرور موضوع كبير وله كذا حل
1- ان الطرق متتقفلش لاى مسؤول علشان يعدى فى دقائق من المهندسين لمدينه نصر وساعتها هتلاقى المسؤول لما يقضى كل يوم ساعتين فى الطريق هيعرف ان الله حق ويشتغل على حق
2- المفروض الضرائب اللى بندفعها تبقى مركزيه يعنى انا مثلا ساكن فى شبرا يبقى ضرائبى تتصرف على منطقه شبرا كرصف طرق وهكذا انما طبعاً بتلاقى الضرائب بتتصرف فى مناطق معينه اللى ساكن فيها المسؤولين
3- منع استيراد التوك توك اللعين
4- البدء فى تطبيق البنزين من خلال الكروت الذكيه لان ساعتها هيبقى لزاماً على الميكروباصات والتكاتك الترخيص
5- لما يكون فيه لجنه بتفتش على السيارت الملاكى بس وسايبه الميكروباصات نمرها مطموسه ومش بيشيكوا عليها يتم توقيع جزاءات على امناء الشرطه فى تلك اللجان
6- اعلان رسمى عن الضرائب المجمعه من سائقى السيارات وإظهار كشف ما تم عمله بها من رصف طرق وإناره طرق ( كوبرى الساحل مفيش عليه إناره ومره قبل كده وقع طفل من امه من فتحه فى الكوبرى مش مقفوله وطبعاً نتيجة الظلام الدامس وقع الطفل والام مقدرتش تنقذه - فقرأت ان الكوبرى مش متحمل على محافظه من المحافظتين _ كوميديا بصراحه والسبب لانه واقع بين محافظتى الجيزة والقاهره )