صيانة نيو سيراتو خليجى

**Ahmedhussein007** · 16-12-2013 04:15 PM

ياجماعه صديق معاه نيو سيراتو خليجىى ماشى بيها 900 كيلو وعايز يعمل صيانة ال1000 يعملها فين فالتوكيل ولا مش بيقبلو خليجى ولو مش بيقبلو ممكن يعملها فين ؟؟؟

**الجنرال** · 16-12-2013 04:21 PM

التوكيل دلوقتي بيعمل صيانة للعربيات الخليجي وبدون ما تدفع اى فلوس زيادة

الفرق .. ان لو في حاجة باظت بسبب عيب صناعي التوكيل ملهوش دعوة وهتدفع ثمنه .. لكن لو العربية تبعه (مش خليجي) فهو ملزم يغيرلك القطعة دي من غير ما تدفع اي حاجة خالص

**الجنرال** · 16-12-2013 04:22 PM

سؤال بقه .. ممكن تسأله هو جابها انهي فئة وبكام ومنين .. ولو هتقل عليك ممكن تسأله برضه عن العفشة اخبارها ايه؟؟ علشان هي من ضمن الاوبشنز المتاحة بالنسبة لي بس محتاج اتأكد من موضوع العفشة ده كويس

**Ahmedhussein007** · 16-12-2013 07:03 PM

شكرا جدا ليك ياباشا طيب ممكن عنوان التوكيل
بالنسبه للفئه هى معاه فتحة سقف وبلوتوث وحساسات اماميه وخلفيه وجنط طبعا وتحكم باور(كمفورت ونورمال وسبورت) ومثبت سرعه بس من غير ليد او زينون وفرش قماش وشاريها 165
بالنسبه للعفشه انا جربتها وشايفها كويسه بس انا سقتها مسافه صغيره مقدرش احكم عليها بس هجربها وانقلك تجربتى وربنا يوفقك فى الاختيار بس اللى لاحظته فيا انها مابهرتنيش من جوا يعنى مااتفاجأتش اول ما ركبتها بالعكس انا معايا شارك وافخم منها من جوه

**الجنرال** · 16-12-2013 07:06 PM

خير ربنا يباركله فيها ويحفظهاله .. ياريت لو تسأله هو حاسس بايه من ناحية العفشة وهو اصلا كان راكب ايه قبل ما يجيب السيراتو

بالنسبة للعنوان انا معرفش غير بتاع ابورواش اللى بعد القرية الذكية .. يدخل من مدخل القرية الذكية من الطريق الصحراوي .. يكمل لحد ثالث يو تيرن .. ويدخل في اول يمين .. يكمل لحد ما يلاقي بنزينه كالتكس على اليمين .. (حوالي 2 كيلو تقريبا) وبعد البنزينه على طول هيلاقي توكيل كيا على اليمين