اصلاح السيارة في التوكيل مع شركة مصر للتأمين

**toty_305** · 16-12-2013 06:03 PM

-أنا عندي حبة حاجات بسيطة كده و قررت اعملها في التوكيل هي عربية Hyundai accent RB 2012 .

الل فهمته من الخطوات:

1. اخطار مصر للتأمين عن طريق الموقع misrins.com.eg
2.عمل مقايسة في التوكيل
3.تقديم صورة رخصة القيادة و رخصة السيارة و الوثيقة و المقايسة لشركة التأمين
4. بعدين هيحصل معاينة في التوكيل و هيبدأ الشغل
5. بعدين أدفع الفلوس و اعمل معاينة تاني و اخد فلوسي بعد فترة بشيك

أسئلة محيراني ؟

1. في الموقع بيقول تاريخ الحادث و ده مش حادث دي حاجات بسيطة اكتب اي تاريخ و خلاص ؟؟!!

2.المعاينة في التوكيل و لا في شركة التامين اسرع يعني بعد ما اعمل المقايسة ممكن اروح بالعربية جراج مصر للتامين اسرع و لا لازم المندوب يروح التوكيل و نفس القصة بعد اصلاح السيارة أن شاء الله

3.ينفع اعمل مقايسة و اخد العربية بعد كده و لا لازم اسيبها في التوكيل ؟؟

شكرا مقدما.

**insurancebroke** · 16-12-2013 08:04 PM

السلام عليكم
اولا
لازم تاريخ حادث (لاتتعدى مده الاخطار 72 ساعة)
ممكن تكتب التاريخ قبل المقايسه بيوم
ثانيا
عمل مقايسه اصلاح قبل الاخطار
ونروح بالمقايسه تفتح بيها الاخطار
لازم تشوف المقايسه الاول هتتكلف كام
لان لو اتكلفت اكثر من 5000 لازم تعمل محضر شرطه

هيا خبطات بسيطه وخدوش ولا ايه بالتفصيل
لو حجات بسيطه ممكن تعمل مقايسه وتروح بالسيارة ممكن يرضو بعاينوها هناك
انت ناوى تعملها فين

خلي بالك لو رايح غبور تعمل مقايسه وتاخد السيارة هياخدو منك ثمن المقايسه الاول لحد متيجى تصلح وتخصم ثمن المقايسه عند الاصلاح

لاى استفسار اخر فى اى شركه تأمين تحت امرك

**toty_305** · 16-12-2013 10:02 PM

-حبة خرابيش خرابيش في الاكصدام و الباب و العتب ان شاء الله مش هتعدي

-انا هعملها في غبور

-ثمن المقايسة بيكون كام في التوكيل ؟؟

-تمام كده يبقى انا اعمل مقايسة الاول بعدين اضبط مع التأمين.

-ألف شكر على المعلومات و مساعدتك.