بخصوص تقل دركسيون البيكانتو وتركيب باور

السلام عليكم ورحمه الله وبركاته


أول مشاركه ليا ف منتدا كيا :)

اشتريت بيكانتو 2004 ماشيه 45 الف كيلو خليجي

السياره ممتازه ماشاء الله صغيره واقتصاديه واسعه ماشاء الله نزلت من الفارميو 146 حسيت انها اكبر منها ومريحه جداً ماشاء الله فيه بعض التعليقات البسيطه السياره

ألأستفسار بقا :) المفروض ان العربيه هاف باور وال عرفته ان الدركسيون بيبقا خفيف وبيقولو عليها كدا في السوق اكتشفت ان الدركسيون تقيل جداً

السؤال الاولني : البيكانتو دركسيونها تقيل فعلاً

السؤال التاني : ممكن يركبلها باور استرينج وحد ليه تجربه سابقه او يقدر يفدني بالتكليفه و اركبه فين وازاي :)


شكرا ياشباب الكياويه :)

بالتوفيق


احمد عماد

صديقي المواطن
أي عربية يركبلها بور تلزيق مش حيكلفك أكتر من 1300 جنيه وده بيعملوا إيه بيدوروا على عربيات إستيراد بيشيلوا منها البور ويركبوا وده شغل التلزيق المصري عقبال متلاقي عربية أخت عربيتك وميكانيكي يقعد يوفق ويقطع ويشيل ويحط ويمشورك وهات وروح وفي اﻵخر حتوفر فلوس أي كلام وحتتبهدل أضعاف نا وفرته والصح تروح لورشة بورات فقط يعملولك بور على مسؤوليتهم ويبقه دايما عندهم إمكاتيات يسلمك بور بالضمان بشرط يكون الدركسيون أخف من مثيلتها الفبريكة وده ممكن يخش بألفين جنيه تقريبا وأنا بركب في عربياتي منه وركبت قبل كده بالطريقة اﻷولانية وندمت وأنصح بمؤسسة الصغير في شامبليون

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

الف شكر ياسيدي المواطن :) صدام اشكرك علي النصائح الجميله تسلم ايدك :)


انا عايز اقولك انا اتعودت علي الدركسيون خلاص :)

بس احتمال قريب أفكر ف تركيبه وبناء عليه حرجع لنصيحتك الغاليه واروح لورشه الصغير ف شامبليون :)

شكراً صدام :)