ههههههههه اخيرا حد قال حاجة حلوة من ساعة ما سجلت هنا
عرض للطباعة
ده عبد الهادي بقى :)))))))اقتباس:
المشاركة الأصلية كتبت بواسطة العالمى
:POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]:
يا جماعة براحة شوية على الراجل
:khd:
طيب يا عالمى اشمعنى يعنى النوبيرا اللى انت مختارها واضح انك مش من هواه العربية ولا كنت شغال فى التوكيل مثلا ولا قولت اى تعليق على بعض المشاكل اللى الناس كتبتها
ماتصلوا على النبي كده ونفصل تهريج شويه الراجل جاي يعرض خدماته و معرفته لو ساعد حد مشكور ولو قال معرفش يشكر اجتهاده ومحدش يزعل مني كلنا كنا لما انضمينا للمنتدى جداد والبعض كان داخل بمعلومته و البعض كملها من هنا و البعض درجته عليت من متابع و مشكور و للرفع
مرحبا بيك العضو عالمي في قسم الدايو و اعتبرها حفله استقبال من اخواتك هنا
التوكيل قفل علشان النوبيرا فشلت !!!!!!!!!!!!!!
جوز اختى سنه 2004 كان شارى نوبيرا مانوال زيرو وكانت معظم ركوبتى العربيه دى وحافظها من a الى z طبعا مش هتصدق اللى هقولهولك العربيه دى التانى بتاعها كان بيقفل 100 على ار بى ام 6 واستهلاك بنزينها كان خيالى بطريقه تشكك فى نفسك عكس المتعارف عليه فى النوبيرا ودا بسبب حاجه هو عاملها عن طريق الصدفه كان عند كهربائى فى يوم من الايام والكهربائى دا والله اعلم كان شارى طقم رشاشات لعربيه باسات على حسب كلام الكهربائى والكلام دا كان سنه 2005 فتوقعاتى الباسات الشكل اللى قبل الحالى .....المهم الزبون طرقع للكهربائى فطبعا الكهربائى اقنع جوز اختى انو يشتريها وانها هتحسن اسنهلاك البنزين واداء العربيه وكدا طبعا دا مش عشان خاطر سواد عيونه دا عشان يخلص من المشكله اللى عنده ....وقد كان جوز اختى اشتراها منه ولحسن حظه كلام الكهربائى طلع صح بالرغم من انه كان فى نيته يلبس جوز اختى وخلاص وبعديها على طول جوز اختى راحله عشان كان جايبله برده نوع بوجيهات نضيف جدا ساعتها مش عارف الصراحه اسمه ايه بس الصراحه عربيه جوز اختى بعد تركيب الحاجات دى كانت مش طبيعيه كانت بتعلم على افندينا ......من اول البوما الى الالنترا 2006 والماتركس والباسات والاوبل فكترا واسترا 2006 ........وكان استهلاك البنزين خرافى لدرجه لما باعها واشترى التويوتا 2008 جنوب افريقى كان بيقولى انها بتاكل بنزين عن النوبيرا بس الصراحه التويوتا كانت جرايه برده وكنت بقفل انا بيها 215 مستريح ..................
بالنسبه للضفيره بتاعه الليجانزا تتجاب مع الموتور وتتركب بولى اند بلاى احسن ما حد يلعبلك فى ضفيره النوبيرا اللى انت بتقول انها متشعبه عن الليجانزا ودا شى يقلق
تحياتى
هو انا عملت حاجة؟؟؟
الراجل بيقول انه "العالمى" اللى عندة كل حلول النوبيرا... طبيعى اسال معلوماتة و خبرتة اساسها ايه... معتقدش ان دى حاجة عيب ولا حرام
و اعتقد الاعضاء القدام هنا فاكرين موقف مشابة و عضو كان بيعرض خدماتة و فتى فتية لعضو تانى و نزل عملها فى عربيتة و الضفيرة ولعت... مش طالبة الموقف يتكرر تانى
MMamdouh
معتقدش حد من الناس التقيلة القدام فى القسم زى طارق او عصام لما سجلوا فى المنتدى كان اول دخلتهم بالطريقة دى... محدش فيهم دخل قال انا عندى حل اى مشكلة فى الدنيا فى اول مداخلة ليه ولا حتى فى اى مداخلة على مدار وجودة بالمنتدى
و اعتقد كمان الاسماء دى احنا كلنا عارفينها عشان شغلها فى القسم سواء فى حل المشاكل و الاستفسارات و مساعدة الاعضاء اضافة طبعا للشغل اللى بيعملوة فى العربيات بنفسهم زى موضوع تشغيل الRPM فى اللانوس الهاف لطارق و فيشة الاوكتين لعصام و غيرها و غيرها...
و حتى العضو ZARIF احدث المنضمين للقسم كان بداية تعارفة معانا شغل عالى اوى و مواضيع فيها شرح تفصيلى و صور توضيحية... يعنى الراجل مقدم شهادة تعارف 10 على 10 و فى وقت قليل بقى من الناس البارزين فى القسم
القصد هنا ان شغل العضو هو اللى بيديلة سمعة فى القسم مش الدعاية لنفسة... اى حد ممكن يعمل عضوية اسمها "الدولى" و يقول "انا بفهم فى كل حاجة فى الدنيا"...
و بعدين انا سالت الراجل سؤال لحد دلوقتى مجاوبش علية مش عارف ليه... انا لا بسال فى حاجة عيب ولا حاجة حرام ولا سر حربى
ايه اللى عنك يميزك عن اى عضو فى القسم عشان تدعى انك تمتلك علم اعلى من اى حد فينا؟؟؟؟؟؟
سيبك من الدرجات دى... كلنا عارفين ان الدرجات دى لا تعنى اى شىء و العبرة بالمحتوى مش بالكميةاقتباس:
و البعض درجته عليت من متابع و مشكور و للرفع
ممكن اى حد يعمل 1000 مداخلة كلهم اى كلام فارغ... و ممكن واحد يعمل مداخلة واحدة يفيد بيها 1000 واحد...
و ممكن واحد يبقى عضو من 2007 و ملوش اى مشاركات فعالة و واحد مسجل اول امبارح و عامل شغل من نار
شغل العضو و تفاعلة مع باقى الاعضاء هو اللى بيديلة وضعة داخل القسم و داخل المنتدى كلة مش الدعاية و البروباجندا
MMamdouh
حلاوتك يا ممدوح انك بتجيب من الاخر بصراحة
استاذ MMamdouh انا بردو مش لاقى تبرير كافى لحد دلوقتى يستاهل كل التحامل اللى على الراجل الجديد لحد دلوقتى يمكن دخلته كان عليها بعض الملاحظات بس دا ميمنعش ان المقصد منها خير وانه عايز يفيد الناس لانه حس انه عنده حاجه عايز يقدمها....... فى حاجه كمان لفتت نظرى فى كلامك ان العضو الجديد من وجه نظرك ليه حدود فى الكلام ولازم يتبع طريقه نمطيه قبل ما يقول رائيه ويدخل دخله مبتديئين حتى ولو كانت خبره معقوله فى المجال دا .. ودا طبعا غير مدرج فى لوايح المنتدى .. القصد من دا كله اننا بدل منكسر مقديف الراجل الجديد ونحسسه اننا جبابره وانه مش قدنا ........نحتضنه ونسمع منه ولو كلامه معجبناش خلاص مش لازم نطبقه وبدل منقول له تفهم ايه ولا خبرتك ايه زى ميكون دا خل انترفيو نحيه على روحه الطيبه ونشاركه كلامه ولو فيه بعض الاخطاء نبدا نصححاله وبكدا احنا بنعمل لنفسنا كيان اقوى وروح التسامح ما بينا هتبقى اقوى .......والراجل مدعاش الصراحه انه اعلم من اى حد هنا فى قسم الدايو الفاز طبعا .....كل اللى قاله انه عنده حل لمعظم المشاكل اللى قابلته فى النوبيرا يمكن مش حرفيا بس الكلام ممكن يتفهم جدا ضمنيا .........وكمان انا لاحظت حاجه غريبه جدا وانا عارف الكلام دا من زمان من ساعه ما اشتركت فى المنتدى ........بسم الله ماشاء الله مستوى المعرفه عندنا هنا فى المنتدى مرتفع جدا ويمكن يشبه نفس مستوى الصداقه الحقيقيه ودى ميزة ..فى بعض الحالات لما حد جديد يدخل وسطنا بنعمله تشريفه تمام الاول زى الاستقبال كدا فى الحجز بعد كدا يبقى حبيبنا........وعندى امثله كتير من الاعضاء الكبار دلوقتى فى المنتدى بدون داعى لذكر الاسماء ........... اتمنى من الله عز وجل اننا يبقى عندنا سعه صدر اكبر شويه صغيرين لاستوعاب الناس الجديده واللى محتاجه المشورة
تحياتى
يا جدعان صلوا على النبى كدة و استهدوا بالله كلنا على قدر المساواه انا كنت داخل اهزر فجأة الموضوع قلب بجد
العضو العالمى بيحاول يفيدكم على قدر معلوماته و سيبكم بقا من كلام اعضاء جداد و قدام انا واحد من الناس بقالى على الاقل 3 سنين فى المنتدى هنا و مشاركاتى قليلة جدا جدا علشان كنت مشغول الفترة اللى فاتت ممكن يكون العالمى عضو جديد لكن عنده خبرة و المشاركات هى اللى هتثبت ذلك سيبوه يقول اقترحاته و معلوماته و لو اخطأ صححوله معلوماته ...
ياجدعان خلاص موضوع تهريج واتردم عليه ..عايزك يا عالمي تاني متزعلش و تقولنا على حاجه تحسسنا بفرق في للنوبيرا
هو انا لما اساله خبرتك ايه ابقى بتحامل عليه؟؟؟
مش دا سؤال طبيعى لواحد بيقول انه عارف كل حاجة ولا انا غلطان؟
انت فهمت كلامى غلط... العضو الجديد من حقة يشارك فى اى موضوع زى ما هو عايز و يبدى رائية الفنى براحتة طالما مش بيفتى او بيالف... صحيح مفيش قواعد فى المنتدى لمواجهة التاليف و الفتى لكن الاعضاء نفسهم هما اللى بيقدروا يميزوا الكلام الصح من الفتى و دى ميزة كبيرة فى مجتمع نايل موتورزاقتباس:
فى حاجه كمان لفتت نظرى فى كلامك ان العضو الجديد من وجه نظرك ليه حدود فى الكلام ولازم يتبع طريقه نمطيه قبل ما يقول رائيه ويدخل دخله مبتديئين حتى ولو كانت خبره معقوله فى المجال دا .. ودا طبعا غير مدرج فى لوايح المنتدى
و لو رجعت لاول مداخلات الاعضاء اللى انا ذكرتهم قبل كدة هتلاقى كل واحد فيهم بدايتة كانت مشاركات فعالة فى حل مشاكل الزملاء سواء بتحليل المشكلة او اقتراح طرق الحل...
محدش فيهم دخل قال "انا عندى حلول كل المشاكل" علما بان الناس دى دخلت المنتدى و هى عندها خبرة فى السيارات عموما و الدايو خصوصا من قبل دخولهم للمنتدى... حتى لو استفادوا معلومات من المنتدى فا الاضافة اللى هما اضافوها للمنتدى اكبر بكتير من الاضافة اللى اضافها المنتدى ليهم
و العكس بالعكس الاعضاء اللى دخلت المنتدى بشكل مشابة ماضافتش اى حاجة للمنتدى و اعضائة بل بالعكس سببت مشاكل
الوضع دة لما يبقى عضو جديد و مقالش انه "عارف كل حاجة"...اقتباس:
.. القصد من دا كله اننا بدل منكسر مقديف الراجل الجديد ونحسسه اننا جبابره وانه مش قدنا ........نحتضنه ونسمع منه ولو كلامه معجبناش خلاص مش لازم نطبقه
و قصة "معجبناش" ممكن تنفع معاك او مع عضو عندة خبرة... انما لو واحد خبرتة ضعيفة ممكن ياخد الكلمة و يطبقها عملى و تحصلة مشكلة... و انا قولتلك ان السيناريو دة حصل بالفعل قبل كدة
هو اللى حط نفسة فى انترفيو على فكرة مش احنا اللى حطناهاقتباس:
وبدل منقول له تفهم ايه ولا خبرتك ايه زى ميكون دا خل انترفيو
نصحح "للعالمى" اللى "عندة كل حلول المشاكل"؟؟... وصلت الفكرة ولا لسة؟اقتباس:
نحيه على روحه الطيبه ونشاركه كلامه ولو فيه بعض الاخطاء نبدا نصححاله
الكيان بيقوى بقوة الاعضاء اللى فى الكيان نفسة... و القوة دى بتبان عملى من خلال المشاركات و التفاعل مع الاعضاء و اضافة معلومات و خبرات... حتى الان مشوفناش حاجة من دى ولا حتى نبذه عن الخبرة و المعرفة اللى المفروض هتضاف للمنتدىاقتباس:
وبكدا احنا بنعمل لنفسنا كيان اقوى وروح التسامح ما بينا هتبقى اقوى
حل "جميع" مشاكل النوبيرا...اقتباس:
والراجل مدعاش الصراحه انه اعلم من اى حد هنا فى قسم الدايو الفاز طبعا .....كل اللى قاله انه عنده حل لمعظم المشاكل اللى قابلته فى النوبيرا يمكن مش حرفيا بس الكلام ممكن يتفهم جدا ضمنيا
فى "الحال"....
سيب الباقى "علينا"...
اعتقد اللى مكتوب غير اللى انت فهمتة خاااااالص....
انا متذكر كويس الناس قطعت فى فروة احمد عبد الهادى اول ما دخل لانة كان بيقول انة بيقطع الفيرنا و السيراتو و الباسات و تقريبا كل عربيات مصر و بيكسر ال200 كيلو متر/ساعة باللانوس ال1500... و دة طبعا محدش عاقل يصدقة... و فى الاخر طلعت القصة انه نسيى يقول ان المكنة 1500 "اتنين كامة" :grin54:اقتباس:
وكمان انا لاحظت حاجه غريبه جدا وانا عارف الكلام دا من زمان من ساعه ما اشتركت فى المنتدى ........بسم الله ماشاء الله مستوى المعرفه عندنا هنا فى المنتدى مرتفع جدا ويمكن يشبه نفس مستوى الصداقه الحقيقيه ودى ميزة ..فى بعض الحالات لما حد جديد يدخل وسطنا بنعمله تشريفه تمام الاول زى الاستقبال كدا فى الحجز بعد كدا يبقى حبيبنا........وعندى امثله كتير من الاعضاء الكبار دلوقتى فى المنتدى بدون داعى لذكر الاسماء
دا طبيعى لان زى ما قولت الناس هنا معظمها فاهم كويس فا مش سهل تقول حاجة اى كلام و الناس تبلعها... و لما بيحصل دة بتلاقى الناس بتعترض و بترد بثقة لانهم ناس فاهمة كويس... انا شايف ان دى حاجة كويسة مش حاجة وحشة
متفق معاك بشدة و اؤيد رائيك... بس ياريت تقترح علينا نعمل ايه مع الناس التانيةاقتباس:
اتمنى من الله عز وجل اننا يبقى عندنا سعه صدر اكبر شويه صغيرين لاستوعاب الناس الجديده واللى محتاجه المشورة
تحياتى
MMamdouh
يعنى كلمة حل لجميع المشاكل دى ضيقتك اوى حضرتك مبتقراش جرايد وتلاقى اعلان مكتوب فيه امتلك شقة بــ 50 الف جنية ولما تكلمهم تستفسر يقولك لا حضرتك ده اعلان الخمسين الف دول مقدم وحاجات زى دى كتيرررررررررررر بس انا حبيت اجذب الناس للموضوع مش افتى عليهم زى ما حضرتك عايز تقول وبعدين لو حد قالى حاجة معرفهاش مش هجاوب وبعدين انا ملاحظ تحامل فظيع على اسم (العالمى) عادى ده اسم شهره مش اكتر بلاش نركز على حاجات تافهه
انا الصراحة مش شايف الراجل عمل حاجة غلط وشايف ان فيه تحامل عليه بدون سبب الراجل طرح الموضوع علشان كلنا نستفاد ونطرح المشكل والعيوب وحلها لكن نخرج عن سياق الموضوع ونمسك فى حاجات هايفة ده اللى غلط وياريت نبقى فى سياق الموضوع ونركز عليه بلاش نتكلم فى حاجة تانية
بكام مساعدين النوبيرا الخلفى
الحمد لله محدش عنده مشاكل الموضوع بقا كله مناقشة الى عايز يقول انى فتااى وكده يعنى بس انا مبسوط علشا ن عضو جديد مسجل اوبل امبارح وقدرت اجذب انتباهكم كده وعملت الى محدش عارف يعملو بس المهم انو قعد يتكلم وخلاص وبشكر الناس المحترمة الى وقفت معايا لان بجد دى ناس عايزه تستفاد مش تهرج
الموضوع اتقلب مناقشة على العالمى مع ان فى مشاكل اتطرحت و متردش عليها
انا قولت مشكلتى و فى ناس قالت مشاكلها و المشاكل متحلتش المهم انا شايف ان الناس مع احترامى الكامل ليهم متحاملة على الراجل شوية انا معاكم ان مفيش حد عارف كل حاجة و عنده حلول لكل حاجة بس احنا مسمعناش منه حل مشكلة واحدة الاخوة فى المنتدى ما شاء الله عليهم فاهمين كويس كان نفسى يكون موضوع النقاش فى المشاكل الصراحة اللى زيى مش فاهم اوى فى صيانة العربيات كان هيستفاد كتير المهم حصل خير نتمنى منكم مناقشة المشاكل علشان نستفيد و تحياتى لكل الناس
انا مقولتش انك فتاى... انا قولت فيه ناس بتفتى...
و انت لحد دلوقتى مجاوبتش على سؤالى و بتهرب منة...
http://i83.photobucket.com/albums/j3...psa74e8caa.jpgاقتباس:
بس انا مبسوط علشا ن عضو جديد مسجل اوبل امبارح وقدرت اجذب انتباهكم كده وعملت الى محدش عارف يعملو
و هو انت عملت حاجة غير الكلام؟.. دا انت حتى مجاوبتش على اسئلة الناس اللى سالتكاقتباس:
بس المهم انو قعد يتكلم وخلاص
الكلام ببلاش....
اقتباس:
وبشكر الناس المحترمة الى وقفت معايا لان بجد دى ناس عايزه تستفاد مش تهرج
اظن كلنا دلوقتى عرفنا مين اللى جاى يهرج...
MMamdouh
محمد ممدوح ده ،،،،،،،،،،،
[IMG]http://i1166.photobucket.com/albums/...ps64515b9b.jpg[/IMG]
الله ينور يا صاحبي
هو انت العضو الجديد الوحيد فى المنتدى؟...الحمد لله المنتدى ناجح و الاعضاء بيزيد عددهم كل يوم... مش قصة يعنى
لا خالص... دا فضل من عند ربنااقتباس:
ولا انت بتخاف لحد ياخد مكاتك
و لو فيه عضو عامل شغل بجد و بيساعد الناس بجد من حقة ياخد مكانة تتناسب مع شغلة و مساعدتة للناس و اضافتة للمنتدى حتى لو المكانة دى بقت اعلى من مكانتى... لكل مجتهد نصيب
و لو القصة زى ما انت فاهمها كدة كنت حاربت كل الناس اللى برزت فى القسم بس الحقيقة انهم كلهم اصحاب مقربين ليا داخل المنتدى و على المستوى الشخصى كمان
هههههههههههههههههاقتباس:
بس متخفش انا الموضوع بالنسبالى تسالى هوايه يعنى مش اخدها شغلانة زى حضرتك
حلوة شغلانة دى.... ضحكتنى بجد الصراحة :grin54:
عايز تصدق كدة براحتك :S_thum1[1]:اقتباس:
بس بردو الاعضاء واقفة معايا !!!!
MMamdouh