عالمى
انته مين يا عالمى
اسمك
وسنك
وعنوانك
اوعه تزعل قسم دايو لفوق 18 سنه فقط
عرض للطباعة
عالمى
انته مين يا عالمى
اسمك
وسنك
وعنوانك
اوعه تزعل قسم دايو لفوق 18 سنه فقط
ريح يا محمد يا ممدوح
بص ياعالمي انت لما دخلت قسم الدايو الناس رحبت بيك كعضو جديد و منهم اللي هزر معاك انت اتقبلت ده او لأ ماشي و منهم اللي قالك متزعلش بالنيابه عن نفسه او الغير و خلاص لكن انا اسف تشبك مع محمد ممدوح و تقولوانت عملت ايه؟ لا انا اللي بسألك انت اللي عملت ايه؟ انت لسه داخل امبارح وجاي تخبط يا استشاري القسم،، محمد ممدوح انا واحد من الناس ياما اتعلمت منه ولما اغلب في مشكله بعمل موضوع و اكتب اني طالب رأيه و رأيه مفيد للغايه وياما عمل موضوعات فادت الناس موصلش لاستشاري بكوسه مثلا والراجل ده ياما قابلته في منتديات دايو اجنبيه وشوفت الكلام اللي بيعمله بره وللعلم انا اتشرف بمعرفته الخاصه لكني بالفعل انا معرفهوش على المستوي الشخصي
اللي مالوش كبير بيشتري كبير و محمد ممدوح كبيرنا هنا...لحد دلوقتي بنقولك تاني مرحبا بيك اكتر من كده اسف لاحتلاقي حد بيتفاعل معاك ولا بيرد عليك لو طالب استشاره
وانا مش عايز اقولها وساكت من بدري لكني لما جيت الطف الجو بعتلي على الخاص بانك تعبت من تهريج الناس وانا طيبت خاطرك وقولت اكتبلي مشكلت في الخاص و فاجأني ردك باني احطها على الاسكان...سيدي الفاضل شكرا لنصيحتك بس الاسكان ده مش محتاج انك تقولي عليه و مش حل اصلا و بالاضافه اني كاتبلك على العام انا و غيري المشكله و برضوا داخل في القيل و قال و محلتش مشكله حد
دخلتك كان غلط و كملت و دلوقتي بتدوس في كبير المنتدي كده كفايه الناس الحقيقه وانا عن نفسي مش معاك زي مانت فاهم ولكن صعبان عليهم و بيحولوا يلطفوا الجو
مرحبا بيك وسط القسم لحد دلوقتي اكتر من كده لا اهلا و لا سهلا
بص يامعلم اولا انا مزعلتش من هزار الاعضاء لان دا عادى بالعكس انا كنت بضحك على كلمهم كان الى يعد يقولك انت مين ياعالمى وحاجات زى كده انا بس انا مش بحب اكون زى اى حد يعنى حبيت اكون عضو معروف ف وقت قليل والحمد لله نجحت ف كده وده بان من عنوان الموضوع و واسمى بس لكن انا لفتيت على حد ولا قولتلو كلام غلط ولا حاجة بس (محمد ممدوح) كبير المنتدى على عينى وراسى بس بما ان هو كبير المنتدى لازم تكون دخلته احسن من كده انا عضو جديد شجعنى مش تقولى انت خبرتك ايه وكلام كده ناقص يقولى اتمشى مش عايزين النهارده المشكلة ف حاجة انا عضو معاكو طيب الزوار بتوع المنتدى لما يدخلو يشوفنا نقطع ف بعض وكل واحد عايز يبين ان التانى مش بيفهم عمروهم ما هيسجلو معانا وبعدين انا لما دخلت وسطكم كان قصدى انى اتعرف ع المنتدى كله بس واضح الاستاذ ممدوح مش عارف اقول ايه والله وملحوظة : انا مش شحات علشان اصعب على حد الناس الى وقفت معايا دى شايفه ان مينفعش عضو جديد لسه مسجل يتعمل فيه كده مش اكتر وياجماعة لو مش عايزنى معاكو قولو وانا مش هدخل تااااانى
وانا مستنى ردكم
طيب ياريت تقول للاستاذ محمد ممدوح الى انا قولتهولك يعنى مفتتش عليك مش قولتلك روح غير كذا وكذا وبعدين انت قولتلى انت مغير كل حاجة ف العربية خلاص غير المكنة كماان وريح دماغك اصل مش عارف كنت اجاوبك واقولك ايه يعنى اجى اصلحالك بنفسى يعنى وبعدين انا عالمى مش هروح لكل واحد اصلحلو عربيتو ههههههههههههههههه
يا عالمي لانت شحات و لا حد بيحسن اليك ده منتدى مجاني و حديك مثالين انا مثلا مسجل من2009 وكنت بدخل اقرأ المواضيع لحد ماشوفت اعضاء داخلين لسه امبارح و كبروا بمشاركتهم و مواضيعهم شكيت للناس هنا و اول واحد اداني فوق دماغي محمد ممدوح عشان انا مبشاركش و عشان كده في عز ظروفي و شغلي و بدخل و بشارك و المثال التاني عضو مصطفى حسن الشهير بظريف معروف هنا و خارب اللانوس بمواضيعه مواضيعه ممتازه و تعرض للايقاف في حوار كده و دخل قال انا اتوقفت ليه والرد كان من الكل ان مفيش حد اكبر من الايقاف
كلنا هنا سواسيه والتمييز هنا انك بتعرف مين اللي ممكن يفيدك او ممكن يتناقش في حل كويس
اهلا بيك معانا و وسطنا و لتالت مره متزعلش من حد ولا تزعل حد منك و خلاص مش عايزين كلام تاني في الموضوع ده
بصراحة شايف الموضوع خد اكبر من حجمة الطبيعى اوى و لو كان اتساب كان زمانه فى طى النسيان حاليا
الاستشارى بتاعنا و كبير قسم الدايو كبر دماغك يا معلم و فكك