حجزت كورولا 2014 الفئة التانية اوتوماتك اللون ابيض كنت عايز الفرش بيج و التابلوه الراجل بيقولى مينفعش هى بتنزل فرش اسود مع اللون الابيض.
حد يعرف الحل ...اكلم حد من الادارة ولا اشوف واسطة ولا ابعت ايميل للشركة فى اليابان ولا اهدد بالغاء الحجز ؟؟
عرض للطباعة
حجزت كورولا 2014 الفئة التانية اوتوماتك اللون ابيض كنت عايز الفرش بيج و التابلوه الراجل بيقولى مينفعش هى بتنزل فرش اسود مع اللون الابيض.
حد يعرف الحل ...اكلم حد من الادارة ولا اشوف واسطة ولا ابعت ايميل للشركة فى اليابان ولا اهدد بالغاء الحجز ؟؟
غير اللون الابيض بلون تانى يكون داخليته بيج مع العلم ان البيج فى مصر مينفعش عايز عنايه جامده علشان ميسودش من التراب والطينه اللى ماليه البلد
انا عايز ابيض فى فرش بيج .....محدش معاه نمرة واحد تقيل جوة تويوتا يفدنى فى الموضوع ده.....ولا ممكن اطلبها من معرض يجبهالى ابيض فى بيج
مينفعش يا باشا .. الفرش الداخلي بينزل استاندرد على حسب اللون .
معلش ممكن تقولي حجزت بكام وفرع أيه ؟! دفعة حجز بكام والسعر النهائي كام والاستلام بعد أد أيه
والله لو كلمت المصنع ف تركيا
الابيض بينزل فرش اسود استاندر م المصنع
ومحدش يقدر يجيبهولك بيج ابدا
بس انت ممكن تاخدة اسود وبعدين فصل لة فرش بيج ع راحتك
‫نظرة على تويوتا كورولا 2014 Toyota Corolla‬‎ - YouTube
اللينك ده فيه كورولا ابيض فى بيج......انا المهم عندى التابلوه اكتر من الفرش
حجزت من فرع القاهرة الجديدة ....50,000 جنية ....الاستلام بعد 3-4 شهور.....السعر النهائى عند الاستلام ..بس لغاية دلوقتى محدش استلم بسعر زيادة و كدة كدة لو السعر زاد و ما عجبكش تقدر تسحب فلوس الحجز كاملة
هو الليدات اللى حوالين الفوج لايت اللى فى الفيديو موجوده فى الوكيل التركى
الليد ف الفانوس بس
مفيش ف الفوج لايت او حولية ليد ... موجود نيكل كروم بس ف النسخة المصرية
اما بالنسبة للى ف الفيديو .. دى خليجى مش مصرى ... خط الانتاج المصرى مفيش فية لون العربية ابيض بفرش بيج .. دة كلام مندوب المبيعات ليا وانا بحجز بخصوص اللون علشان كدة انا جبت فصى
ياباشا الفديو ده في الخليج والخليج مش بينزل فيه فرش اسود نهائي كل الالون فرش بيچ عشان الحر عندهم لو عايز ابيض في بيچ استني الخليجي اكيد هتنزل بس مقارنة بموصفات التركي مش هتعجبك او اختصر الطريق وغير اللون
الليدات دي كماليات في التايواني بس بدل النيكل في التركي بس اظن اكيد بعد فترة هينزل هنا من الكمالياتاقتباس:
المشاركة الأصلية كتبت بواسطة amgomaa
الحقيقه شكله جامد عامل زى الفلوينساقتباس:
المشاركة الأصلية كتبت بواسطة iusef
طيب محدش يعرف مكان ممكن يعملى الحتة البيج اللى فى التابلوة ...(مش الفرش)
بيبقى فيه زي تجليد كاربون عند بتوع الاكسسوارات .. بس منصحكش بيه .. الفابريكة فابريكة بأي حال من الأحوال .. ومن غير لعب فيها بتبقى أحسن (وجهة نظر شخصية) .
السلام عليكم توجد ملاحظة فى عتب الابواب من اسفل صاج وليست فيبر زى الموديل السابق واراها مشكلة خاصة فى شوارعنا الجميلة
السلام عليكم
لى ملاحظة على الكورلا الجديدة بخصوص عتب الابواب بالاسفل صاج وليس فيبر زى الموديل السابق مما يصعب المهمة خصوصا فى شوارعنا والارصفة الغريبة فى بلدنا
طيب مين كويس بتاع اكسسوارات ممكن اروحلو اشوف التجليد الكربون ؟؟
ممكن تعمل بحث في قسم الاكسسوارات على كلمة (كاربون) حتتطلع ليك المواضيع المتعلقة بيه :
نايل موتورز - NileMotors.net