اية الحل لمشكلة البطاحات لنوبيرا

**amro_19700** · 17-12-2013 03:02 AM

السلام عليكم/
بدون مقدمات البطاحات الخلفية لنوبيرا فجاة لقيتها مشروخة شرخ جامد ولقيت مياة المطر داخل شنطة العربية المهم رحت لسمكرى قالى هنقصها ونركب حديد محمل مكانها ونلحمها
المشكلة انة طالب 600جنية مصنعية غير العفشجى والبوهيجى قالى هياخدوا فى حدود 300 جنية انا عايز اخد رايكم اعمل اية وهل السعر دة مناسب ولا مبالغ فية لان الحقيقة انا خايف امشى بالعربية لانة قالى المساعد ممكن يطلع لو خدت اى مطب جامد او فى حمولة فى شنطة العربية افيدونى افادكم اللة

**zendo** · 17-12-2013 12:48 PM

دى مشكلة فى كل النوبيرا وطالما انت فى بورسعيد هدلك على واحد يعملهم لك والسعر مبالغ فية طبعا كتير فيه واحد اسمه مسعد فى حرفيين زرزارة بتاع دهان سيارات ناحية الجامع كدههو بيعملهم وبيرجعهالك زى الفل ورفمة 01224615895 كلمة وهو هيتصرف وابقى قولى عملت ايه

**العالمى** · 17-12-2013 03:00 PM

لا السعر مش مبالغ فى اهم حاجة يكون الصنيعى نضيف لان ده مكان حساس جدا فى العربية واى سم زيادة او نقص هيعملك خلل ف العربية انا عملتها ورجعت فبريكة احسن من الاول وعملى احزمة الفبريكة وكل حاجة

**amro_19700** · 18-12-2013 12:34 AM

المشاركة الأصلية كتبت بواسطة zendo

دى مشكلة فى كل النوبيرا وطالما انت فى بورسعيد هدلك على واحد يعملهم لك والسعر مبالغ فية طبعا كتير فيه واحد اسمه مسعد فى حرفيين زرزارة بتاع دهان سيارات ناحية الجامع كدههو بيعملهم وبيرجعهالك زى الفل ورفمة 01224615895 كلمة وهو هيتصرف وابقى قولى عملت ايه

شكرا لحضرتك وان شاء اللة اعدى علية

**amro_19700** · 18-12-2013 12:39 AM

المشاركة الأصلية كتبت بواسطة العالمى

لا السعر مش مبالغ فى اهم حاجة يكون الصنيعى نضيف لان ده مكان حساس جدا فى العربية واى سم زيادة او نقص هيعملك خلل ف العربية انا عملتها ورجعت فبريكة احسن من الاول وعملى احزمة الفبريكة وكل حاجة

ربنا يسهل لانى محتار كل واحد بيقولى على صنايعى انة ممتاز المشكلة انا خايف ليطلع الصنايعى نص كم وابقى معملتش حاجة واللة المستعان

**mahmoudysf** · 18-12-2013 01:26 AM

انا اعتقد ان ده مش عيب في النوبيرا ولا حاجة
ده ممكن نتيجة ان المساعدين باظت وانت مشيت عليهم شوية

**amro_19700** · 18-12-2013 08:07 AM

المشاركة الأصلية كتبت بواسطة mahmoudysf

انا اعتقد ان ده مش عيب في النوبيرا ولا حاجة
ده ممكن نتيجة ان المساعدين باظت وانت مشيت عليهم شوية

واللة مش عارف بس ناس كتير بتقول ان دة العيب الازلى للنوبيرا

**FAR!D** · 18-12-2013 12:27 PM

انا بصراحه اول مره اسمع عن انه عيب مميز في النوبيرا لانها معايا و معى غيري كتير لعرفهم محصلتش ولا قدام ولا ورا اكيد حاله فرديه لكن مثلا لو عايز حاجه مشهوره خد عند جلب المقصات و عوامه البنزين و اعطال الفتيس الاوتو (مثلا)

**zendo** · 18-12-2013 01:27 PM

اولا من عيوب النوبيرا البطاات اللى ورا بيجى فيهم بارومة وبيتعالج الموضوع ده وبتبقى زى الفل
ثانيا الفتيس الاوتو ليه مشاكل فى النوبيرا 1 فقط لكن نوبيرا 2 نزلت اصلا علشان تعالج مشاكل نوبيرا 1 من عيوب فى الفتيس والعفشة اذن النوبيرا 2 احسن من 1 وبعدين معظم الشعب معاه لانوس ونوبيرا بكل فئتها اذن هى عربيات ناجحة وتعالى هنا فى بورسعيد هتلاقى النوبيرات بالعبيط بس معروف ان 2 احسن من 1 ومش معنى ان المصنع قفل تبقى هى وحشة لا عادى طب ماهو مصنع الاوبل قفل والاوبل عربية محترمة