محتار بين دفائة زيت بلاك اند ديكر 9 ريشه و يونيفرسال 13 ريشه زيت

شباب انا محتار جدا بين دافيتين
الاولى : بلاك اند ديكر - 9 ريشة - صيني - ضمان سنتين - 2000 وات - احسن سعر وصلتله 700 جنيه

الثانية : يونيفرسال - 13 ريشه بمروحه - مصري - ضمان 5 سنوات - 2500 وات - احسن سعر وصلتله 590 جنيه

الدافيتين الفرق في الفلوس 100 جنيه ومحتار بين اني اشتري ماركة نظيفة زي بلاك اند ديكر وبين اني اجيب واحدة اكبر البيت عندي فيه صاله + معيشة + سفرة مفتوحين على بعض انا جايبها للغرف عموما بس ممكن احتاجها هناك و بلاك اند ديكر سخانها حياخد كهرباء اقل وحيسخن بسرعه اكيد يعني بس ريش اليونيفرسال اكتر معناها تدفئة اسرع وحتفصل بسرعه ساعتها
محتار الناس المجربة النوعين ياريت يقلولي مين احسن و مين ضمانه افضل ومشاكله اقل
شكرا

مسمعتش عن يونيفرسال فى حياتى كلمة طيبة ابدا. بس اسأل كويس جايز الدفايات كويسة
لو عايز بديل كويس ليونيفرسال يبقى اوليمبيك ولو عايز بديل كويس برضه لبلاك اند ديكر يبقى ديلونجى. لسه جايبها امبارح وماشاء الله عليها

اقتباس:

---

المشاركة الأصلية كتبت بواسطة mohamed_hamid

مسمعتش عن يونيفرسال فى حياتى كلمة طيبة ابدا. بس اسأل كويس جايز الدفايات كويسة
لو عايز بديل كويس ليونيفرسال يبقى اوليمبيك ولو عايز بديل كويس برضه لبلاك اند ديكر يبقى ديلونجى. لسه جايبها امبارح وماشاء الله عليها

---

فعلا اليونيفرسال سئ الي اسوء

بلاش يونيفرسال
بص يا باشا
انا عارف ان الميزانيه هى اللى بتحدد اى حاجه فى كل حاجه بس بلاش نعمل ده فى ما يسمى بالسلع المعمره حتى تكون اسم على مسمى ........يعنى جيب احسن حاجه وقارن بين الكل بعيد عن السعر عشان ترتاح على طول مش مهم يكون الفرق 100 او حتى 500 انت بتشترى راحه بالك وكمان الامان عشان دى كهربا
وتقبل تحياتى

اقتباس:

---

المشاركة الأصلية كتبت بواسطة mohamed_hamid

مسمعتش عن يونيفرسال فى حياتى كلمة طيبة ابدا. بس اسأل كويس جايز الدفايات كويسة
لو عايز بديل كويس ليونيفرسال يبقى اوليمبيك ولو عايز بديل كويس برضه لبلاك اند ديكر يبقى ديلونجى. لسه جايبها امبارح وماشاء الله عليها

---

معلهش ياباشا جايبها بكام و منين ؟
و اوليمبك تعمل كام برضة لانني نازل اشتري واحدة النهاردة

حتلاقي الدفايات في الامااكن التاية
بلاك اند ديكر في مراكز
زيرو - كارفور - بي تك

يونيفرسال
زيرو - هايبر - بيتك - شمس

معلش يا جماعة سؤال هي دفاية الزيت بتطلع ريحة انا كنت جايب معايا واحدة من الخليج 11 ريشة فيلبس بس عيبها انها بتطلع ريحة صحيح مش ريحة جامدة بس بحس انها ريحة زيت محروق مش عارف جاية منين

اقتباس:

---

المشاركة الأصلية كتبت بواسطة شريف

معلهش ياباشا جايبها بكام و منين ؟
و اوليمبك تعمل كام برضة لانني نازل اشتري واحدة النهاردة

---

جبتها ياباشا من محل فى المعادى .9 ريشة عاملة 800 جنيه وفى زيها برضه 9 ريشة بحوالى 600 او 650 بس اللى انا جبتها فيها ميزة توفير استهلاك الكهرباء وشكل اشيك شوية فده سبب فرق السعر. هتلاقيها فى اماكن كثير وممكن تلاقيها ارخص من كدة كمان. المحل اللى اشتريت منه مكنش عنده اوليمبيك وسألت عليها فى كذا محل ملقتهاش علشان كنت عايز اجيبها فى الأساس بس فى الآخر جبت ديلونجى

اقتباس:

---

المشاركة الأصلية كتبت بواسطة atala

معلش يا جماعة سؤال هي دفاية الزيت بتطلع ريحة انا كنت جايب معايا واحدة من الخليج 11 ريشة فيلبس بس عيبها انها بتطلع ريحة صحيح مش ريحة جامدة بس بحس انها ريحة زيت محروق مش عارف جاية منين

---

ده عادى ياباشا فى اول مرة تشغيل بتعمل الريحة دى فعلا بس بعد حوالى 4 ساعات تقريبا كدة الريحة دى بتبدأ تقل لغاية لما تكون بسيطة اوى ومش هتحس بيها الا لما تكون واقف جنب الدفاية

اقتباس:

---

المشاركة الأصلية كتبت بواسطة abou-yahia

فعلا اليونيفرسال سئ الي اسوء

---

أوليمبيك برقبتها

انا عندي واحدة عمري ما استعملتها
هي بيتحطلها زيت ايه
اكل و لا عربيات و لا ليها زيت مخصوص

مش بيتحط ليها اى زيت ياباشا هى فيها الزيت بتاعها بتاع المصنع كل اللى بتعمله حضرتك بتشغلها وتستمع بالدفا :)

اقتباس:

---

المشاركة الأصلية كتبت بواسطة mohamed_hamid

جبتها ياباشا من محل فى المعادى .9 ريشة عاملة 800 جنيه وفى زيها برضه 9 ريشة بحوالى 600 او 650 بس اللى انا جبتها فيها ميزة توفير استهلاك الكهرباء وشكل اشيك شوية فده سبب فرق السعر. هتلاقيها فى اماكن كثير وممكن تلاقيها ارخص من كدة كمان. المحل اللى اشتريت منه مكنش عنده اوليمبيك وسألت عليها فى كذا محل ملقتهاش علشان كنت عايز اجيبها فى الأساس بس فى الآخر جبت ديلونجى


ده عادى ياباشا فى اول مرة تشغيل بتعمل الريحة دى فعلا بس بعد حوالى 4 ساعات تقريبا كدة الريحة دى بتبدأ تقل لغاية لما تكون بسيطة اوى ومش هتحس بيها الا لما تكون واقف جنب الدفاية

---

شكرا علي الرد انا فعلا استخدمتها مرة ولا أتنين ومكملتش 3 ساعات في المرتين وركنتها علشان الريحة بس الجو الي احنا فيه لازم نشغلها ونستحملها شوية

عندنا يونيفرسال 13 ريشه بقالها سنتين كويسه مبتطلعش ريحه ولا حاجه وبتدفى الاوضه فى اقل من ساعه

اقتباس:

---

المشاركة الأصلية كتبت بواسطة ganash

عندنا يونيفرسال 13 ريشه بقالها سنتين كويسه مبتطلعش ريحه ولا حاجه وبتدفى الاوضه فى اقل من ساعه

---

:Copy of new:

https://www.jumia.com.eg/heater/?set...9HL15VKYNAFAMZ

اوليمبك 13 ريشة احسن من يونيفرسال
كله حذرنى من يونيفرسال

اوليمبيك احسن من يونيفرسال في الدفايات بكتير وسعرها
11 ريشة 500 جنيها
13 ريشة 615 جنيها

اقتباس:

---

المشاركة الأصلية كتبت بواسطة major123

اوليمبيك احسن من يونيفرسال في الدفايات بكتير وسعرها
11 ريشة 500 جنيها
13 ريشة 615 جنيها

---

منين دي ياباشا؟

انا الي عندي طلعت كيروسين نوعها toyoset ياباني
و بتشتغل بحجرين جاف كبار للأشعال الذاتي
انا خايف اشغلها
بس كاتبين على الموقع انها مش بتطلع ريحة

طيب اليكتا ولا بلاك اند ديكر