السلام عليكم
انا كنت عايزة اعرف نصيحتكم فى سيارة لانشيا ديدرا 95
معروضة امامى رشة بره فابريكة جوة
عايزة اعرف ايه رايكم فيها
ضرورى جدا عشان اشتريها
عرض للطباعة
السلام عليكم
انا كنت عايزة اعرف نصيحتكم فى سيارة لانشيا ديدرا 95
معروضة امامى رشة بره فابريكة جوة
عايزة اعرف ايه رايكم فيها
ضرورى جدا عشان اشتريها
عربية تمام طبعا
لكن الاهم حالتها يعني لازم ترفعيها في بنزينة محترمة او ميكانيكي وسمكري موثوقين يفحصوها.
اطمني لكل شئ وان اساسيات العربية مش متهانة وكمان حالة الموتور والصالون والكاوتش تكون جيدة.
ولازم تدخلي علي مواضيع العربية هنا وتعرفي المتخصصين فيها واماكن قطع الغيار.
معروضة بكام؟
بالتوفيق
طبعا هي فيها كتير من التمبرا وماتور الشاهين بس طبعا علي انضف بكتير وتصفيح سفلي وتكييف تاتش ومرايات كهربا وصالون فاخر ...الخ
اولا شوفي اساسيات العربية شاسية وقوايم وشنطة علشان متكونشي عاملة حادثة.
ثم اطمئني علي كفاءة الموتور والتكييف وهل الاضاءة كلها وكهرباء السيارة تعمل ام لا
البطارية جافة ام سائلة؟ حالتها؟
حالة الصالون والتابلوه. حالة العفشة عند التجربة الفعلية.
الدبرياج والفتيس.
طبعا هتكون محتاجة بعض الشغل حاولي تعرفي ايه هو تحديدا من الميكانيكي.
انا كان عندي منها 2 :d حاجتها زى التمبرا بالنسبة للعفشة ..ارخم حاجة فيها الانجيكشن ... رخممممممممم لو باظ بتغيريه ب700 استيراد .. يعنى شوفى الشكمان بيدخن اسود ولا لا.. وشوفى الايدل مظبوط ولا لا.. مجملا هى حلوة على قد فلوسها ... وهى من 27 ل35 بحد اقصصصصصصصصي
عربية محترمة و ناعمة بس معرفش قطع غيارها و صيانتها ايه نظامهم .
و فعلا اتأكدى ان القوايم كلها سليمة و ان الشاسيه سليم مفيهوش شرح و الحوض و الشنطة طبعا بعد كدة الموتور و العفشة و الكاوتش و البطارية و حالة الصالون و التابلوه و ان جميع العدادات تعمل بكفاءة ....
حضرتك ممكن تنزلي عند الحصري اللي في اول طريق الشوبك وتسألي عن اخبار قطع غيارها واسعارها ولو مش متوفرة عنده هيقولك هيا متوفرة عند مين..وبالنسبة لشغل الميكانيكا والكهرباء ده شيء سهل المهم قطع الغيار علشان ماتزهقيش من العربية..
كان معايا اختها ولسه بايعها من حوالي شهر ب 36000،، العربية رائعة المهم تكون حالتها كويسة وده بييجي مع الكشف والفحص من حد فاهم واي حاجة مش هتلاقيها شغالة اخصمي سعرها علشان تبقي في الامان