انت عايز معلومات عن 18 عربية (مش 16 لأن فيه عربيتين في رقم 4 و 10)
على العموم هقولك اللي أعرفه:
1-هيوانداى اكسيل
عربية ناعمة و قطع غيار رخيصة و صيانة سهلة و يعيبها تكنولوجيا قديمة شوية و عفشة ضعيفة و ثبات مش أوي
2-دايو اسبيرو
عربية ناعمة و قوية و امكانيات هايلة و ثبات حلو و صالون واسع * يعيبها ندرة قطع الغيار
3-دايو رايسر
عربية متوسطة في الامكانيات و قطع غيار نادرة (ابعد عنها)
4-ميتسوبيشى بطه
عربية ناعمة و قوية و صالون واسع * ويعيبها واطية و امكانيات قليلة (مفيش باور) و قطع غيار غالية
- عيون صفيه
نفس البطة
5-سوزوكى سويفت
عربية وسط , ناعمة * ويعيبها واطية و قطع غيار غالية و نادرة و عفشة ضعيفة و صالون صغير.
6-كيا برايد
عربية ناعمة و امكانيات كويسة و قطع غيار متوفرة و رخيصة * يعيبها صالون صغير زي السويفت
7-فيات اونو
معرفش عنها حاجة
8- سكودا فليشيا
كل اللي اعرفه عنها ان فيها مشكلة مع التبريد
9-ابيزا 94
يقولك عليها محمد ابيزا
10-شاهين 1300
عربية اعتمادية و صاج قوي و قطع غيار متوفرة و رخيصة جداً * و يعيبها انها تكنولوجيا قديمة و مفيش كماليات
-دوجان
عربية أفضل من الشاهين لأنها تركي و بتنزل بتكييف و إزاز كهرباء
11-بولو
معرفش عنها حاجة
12- هيوانداى اتوس
عربية وسط لكن قطع غيارها موجوده * و يعيبها العفشة ضعيفة و صالون صغير رغم ان سقفها عالي جداً جداً و طبعاً شنطة صغيرة
13-اوبل كورسا
كل اللي اعرفه عنها ان قطع غيارها غالية و موتورها لما بيقتح بيبقى .....
14-فورد اسكورت
عربية اوروبي (الماني) و امكانيات حلوة * و يعيبها قطع غيار قليلة شوية و غالية زي الألماني
15- سيتروين zx
معرفش عنها حاجة
16- تويوتا ستارليت
عربية موفرة جداً في البنزين و قطع غيار وسط من حيث التوافر و السعر و تكنولوجيه قديمة بس
بتنزل بتكييف * و يعيبها انها واطية و شنطة صغيرة
أرجو اني أكون أفدتك بس يا ريت لو عايز تشتري عربية في الرنج ده يبقى تقلل الإختيارات شوية , و تقول كمان انت طلباتك ايه في العربية علشان نقدر نساعدك اكتر.
المفضلات