تحذير من بنزينة شيل الشيخ زايد
صباح الخير
من الآخر يا جماعة بنزينة شيل الشيخ زايد اللي خلف التوحيد والنور بنزينها وحش جدا وأنا شاكك الصراحة انهم بيغشوه..كل مرة اروح افول من عندهم ألاقي العربية مخنوقة جدا وحاسس انها مش قادرة تمشي واستجابتها ضعيفة أوي..اللي حصل امبارح:
لمبة البنزين نورت وروحت افول على الساعة 2 الظهر كدا خدت العربية وروحت مضطر لشيل لأنها اقرب واحدة ولما وصلت لقيتهم حاطين اقماع والعامل بيقولي مفيش بنزين..خدت العربية وطلعت على بنزينة توتال اللي قبل ميدان جهينة لقيت عندهم بنزين ودخلت فولت,,وكانت المفاجأة لما طلعت من عندهم لقيت العربية فايقة جدا وبتجري من لمسة بنزين ولما اكبس جامد العربية تفرك وهي على التاني ودا مكنش بيحصل قبل كدا خالص..حتى لقيت سيراتو 2014 جمبي سخن وعايز يشد :grin54:
حبيت أنقل تجربتي واحذر الناس..وعموما مش هروح شيل تاني خالص إن شاء الله وتوتال بنزينة نضيفة.
ياترى في حد زيي حس انها مش كويسة بردو؟