الموضوع: تمويل عقاري

المشاركة الأصلية كتبت بواسطة hh

أنا طبعا أساسي بالنسبة لي أن الموضوع يكون حلال ان شاء الله و مفيهوش شبهة ربا.

يا ريت اللي عنده أي معلومة ميبخلش عليا بيها جزاكم الله خير

جزاكى الله خير على تحرى حضرتك للحلال التمويل العقارى ما هو الى قرض من البنك للمشترى ويسدده بزيادة لأن:
1-البنك ليس هو صاحب الشقة ولا بيبنى ولا عنده مهندسين ولا مقاولين انما وظيفته الاقراض بس بيسميه تمويل زى ما بيسمى الربا فائدة فبيدفع الثمن للشركة كاش مكانك(قرض) وانتى تعاملك مع البنك بعد كده فينتهى الامر الى انه اقرضك المال
2-حتى البنوك الاسلامية وعن تجربة نفس الكلام بس بيقولك لا انا بشتريها وابيعهالك (لانه عارف الحديث لا تبع ما لا تملك)اسأليه بتدفع الفلوس للشركة امتى لا يدفعها الا بعد بيمضى معاكى الاول ويضمنك وبعد كد يرجع للشركة يديها الشيك كاش قبل كده يستحيل طبعا ربنا يهديهم مش هيعرفك كده لانه كده بيقرض مش بيشترى ويحوز ثم يبيع(نفس الكلام فى العربيات لا يعطى الشيك للمعرض الا بعد ما يطلعلك الرخصة طب انت فين اللى امتلكته علشان تبيعه اصلا!!!!)
3- طيب هيقولك لا انا بحوزها ويلف ويدور قوليله لو تاخرت عن القسط فيه غرامة تاخير.........دى قاصمة الظهر لا مفر منها لانها مكتوبة فى العقد بالبنط العريض ودى صرييييييييييييييح ربا الجاهلية (أَنظِرني أزدْك) فهذا ربا محرم بالإجماع علشان كده مبيوريش حضرتك العقد الا بعد معاناة بنك فيصل لم يطلعنى على العقد الا لما طلعت للهيئة الشرعية ونزلت تانى ورانى العقد والغيظ فى عينيه لانى كشفته فما كان منى الا انى فكيت الوديعة اللى عندهم لان ارباحى من هذا الربا وحسبنا الله ونعم الوكيل فى من يحتال على المسلمين
---فالحل حضرتك تبحثى عن شركة مقاولات بتقسط بظروف تناسبك كده طبعا المشكلة الاولى اتحلت وهى حيازة الشئ والعقد لا يكون فيه غرامة تاخير يكتب شيك او ايصال او ترهنى شئ ليضمن حقه وكده حلينا المشكلة التانية.
تحياتى

جزاكم الله خير. بس أنا حسب معلوماتي ان فيه طريقة للتويل الاسلامي بالمرابحة و ليها ظوابط زي الفتوى دي مثلا

الفرق بين شراء سيارة من البنوك الإسلامية وبين شرائها عن طريق البنوك التجارية - حسام الدين عفانه | طريق الإسلام