عرض للطباعة
سلام عليكم
انه الشتاء :)
دلوقت الشقة عندي فيها تشكيلة شبابيك الموتال على شيش و قزاز
و انا شاكك ان الشبابيك بتسرب هوا لأن جو الشقة فظيع
حدش يكسب فيا ثواب لو يعرف طريقة للكشف عن المكان اللي بيسرب هوا في الشباك ؟
و لو يعرف ده يتعزل ازاي سواء في الالومتال او الشيش و قزاز ؟
في شريط مانع للأتربة والهواء بيت حط زي الدبل علي فريم الشباك
ويمنع اي دخول للهواء والشباك مقفول
هتلاقية عندي العربي في الرويعي
او اي حد بتاع حديد وبويات
حتجيب شمعه وتولعها وتمررها على اى حته بتشك انها بتسرب حتلاقى الشمعه بتتهز ولو التسريب كبير حططفى
خلى بالك لو الارض مش متغطيه وعندك سراميك هتلاقى الجو رهيب لان السراميك بيطلع تلج لوحده
وحاول تجيب دفايه
واعمل زى ما استاذ rotanamasoud قالك
الشريط الازق دا بيتباع عن اى حد بتاع بويات ولا عند مين بالظبط واسمه ايه
لو الاماكن اللى بتسرب هتسدها سد دائم اشترى انبوبة فوم وسد بيها اللى انت عايزه
شوف يا سيد تامر:
1- قم بإغلاق شبابيك غرفة ما و قم بفتح شبابيك غرفة فى الواجهة المقابلة لها - يعنى بحرى ضد قبلى مثلا
2- مرر إيدك و شوف الهوا بيجى منين - مرر شمعة ذى ما الأخ الفاضل قال أو ولاعة المهم تشوف التسريب منين
3- هات أنبوبة سليكون و مسدس سليكون الإتنين بحوالى 20 جنيه على بعض قم بسد إطارات الشبابيك المنفسه كلها بالسيليكون
4- لو عندك تكييف شباك قفل حواليه بالسيليكون برده
5- لو عندك تكييف شباك - إشترى ستريتش فيلم - ذى إللى بيتغلف بيه إطباق الجبنه الرومى من السوبر ماركت - هاتلاقيه فى محلات تجهيزات أعياد الميلاد و الحفلات الرول 100 متر ب 12 جنيه
فك وش التكييف الشباك و غلفه بالفيلم الشفاف ده و ركبه تانى
6- بالنسبة للشيش : هات دبابيس مكتب و مشمع بلاستيك شفاف و قص المشمع على قد كل درفة شيش بالطول
بمعنى المكان إللى بين المفصلة المفتح عادة الشيش بيكون 4-5 درفات
ثبت المشمع بالدبابيس
7- لو الشقة سيراميك أو بورسيلين - غطى بالسجاد أكبر مساحة ممكنة
8- لو الحمام فيه شفاط قفله بأى كيس و سوليتب أو الإستريتش فيلم
لو محتاج إستشارة فى شراء دفاية أنصح بدفاية مروحة - أسرع أنواع التدفئة و آمنة على الأطفال من اللسع بس ماتشغلهاش كثير يعنى إفتحها على النص مثلا عشان تشتغل و تفصل توفير كهرباء + صحى أكثر
. احمد باشا. عارف ميدان ماجدة في ٦ اكتوبراقتباس:
المشاركة الأصلية كتبت بواسطة احمد المصرى
مش في هناك محل سمك اسمو اسماك الدوران وجمبيه محل حيونات وجمبيه محل. كوتنيل ... اهو جمبهم في واحد بيبع كماليات واكسسورات المنزل ونجف وكده. وحبت حجات مستورده وحلوة. هتلاقي عندوا الشريط العازل ده وفي عندوا ربل ابواب. زي الربل بتاع ابواب العربيات بس صغير لابواب البيت والشبابيك
@@@@@@@@@@
كان في طريقة زمان كنا بنعملها. ايام حرب الخليج
بنجيب مشمع نايلون وتيب ... ونقوم نغطي وش المكيفات بالمشمع او الكرتون. علشان ميدخلش البروده او اي غازات سامة من برة. ... والشبابيك كزالك بنلزقها ديرن دااااااير بالمشمع .... ومن يومها لو حبيت تسافر اعمل كده في بيتك علشان تمنع دخول الغبار للبيت حتى .
@@@@@@@@
وتحياتي
هو مسدس السيليكون والسيليكون بييجوا من محلات ايه بالظبط؟
وهل السيليكون انواع عشان هالزق بيه زجاج حوض الاسماك؟
عند الموان - حاديد و بويات