يا سيدي أركبها و أفرح بيها زعلك دة طبيعي من اللي حصل بس دة نصيب محدش له دخل فيه فسوقها و توكل على الله و من توكل على الله فهو حسبه :2003126104835_wrc::funny34d::7bteen:
عرض للطباعة
يا سيدي أركبها و أفرح بيها زعلك دة طبيعي من اللي حصل بس دة نصيب محدش له دخل فيه فسوقها و توكل على الله و من توكل على الله فهو حسبه :2003126104835_wrc::funny34d::7bteen:
على فكرة أنا حصلي موقف زيك كدة أنا عمري معملت حادثة و فجأة عملت حادثة بسيطة و الفنوس إتكسر فضلت متعقد فترة و مبسوقش بس توكلت على الله و الموضوع مشي واحدة واحدة
عادى، اى حد بيجيب عربية جديدة بيكون كدة
قدامك 6 شهور او 10 آلاف كيلومتر ايهما اقرب، بعد كدة هتتعود وهتطحنها وهتخبطها وهتصلحها عادى جدا
عااااااااادي جدا ...... و أي واحد بيجيب حاجه جديده (أي حاجه, عربيه, ساعه, حتي الملابس) بيكون خايف عليها تتوسخ أو تتخبط أو يجرالها حاجه وحشه
كل اللي ممكن نعمله نأخد بالنا و ندعي ربنا بالخير ..... واللي ربنا كاتبه هنشوفه و هيحصل بمشيئته
و بعدين أي واحد في بلدنا المحروسه بيجيب عربيه جديده لازم يتهيئ نفسيا لأي مشكله أو خبطه ممكن تحصله ..... العربيه بتاعتنا واحد رزع فيها و هي راكنه في حالها ....... عاااااااادي جدا هنعمل ايه يعني اللهم لا اعتراض ....... طبعا بتتعقد من السواقه و من العربيه شويه بس بترجع واحده واحده .... و ربنا يسترها معانا جميعا
انا مش عارف اشكركم ازاى يا جماعه بس فعلا انتوا صح مهى سلعه استهلاكيه فى الاول او فى الاخر بس الزيرو وبالذات لما تكون عربيه محترمه ليه رهبته على العموم الحمد للله على كل شئ ومقدمناش غير ان احنا نسيبها على الله ونسوق يعنى اكيد مش هجيب عربيه علشان اركنها واتعب انا:011::011::011::hang:
WELCOME TO EGYPT
MMamdouh
كلنا هذا الرجل والله يا ميرو بس فى الاول انا كنت بخاف اوى حد يخبطنى و لحد دلوقتى بضايق لس هعمل ايه ما لازم هاخد الختم يعني هاخده بس الحمد لله انها بتيجي على حاجات بسيطة :dunno:
بس حاول تطلع الهواجس دي من دماغك و استمتع بعربيتك و هو كدة الغربال الجديد له شده و بعدين هتتعامل عادى ان شاء الله
كأنك بتشرح حالي لما جبت الاوبترا .....
لكن مع الوقت خلاص الواحد بيتأقلم .... ده ساعات بتلاقي مرسيدس وجديدة وصاحبها راميها في الشارع صف تاني بالورب في ملطش
انا لما باحب آخد راحتي .... باسوق ال 128 بتاعت المدام .... باحس اني مش خايف علي حاجة .... وان الناس اللي حولي هما اللي خايفين
نيييييييييييههههههههههههه ههههههه
لا مؤاخذة يا كريم
عادي هو بس في الاول كدة
بعد كدة هاتلاقي نفسك كانك بتسوق الشاهين تاني
خليها علي الله وان شاء الله مفيش حاجة هاتحصل ونصيبك هاتشوفو
يا ميرووووووو كل شى جديد له رهبــــــــــــــــه وكلنا لما نركب زيروووووو بنعمل كده واللى بيقول لا
لو جرب هيلاقى نفسه هيعمل زيك بالظبط
لا شعوريا تلاقيك خايف على العربيه من الهواء الطاير ولا مش شويه تراب على الماتور الجديد ولا مطب او بلاعه
بس مع الوقت الرهبه دى هتخف وهتبقى عادى اتعودت على العربيه وعلى التصرف مع الشارع
عاوز تبطل الخوف ده اول ما تركب العربيه قول دعاء الركوب وكل ما تحس انك متوتر فى السواقه عليك بدعاء الركوب وذكر الله
صدقنى هتهدا و ربنا هيحفظك