السلام عليكم ورحمة الله وبركاته
انا متعود وانا سايق اركز قدامى وامشى بالسرعة الى تعجبنى
بس سعات تلاقى واحد رخم فى قفاك وعايزك توسعله الطريق وكلكسات وصداع
هو مش المفروض الى عايز يجرى بيتجاوز الى قدامه ولا انا غلطان
عرض للطباعة
السلام عليكم ورحمة الله وبركاته
انا متعود وانا سايق اركز قدامى وامشى بالسرعة الى تعجبنى
بس سعات تلاقى واحد رخم فى قفاك وعايزك توسعله الطريق وكلكسات وصداع
هو مش المفروض الى عايز يجرى بيتجاوز الى قدامه ولا انا غلطان
وعليكم السلام
المفروض الحاره الشمال للتجاوز او للي ماشي اسرع
يعني ماتبقاش ماشي شمال وبطيء
لكن اذا ماشي فالنص وسايب الحاره الشمال انت حر امشي فالمعقول والي عاوز يعدي بيتجاوز من الشمال
ولو عاوز تمشي على مهلك خالص خليك عاليمين انشالله تمشي سلانسيه
لا مش حكاية ماشى بطىء
يعنى طريق فاضى وماشى شمال على 120 مثلا وكل العربيات حوليك نفس السرعة تقريبا
وتلاقى واحد جايب 160 ويهدى ويقف وراك ويكلكسلك
فى الحالة دى هل انت مضطر توسعله ؟؟ ولا تسيبه يتجاوزك من اليمين
الكلام ده زمان يا جماعه انا اخر مره نزلت فيها مصر فهمت انهم غيروا قواعد المرور نهائيا
دلوقتى التريلاات بتمشى فى الشمال واللى عاوز يمشى بسرعه بياخد اليمين
واللى بيمشى فى النص بيتزنق وبيتحدف عليه من امه لا اله الا الله
ارجوا مراجعه القواعد الجديده
عندك حق والله
الحارة اليسرى بقت للنقل التقيل، لدرجة ان معظم الطرق خلاص باظت تماما من ناحية الشمال وبقت على شكل حرف w من كتر مش النقل التقيل عليها ودا طبعا مؤذي جدا للي راكب عربية واطية زي حالاتي :(
خلاص بقيت بمشي يمين وبكون متضايق جدا لما بلاقي بتاع نقل قرر يتوب ويمشي ناحية اليمين ويسيب الناحية الشمال اللي بوظوها رفاقه الديناصورات
قواعد وآداب المرور الله يرحمها
زمان لما كان الطريق فردي كانت الناس تتبادل إطفاء النور العالي عشان المقابل يشوف الطريق
دلوقتي البقاء للزينون والنور الاشد وهجا
زمان لما كانت العربية تعطل لاي سبب تلاقي ناس تحاول تساعدك وممكن تتبرع لك بسير او قطعة ضرورية لاصلاح سيارتك
دلوقت لو بتحاول تغير فردة كوتش ممكن عربية تصدمك لو ما اخدتش بالك
شعبنا اصبح فاسد للاسف إلا من رحم ربي
باشا اعمل اللى انت عايزه - هيه ديه بلدنا
اهم حاجة تخلى بالك على نفسك وتفهم ان اهم حاجة انك تبقى بخير.... يعنى واحد عداك او انت وسعتله ده مش مهم خالص.... لو تقدر تاخد يمين وتعديه حتى لو رخم صدقنى هتبقى انت الكسبان
زمان ايام الطيش كنت لما الاقي حد لازق ورايا ونور وكلاكسات واحسه عاوز يترسم ويعدي (عجباه نفسه) ماكنتش بعديه واغيظه واهدي اكتر (ربنا يسامحني بقي) دلوقتي خلاص اللي عاوز يجري ويعدي ويخيط ... يتفضل اهم حاجه احافظ علي نفسي وممتلكاتي وبعدين ممكن يكون عنده ظرف قهري ومستعجل وانا كده هعطله .
لو انت ماشى سريع فى الحارة الشمال يعنى 120-140 وبتعدى واحد يمينك وفجأه لقيت كلاكس ونور وواحد عايز يعديك من الشمال بسرعة خليك شمال وخلية يعدى يمين اضمن لانة غبى
الى بيلزق فيا والطريق مش مفتوح وقارفى كلاكسات او نور بعديه واقوم لازق فيه وابهدله كلاسات ونور
بس انا من طبعى بعدى كل الناس
اللى عايز يعدى يعدى ..اشغل اشارة عكس اتجاهه واللى عايز يطير يطير.
ربنا يسترها معنا جميعا.
معلش انا ليا رأي انا لو ماشي شمال علي سرعه مثلا 100 و دي السرعه القانونيه للطريق و جه واحد ورايا ماشي 150 مش لازم اوسعلو
عشان هو عايز يجري يجري بعيد عني و هو كدا كدا بيخاطر يبقي يغور بيعيد عني
القانون الرسمي فعلا في مصر حاليا
النقل التقيل شمال
واسريع والتجاوز يمين
واللي مش عاجبه يضرب دماغه في الحيط
وكمان حضراتكم نسيتوا التكاتك اللي معظمها بيبقة ماشي شمال الطريق الزراعي
ايوا كدا يا رجالة
انا كنت حاسس انى جاى من كوكب المريخ
فعلا القواعد المرورية للمصريين اتغيرت
لا يمين نافع ولا شمال نافع
الجرى والشالطة بقو فى كل مكان
انا لسا جاى على طريق سريع
لقيت تريلتين واحد يمين والتانى شمال وسيبين الحارة الى فى النص
وعدى يا برنس وعيش جو الرعب بعربيتك الكتكوتة بنسبة لعمالقة الكون
وسعله لان فعلآ الشمال من حق الاسرع مش من حق البطئ
ومدام هو اسرع منك وسعله وريح نفسك
واصلآ الشمال ما بقاش من حق حد الا التريلات والنقل التقيل والسواقين والتكاسى ماسكين اليمين
واللى فى النص لينا احنا وبرضه مش مروحمين من حد
احلى تحيه لاحلى ناس :)
انا كنت بجري زمان بس لقيتها مش جايبا هماهما
و المشي في الطريق الزحمة احسن و نفس وقت المشي في الاختصارات و المدقات
و كلها محصلها بعضيها مصر معموله عشان تضيع وقت الناس و تخليك بتضيع 5 ساعات كل يوم مشوره و خلاص و زحمة و بانززين و حطينك في دايرة مغلق تلف حولين نفسك
الي بيجروا زي الهبل ده يبقى حاجة من الاتنين
فعلا عنده سبب يجري و عنده حاله معاد دكتور حد اتوفى معرفش ايه مراته بتولد خالته بتغسل اي حاجة و لو نيته صافيه ربنا بينجيه و بيسترها معاه و مش بيلبس !
الي بيجري باي هبل و خلاص و كل يوم مش مره كل سنة مثلا ربنا بيستر 10 مرات بس مش كل مرة تسلم الجره فبتقلب بكارثه في الاخر و بذات في اسكندريا المشاه المجانين بيستنوا العربية توصل لعندهم و ينطوا قدامها عشان يلبسوك تهمه ييقفوا خايفين ميعدوش و الي وراك يلبس فيك عشان انتا عملت شهم ! و ديه مينفعش تقف عشان تعدي حد على البحر و ديه غلطه بيعملها الناس الي فاكرين مصر بخير و بتقلب بكارثة بيخبط 3 4 عربيات و الي بيعدي بيطير برضه
و بعدي انا لو الطريق سامح بمشي بسرعات معقوله في رنج ال 50 - 100 و لو لقيت واحد جي بسرعه و في على يميني فاضي بعديه مش فارق يعني مش حيكسب الكاس في السرعة و الله يسهله و لو لزق وريايا و هات كلاكسات و بتاع برضه يا بشد لغاية ما يميني يفضي و بعديه
اكن اوقات المزاج مبيبقاش رايق و يكون بغباه ده مثلا كسر عليا او هوا ماشي في النس بياخد الغرزه من قضامي و خلاني اضرب فرامل جامد ملحقتش نفسي يعني و الكاوتش قفش بيتحرق دمي و بسخن و بدخله قدامي و بعدين اشد باي طريقة و اجي قدامه و ابقى ماشي بتناكه يعني امسك الشمال قدامه تاني و غالبنا مكروبصات بيبقى على يميني و عربيات تاني في النص افضل ماشي في سوا العربيات بحيث ميعديش الصف و يفضل ورا و لو خبطني ليلته سوده عشان هوا من ورا :) و غالبا بتلم و يهدي جامد و يخاف و انا بعملها بتاع 30 ثانية او دقيقة حسب الظروف يعني مش بفضل مختت عله و البسه بس بيحصل بغلطه و غالبا بيطلع ايديوا يعتذر و لو قليل ذوق بيكمل شد ولا كان حاجة حصلت و لو صايع بيتعارك معايا من الشباك
مره واحد اتخناق معايا و هوا غلطان اصلا مش انا و من ساعتها قلت انا ابهدل نفسي ليه ما الي يغلط يغلط لو لحقت نفسي و حافظ على عربيتي في ستين داهيه الاعصاب ! مهوا البلد ديه الواحد عايش خسر نفسه فيها فكمان اهين نفسي في التفاهم مع سواق حمار غلطان و بيقاوح ! فبقيت بكبر و بعمل نفسي من بنها ولا كأني شفت حاجة ولا حجاة حصلت ! و ديه بقت كتير قوي اليومين دول !
نحن فى بلد العجائب
احيانا لو هو سرعته اعلي والطريق واسع
انما لو بطريقة وحشة اكيد لا