مشروع سوبر ماركت . ممكن مساعدة واقتراحات واراء ؟

سلام عليكم
فى وقت سابق كنت مقرر أعمل مشروع كريب لكن الفكرة اتشالت من دماغى بسبب انى لقيت انى افتحة حاجه تانيه زى سوبر ماركت هيكون أحسن لأن المنطقة اللى فيها المحل بتاعى مفهاش سوبر ماركت قريب أوى منه يعنى . يعنى على الاقل ف مسافة 4 عماير اول سوبر ماركت بعده ( لسه مش متأكد وهتأكد قريب ) . وكمان المنطقة طبقة الشباب فيها أعتقد مش كتير ف هشوف لسه عموما
مشروع سوبر ماركت.
عاوز أعرف كل حاجة عنه ودراسة جدوى وبجيب الحاجات منين البضاعة؟
والتلاجات منين وبكام . تلاجات العرض بتاعت الجبنة ؟ وتلاجه بيبسى وكولا وكده
ايه انواع البضاعه اللى موجوده فيه ؟
ازاى أضمن انه هيكسب ( بتاعت ربنا ف الاول والاخر بس الاخد بالاسباب برضه )
وعاوز اى معلومات ممكن تفيدنى
وكم رأس المال ( بين كام وكام )
المحل مساحة مش صغيره تقريبا عرض 4 متر فى طول 6 متر وشوية . اعتقد مساحته 25 متر

وكمان عاوز اعرف سعر بيع المحل . هوه فى عمارة حى الوايلى قرب كافية الاهلاوية اللى فى منطقة ش احمد سعيد

شكرا جزيلا ولو نسيت حاجه ياريت حد يقولى

المحل فى شارع الأجهورى . اللى فى اللينك ده
الشارع اللى طالع من تحت لفوق ب ميلان على الشمال كده ومتنقط بأحمر
قرب نادى الضاهر كما موضح . وقرب مصنع تكا مراتب
عاوز أعرفه سعره كام لو هبيع ؟ ورأيكم ف موضوع مشروع سوبر ماركت
Wikimapia - Let's describe the whole world!

سوبر ماركت يبقي لازم تقعد فيه بنفسك او حد من اسرتك اللي تثق فيهم
لأن السيطرة علي الايراد والبضاعة شبه مستحيل
وربنا يوفقك

متابع

أولا بالتوفيق لمشروع ناجح إن شاء الله سواء سوبر ماركت أو مطعم، أي أكل بيمشي في البلد
ثانيا طبعا لازم تكون حضرتك متواجد بشكل شبه دائم في المحل سواء ماركت او مطعم وتكون حضرتك السؤول عن المشتريات والحسابات لغاية ما تبقى في آخر الدنيا وعارف المحل ماشي ازاي وبيبيع بكام وانت مغمض.
وبالتوفيق

اقتباس:

---

المشاركة الأصلية كتبت بواسطة mxz911

سلام عليكم
فى وقت سابق كنت مقرر أعمل مشروع كريب لكن الفكرة اتشالت من دماغى بسبب انى لقيت انى افتحة حاجه تانيه زى سوبر ماركت هيكون أحسن لأن المنطقة اللى فيها المحل بتاعى مفهاش سوبر ماركت قريب أوى منه يعنى . يعنى على الاقل ف مسافة 4 عماير اول سوبر ماركت بعده ( لسه مش متأكد وهتأكد قريب ) . وكمان المنطقة طبقة الشباب فيها أعتقد مش كتير ف هشوف لسه عموما
مشروع سوبر ماركت.
أهم حاجة وقبل اي تفاصيل حضرتك تكون متفرغ لمشروع زي كده
اوتكون عارف مين اللي هايتواجد مكانك اثناء غيابك يعني لو ليك اخ اوشخص ثقة وفاهم وهايتابع معاك
يبقي تمام لان الموضوع زي مالاخوة قالو محتاج متابعة وتواجد باستمرار
علشان تكون مسيطر علي ومتابع حركة الشغل ورضا زبونك عن اداء المكان وحركة البضاعة والايراد
عاوز أعرف كل حاجة عنه ودراسة جدوى وبجيب الحاجات منين البضاعة؟
والتلاجات منين وبكام . تلاجات العرض بتاعت الجبنة ؟ وتلاجه بيبسى وكولا وكده
التلاجات فيه ايسبرج وفريكوول ودي حاجات محترمة جدا بس غالية سعرها 3 اضعاف
شغل الورش الاخري اللي موجودين في جسر السويس امام نادي الشمس
تلاجات بيبسي وكولا وغيرهم بتنزل مجاني من الشركات علي سبيل الامانة كوديعة عندك
بس بيحتاج منك سجل تجاري وبطاقة ضريبية ووصل كهرباء
ايه انواع البضاعه اللى موجوده فيه ؟
مواد غذائيه وبقالة ومنظفات وورقيات والبسكويت والشيكولاته والمستلزمات المنزليه الخفيفة
زي ادوات النظافة وخلافه
تجيب البضاعة منين... اقرب مكان ليك هو الموسكي وبين الصورين كتجار جملة بخلاف الشركات اللي بتجليك لحد عندك ودي غالبا اسعارها بتبقي اغلي من الجملة بس اوقات بيكون معاهم خصومات افضل من اسعار تجار الجمله وده بيعتمد علي حجم مشترياتك منهم
ازاى أضمن انه هيكسب ( بتاعت ربنا ف الاول والاخر بس الاخد بالاسباب برضه )
مفيش حاجة في الدنيا بتخسر حتي اللي بيبيع التراب بيكسب
اهم حاجة الاجتهاد والمتابعة زي ماقولتلك
وعاوز اى معلومات ممكن تفيدنى
وكم رأس المال ( بين كام وكام )
هتحتاج في حدود 100 الف جنيه بين تجهيز المكان وفرش البضاعة
المحل مساحة مش صغيره تقريبا عرض 4 متر فى طول 6 متر وشوية . اعتقد مساحته 25 متر
مساحة معقولة وكافية وبالتوفيق ان شاء الله
ولوليك اي استفسار تاني تحت امرك
وكمان عاوز اعرف سعر بيع المحل . هوه فى عمارة حى الوايلى قرب كافية الاهلاوية اللى فى منطقة ش احمد سعيد

شكرا جزيلا ولو نسيت حاجه ياريت حد يقولى

---

إدرس النواقص كويس حواليك فى كل المحلات
ابتدى اشتغل على اى حاجه ناقصه فى المنطقه زى الخدمات مثلا

لو مفيش مكان اهل المنطقه يدفعو فيه فواتيرهم او يشتروا كروت شحن الخ الخ ممكن تدخل الخدمه ديه تسهيلا للناس

اتعاقد مع موزعين الجمله فى المنطقه لتزويدك بالبضاعه الجديده اول باول لان اى حاجه قاربت على انتهاء الصلاحيه بتدخل فى سمعه مكانك

النضافه وديكور المحل هيتسطقب ناس كتير لان المنطقه شبه راقيه مش شعبيه

عروض كتير على منتجات يعتنى تبقا ( كارفور صغير ) الناس دايما بتستقرب

وبالتوفيق ان شاء الله

سلام عليكم أنا قريت الردود كلها وهترد بالتفصيل بس مش دلوقتى عشان ورايا مشوار نازل دلوقتى و شكرا جزيلا للمشاركات وفى انتظار مزيد من المعلومات

متابع

هو المشروع دة يتكلف كام دلوقتى يا جماعه ؟
وهل تنصحوا بية ؟

من اصعب المجلات الى ممكن تشتغل فيها لكثرة التفاصيل عاوز عاملة ودة صعب توصيل طلبات للمنازل ودة صعب العمالة وحشة جدا فية ومحدش بيثبت معاك فى الشغل عشان انت مش هتتعلمة صنعة فمش بيستمر معاك كتير معدل الربح من ١٠ الى ٣٠ /: وتطلع منهم مصاريف يعنى المعدل الصافى حوالي ١٥ ./. الى جانب ان السوبر ماركت راس مالة ورديين على الأقل ولازم تكون انت القاعد على الحساب مشقة فوق الوصف سجن الحسنة الوحيدة الى عندك محلك ملك مش ايجار هتوفر مبلغ محترم كل شهر كان هيدفع ايجار فكر فى اى حاجة متخودش الوقت كتير

اقتباس:

---

المشاركة الأصلية كتبت بواسطة ahmed2y

من اصعب المجلات الى ممكن تشتغل فيها لكثرة التفاصيل عاوز عاملة ودة صعب توصيل طلبات للمنازل ودة صعب العمالة وحشة جدا فية ومحدش بيثبت معاك فى الشغل عشان انت مش هتتعلمة صنعة فمش بيستمر معاك كتير معدل الربح من ١٠ الى ٣٠ /: وتطلع منهم مصاريف يعنى المعدل الصافى حوالي ١٥ ./. الى جانب ان السوبر ماركت راس مالة ورديين على الأقل ولازم تكون انت القاعد على الحساب مشقة فوق الوصف سجن الحسنة الوحيدة الى عندك محلك ملك مش ايجار هتوفر مبلغ محترم كل شهر كان هيدفع ايجار فكر فى اى حاجة متخودش الوقت كتير

---

اشكرك للافادة

مش عاوز أكون سديت نفسكو عن مناقشة الموضوع والعندو فكرة لمشروع او عمدة مشروع قاءم ومحتاج شريك حد يساعدة يقول

بالتوفيق ان شاء الله .
ممكن تضيف خدمات زى التوصيل للمنازل والتغليف ألخ .