فى عرض انى اشتغل فى شركةمحاسبة مش كبيرة بس المشكلة ان المدة 3 سنين
بس برده هبقى محاسب قانونى معتمد و المرتب 400
اروح ولا ماروحش ؟
عرض للطباعة
فى عرض انى اشتغل فى شركةمحاسبة مش كبيرة بس المشكلة ان المدة 3 سنين
بس برده هبقى محاسب قانونى معتمد و المرتب 400
اروح ولا ماروحش ؟
لو انت معندكش شغل خالص روح هناك رغم ان المرتب مش هيكفى مواصلات وفطار وسجاير لو كنت مدخن
الا انك ممكن من خلال الشغل هناك تبقى حاجه زياده فى السى فى وهناك برضه ممكن يتفتح لك مجالات شغل اخرى نتيجه وجودك مع محاسبين كتير فى الشركه
وبعد ال3 سنين مرتبى المفروضيبقى كام على كدة !!؟ مع العلم انى مش عايز اسافر برة مصر
مانا مش هكمل فى مكتب المحاسبة ! انا بتكلم على طريقى للشركات الكبيرة
فا بسأل هل كدة ماشى فى طريقى للشركات الكبيرة ولا ادور فى سكة تانية
يعنى ايه 3 سنين ؟ يعنى لو سبتهم هتدفع شرط جزائى ولا ايه؟
400 قليل جدا حتى لو هيساعدك تاخد محاسب قانوني علما بأن ده غالبا مش هيحصل وهيماطلو في تسجيلك وهتخش في 5 سنين مرتاح. وبقولك قليل عشان واحد صاحبي دخل نفس الحوار في 2002 على 350 جنيه فطبعا 400 بعد 12 سنه قليل جدا.
مش عارف في شرط جزاءى ولا لا و ان شاء الله هبقي معتمد بعد 3 سنين
انا خايف اني اكون بضيع وقتي خصوصا ان المكتب مش كبير
فا هل هتجيلي فرص بعد ال3سنين حلوة في مصر ولا لا
و شكرا
صلى استخارة وربنا يقدملك ما فيه الخير .......
3 سنين، لان قانون القيد قى سجل المحاسبين القانونيون يلزم فترة عمل في مكتب محاسبة - تحت التمرين - فترة 3 سنوات على الاقل. فعلشان تاخد رقم محاسب قانونى لازم تفضل شغال ومتأمن عليك في التامينات الاجتماعية - مراجع حسابات - لمدة 3 سنوات متصلة.
المبلغ قليل - بس المكاتب الصغيرة مش هتعرف اجيب اكتر. الخبرة هتمون كبيرة في الفترة دى لو انت هتكمل في مهنة المحاسبة والمراجعة والضرائب، لو دة مش مجالك فمتروحش، هتتعب نفسياً على الفاضى.
لو ليك اى سؤال او استفسار هساعدك على قد مقدر.
انا محاسب قانونى - حاليا جدول "ب" شركات مساهمة.
والسلام ختام
تمام انا دلوقتي عايز ادخل مجال المحاسبة بس خايف بعد 3سنين اخد مرتب قليل
يعني 25 سنة وباخد مرتب 1000 او 1500 كدة مش هيبقا في اي انجاز في حياتي
انتوا شايفين ايه
المكاتب الصغير شغلها كلة كدة وفية الى مبيدفعش حاجة اصلاً في مقابل انة يسجلك في التامينات الاجتماعية وتاخد رقم (اهم حاجة) بس فرق الخبرة بيكون كبير بينك وبين اى واحد تانى شغال في شركة لنفس الفترة. الشغل كلة عند العملاء يعنى كل يوم في حتة شكل وممكن تروح عند اكتر من عميل في نفس اليوم (ايام الجرد مثلاً).
ومجال المراجعة بالذات اول فترة انت الى بتصرف على الشغل مش العكس. حط في اعتبارك لازم هتاخد شهادات مهنية (سواء الجمعية المصرية - ارخصهم - او شهادات اجنبية - انت ومقدرتك) فطبعا 400 جنية ولا يكفوا حتى تمن الكتب في مادة واحدة.
دة مش احباط بس دة واقع، والشغل في المراجعة بيسمع مادياً بعد 4-5 سنين على الاقل.
احنا داخلين على شهر يناير - موسم المراجعة - جرب فية لو الوضع عجبك كمل ودور على مكاتب اكبر - لو شغل المراجعة عجبك - او شركات تشتغل فيها كمحاسب.
والسلام ختام
انا بشكر حضرتك جدا علي سرعة الرد ولكن عايز اخد راي حضرتك كأخ اكبر
لو حضرتك مكاني تختار ايه
تشتغل في مكتب محاسبة ولا تحاول تشتغل في شركات
مع العلم اني لسة مابنتش مستقبلي و عايز ابنيه ههههههههه
ردك في سؤالك،
"أشتغل" في مكتب ومحاسبة ولا "تحاول تشتغل" في شركة.
عصفور في اليد خير من عشرة على الشجرة، خد خبرة في موسم المراجعة الى جاى (اتفحت شغل، اسهر واتبهدل على الاخر لحد) وبعدين دور على شغل وهتشوف الفرق.
احنا مبنصدق نلاقى حد فاهم المدين من الدائن.
والسلام ختام
متابع
تمام و بعد ال3 سنين ناوى اقدم فى الشركات !! مرتبى هيبقى فى حدود كام ؟ ينفع اشتغل حاجة تانيةمع مكتب المحاسبة
عشان مقباش عالة على اهلى ؟
و شكرا لحضرتك جدااا
الفلوس مش كل الرزق - جزء منة فقط - وبالتالى المرتب ملوش مقياس.
لغة + كمبيوتر + معرفة بالمعايير و الضرائب هتشغلك في مكان كويس جداً بمرتب كبير .
انك تشتغل جنب مكتب المحاسبة، مستحيل لان ساعات الشغل في الموسم ممكن توصل 12 ساعة او اكتر. بس ممكن تشوف طلبة البكالريوس - الى بيعملوا دراسات جدوى - وتعملهالهم بفلوس. غير كدة معتقدش
تمام انا عارف اني زهقت حضرتك بس من عشمي والله
المكتب لو هيبعتني مشاوير او بيشتغل في الضرايب بس ارفض ولا ادوس ??
انا محتااار جدا ربنا يفرجهامن عنده انا برده بستفاد من مشاركات حضرتك فى منتدى اخر و بدعي لحضرتك
معلش سؤال كمان مكتب محاسبة ولا اذاكر cma?