مخالفة معملتهاش!!!

**S O P H O S** · 18-12-2013 10:36 PM

المشاركة الأصلية كتبت بواسطة ahmod

متتعبش نفسك في التفكير لانك هتدفع هتدفع

معملتش تظلم ولا ايه يا دكتور
ولا عملت واترفض ؟

**Ahmod** · 18-12-2013 11:15 PM

المشاركة الأصلية كتبت بواسطة zaied

طب في حاجة تانية اغرب :d
المخالفة بتاريخ 26-6 وانا مجدد الرخصة بتاريخ 20-7
ازاي منزلتليش المخالفة دي قبل ما اجدد؟
هو عامة يعني المخالفة لسة نازلة ع الموقع مش قبل شهر لاني كشفت من شهر تقريبا ومكنش في مخالفات
----
اه حاجة كمان
مكتوب في الصفحة اني تبع وحدة مرر الهرم, وانا اصلا تبع مرور فيصل

هيقولك لما جيت ترخص كانت المخالفة اتاخدت عليك بس لسه ماتسجلتش على الكومبيوتر !!

بص يا باشا نفس اللى حصل معاك ده حصل معايا بالملي وبرضوا في مرور فيصل ودفعت 1425 جنيه مخالفات

فادفع واستعوض ربك لان مالهاش حل تاني

**abo_lamar** · 19-12-2013 06:02 AM

مش يمكن الموقع ده بيخرف و مديك معلومات غلط ؟؟

**akmm** · 19-12-2013 10:56 AM

عادى وهتدفع ............. نفس اللى حصل معايا 1310 جنيه مخافتين سير عكس الاتجاه وتعطيا حركه المرور .... منطقه السيده زينب .. وعمرى مارحتها اساسا بعربيتى او حتى بتاكسى او على رجليا ... ومحاولات وفلفصه وفى الآخر دفعت ...

**hamisa08** · 19-12-2013 11:37 AM

حصلت معايا قبل كدة علشان كان معايا رقم خاص وكان رقم صغير سهل يتقرى " اربعه ارقام بس "

هترووح تعمل تظلم هيخفضهالك ولو حد قريبك وكيل نيابة بيشلها خااالص

**شاهين - بنز** · 19-12-2013 04:27 PM

حصلت مهايا عندنا عربية ملاكي الغربية لكن بنستخدمها في القاهرة بس ، وأنا رايح أجدد رخصة العربية من شهرين لقيت مخالفة ب ١٥٠٠ جنيه بسبب السير عكس الاتجاه وتجاهل رجل المرور بطنطا شارع البحر بشهر ٢٠١٣/٦ مع العلم إن العربية في خلال ال ٣ سنين إللي فاتوا منزلتش طنطا أصلا
قلت حتى بعد التظلم والمحمكة آخرهم حينزلوا خمسمياية فدعهت المخالفة كلها واستعوعضت ربنا في الفلوس إللي إدفعت ظلم وقلت حسبي الله ونعم الوكيل في دي بلد