المشاركة الأصلية كتبت بواسطة AHMED12345678
يا اخى انت مكبر الموضوع لية
اعتبرها مساهمة فى دعم اقتصاد مصر
احنا المواطنين كدة
بنيجى نقف فى حاجات مالهاش لازمة ومبالغ تافهة
وننسى جمايل الحكومة علينا
هتقولى ازاى
اولا /بترفع لياقتك البدنية من المشاوير الى انت رايح جاى فيها والسلالم الى طالعها ونازلها علشان المخالفة
ثانيا/ بتتعلم الصبر من التعامل مع مستوظفين الحكومة
ثالثا/ تدينك بيزيد من كثرة ترديد مقولة حسبى الله ونعم الوكيل
رابعا/ ممكن تتعرف على اخوك توأمك الى كان تاية بقالة سنين وعرفت انة موجود لما ساق العريية من وراك وانت مش موجود وخد المخالفة والحكومة افتكرته انت فنزلت المخالفة عليك ........ شفت العيلة اتلم شملها ازاى
بطلوا افترا على الحكومة وشوفوا الحكومة بتعمل اية علشانكوا