عااااااجل ...يا جماعه انا هشتري عربيه ممكن همتكم تساعدوني فيها

**aymoonoo** · 21-09-2008 03:48 AM

dيا جماعه انا هشتري عربيه ممكن همتكم تساعدوني فيها هيا عربيه اسمها سبرينت شفروليت موديل 1992 الي مش يعرفها هيا شكلها زي السويفت الهاتش باك نفسها بزبط بس شفروليت معروض عليا تنين لونهم ازرق وحده بابين ماشيه 80000 فيتيس عادي حالتها مش بطاله بس بقالها تقريبا مركونه 5 شهور فمعرفش ايه حالت الموتور فيها تكييف وهيا بتيجي 1300ccمطلوب فيها 30000 والتانيه برضو زرقا بس اربع بواب اتوماتيك تكييف ماشيا 120000 وحالتها من بره عاديه يعني اكسضامات متكحته متبهدله بس شكلهم مقبوول وديموديل 92 مطلوب فيها 35000 وانا مش عارف ايه ظروف العربيه دي انا اساسا عايز سويفت اي حد عندو سويفت يقولي وانشالله تقولولي ايه رايكو اي وحده اخد وليه وايه قطع الغيار وهل السعر منااسب ياريت تردو عليا بسررررعه

شكررااا

**hossam_chixo** · 21-09-2008 04:48 AM

نصيحة ليك قبل ما تفكر تجيب اى عربية سواء جديد او مستعمل لازم تستفسر عن قطع الغيار لازم لازم عشان متندمش بعد كدة عشان فى انواع دلوقتى فى السوق قطع غيارها قليلة جدا و بالتالى لازم هتكون غالية و لو جديد تسأل و تستفسر عن معاملة التوكيل بتاعها سواء جيد او سيء و قطع الغيار بة ايضا غالية جوة و فى امكانية نلاقيها برة ارخص شوية و هل سعرها فى متناول اليد
و فى نقط ةبرضو الا و هى سعر اعادة البيع لو بتفكر تغير العربية كل فترة قصيرة عشان فى عربيات برضو فى السوق برضو دلوقتى تلاقى سعرها غالى و لكن لما تيجى تبعها هتخسر جامد مثلا زى العربيات الصينى الى نازلة الايام دى تلاقى سعر اعادة بيعها فى الارض
و اخيرا اختيار السيارة يتم ايضا على حسب استعمالك ليها مثلا بتسافر كتير او شغلك بعيد بتقضى مشاوير بعيدة فى هذة الحالة تجيب عربية شدة حيلها شوية من حيث الحالة و قوة الماتور
و لو يادوب بتقضى بيها مشاوير على الاد مثلا او اقصد يعنى استخدامك ليها هيبقى فى العادى او المتوسط يبقى تجيب عربية صغيرة شوية و برضو عدد افراد العائلة هل هو كبير او صغير و يتوقف برضو على حجم العربية
و كل دى نقط يجب الاخد بها فى الاعتبار قبل اخذ قرار شراء السيارة
و الف شكر ليكم كلكم.

**A.samy** · 21-09-2008 04:55 PM

خليك فى السويفت احسن ودة لينك لعربيات مستعملة

http://www.contactcars.com/UsedCars_All.asp

**aymoonoo** · 21-09-2008 07:39 PM

يا حبيب قلبي انا مش لاقي سويفت انا بسأل ايه رايكو فقطع الغيار وبعدين انا مش عارف اسأل فين عشان كده بسأل لو حد يعرف عنها وهيا صغيره اجمالا الأرعه باب مش طبيره حجمها زي لسويفت بس من غير سنطه حتا اصغر شويه
والتانيه 2 بابا اصغر تعتبر كوبيه مع العلم انه العربيه دي زي السويفت الهاتش بااك بزززبط بس مش سوزوكي هيا شيفروليت

**aymoonoo** · 23-09-2008 05:14 AM

ايه ده بقالي اكتر من يومين او تلاته حاطة الموضوع ولا حد كلف خاطرو يفيدني فحاجه ؟؟؟؟؟؟كل ده احوار صعب؟

**ahmed azab** · 24-09-2008 12:23 AM

بص يا باشا العربيتين دول سواء الشيفورليه سبرنت او السويفت الهاتشباك تقريبا زي بعض بالضبط بدون اختلافات تذكر واسعارهم تقريبا واحد مع فرق ان سبرنت تقل حاجة بسيطة لان الطلب عليه قليل الناس بتخاف من اسمها مع انهم واحد هي والسويفت والاثنين نفس الماتور 1000 cc وكمان 3 سلندر بس بيركبلهم ماتور السويفت السيدان 1300 بفتيسه يعمل حوالي 2500 بالنسبة لقطع الغيار هي كلها سويفت طبعا اسعارها كويسة جدا لحد البابين اللي ورا طبعا الشنطة والفوانيس والاكصدام قوليلين لكن موجودين استعمال .
اسعارهم لما كان السوق كويس بيعملوا من 28 ل 32 علي حسب الحالة وده 4 باب طبعا دلوقتي الاسعار مريحة جدا ومفيش حركة طبعا سعرهم اعتقد نزل والكوبيه ارخص طبعا من كده بس هي العربيات دي مفيهاش تداول سريع في اعادة البيع.

**أبومعاذ** · 24-09-2008 12:47 AM

زي ما استاذ عزب قال لحضرتك هي هي نفس السويفت الهاتشباك مش اكتر ولا اقل الفرق من برا في الفوانيس الخلفية مختلفة شوية و قليلة لما تلاقيها فلو في واحدة من المعروضين عليك فيها حاجة من الفوانيس مشروخة او مكسرة خلي صاحبها يغيرها الاول
الفرق التاني ان السويفت الهاتشباك بتنزل 1000cc بس بينما السبرنت بتنزل 1300cc ودي ميزة عشان الشباب اللي بيحب يشد
لو الاوتوماتيك اللي معروضة على حضرتك 1000cc بلاش عشان سحبها ضعيف جدا و مناسبة اكتر للبنات
العربية دي مع واحد صاحبي ولو عايز اي معلومات تانية تحت امرك

**aymoonoo** · 25-09-2008 02:56 PM

شكرا اه التنين باب تعبانه وعايزالها تغييرات كتير قوي فأنا مفكر اجيب اللأربعه باب لا مفيش شرخ فالفوانيس بس فوانيس الإشارات الي قدام مش موجودين وبيقول انه موجودين عنده جداد وحاجه تانيه عالسعر هوا مصمم 35000 وقالي انه ده سعرها فالسوق وهيا اوتوماتيك 1300cc مش 1000 Cc صاحب العربيه قالي كده وياريت الي عندو عربيه فحدود 30000 ل 33000 لو كانت سويفت او سكودا او فيستا او بولو او اي حاجه فالسعر ده يقلي وانا هشتري كاش لو حاله حلوه

**أبومعاذ** · 25-09-2008 03:34 PM

35 كتير عليها

الموضوع: عااااااجل ...يا جماعه انا هشتري عربيه ممكن همتكم تساعدوني فيها

LinkBack

أدوات الموضوع

عرض

-

-

-

المواضيع المتشابهه

يا جماعه انا عربيه اخويا لانوس 99 فيها مشكله

عااااااجل ... ساعدونى يا جماعه ف شراء العربيه

الى وحوش النايل موتورز ممكن تساعدوني في شراء عربيه

انا اشتريت عربيه لانسر ممكن تساعدوني في كام ملحوظه

يا جماعه ممكن تساعدوني لاني حاسس اني ممكن اتقلب

الكلمات الدلالية لهذا الموضوع

المفضلات

المفضلات

ضوابط المشاركة