شبابيك الوميتال ولا pvc ولا خشب

**Hobgoblin** · 20-12-2013 04:50 PM

Pvc

**Y a r i s** · 20-12-2013 05:00 PM

لازم حلق خشب يافندم. الحيطة ذات نفسها بتتمدد وتنكمش وبتريح بالذات بعد سنة من بنى المبنى ويبين تشققات في الحوائط ... وخلي بالك من نقطة مهمة ... مش يعني انك ركبت شبابيك المونيم معناها مفيش شيش لأ انتا ممكن تعمل شيش عااااادي جداً اعمل حلق خشب والشباك المونيم وبعدين ركب الشيش وراااه. في شيش. جرار وفي الشيش البلدي بتعنا. بتاع زمان ... الشيش. مفيد جداً وبالذات مش عارف ليه عندي احساس. ان. من كتر الحجات الي الناس بتعملها في بعضها عند احساس ان ربنا هيرسل علينا لعنة كده جراد متوحش نحل قاتل عصافير مدمرة ... الشيش بيبقى ممتاز في الحالات دي او حالات الحروب بيمتص الشظايا ده غير انو بيبقى ساتر ليك من الجيران في حالت حبيت تقعد براحتك في البيت زي اي رجل مصري اصيل ... وفاتح الشباك فلو في ستارة. الهوى بيطيرها بس لو في شيش بيستر. اكتر وتقدر تكون مصري براحتك في البيت :) ... وتحياتي

**Y a r i s** · 20-12-2013 05:19 PM

معليش نقطة كمان لوجه الله ... علشان الي بيدي النصيحه يايديها كاملة يا ميدهاش
وانا حابب اقول حاجة صغيرة لو قررت تعمل شبابيك المونيتال في نوعين من الشبابيك جرار وفي نظام الدرفتين الي بيتفتحوا الاتنين سوى

ده شكل الشبابيك الجرار ... دي وحشه ابعد عنها هتقولي ليه هقولك لان في الصيف انتا بتبقى عاوز تفتح الشباك كلو علشان يجيلك شوية اوكسجين وشوية نفس. الجرار مش هتقدر تفتح غير درفة وحده يا دي. يا دي بينما الي بتتفح نظام ابواب درف كده هيا الاحسن بيبقى عندك خيرات تحكم اكتر في نسبة الهوى. الي هيخوش الاؤوضة

نقطة تانية الراجل بتاع الشبابيك هيقولك طيب تحب نعمل لونهم ايه وهيبجلك الوان لاحصر لها ... انتا طبعاً هتقول اصل الانتريه نبيتي يبقى خلي الشببيك نبيتي. او فوحلقي. على لون مش عارف ايه ... لا لا خليك في اللون المضمون والي يمشي في جميع الاوقات حتى لو غيرت العبش او جه ساكن جديد للشقة متبقاش الشبابيك لونها شاذ وخير الامور الوسط خليك في اللون الابيض او البيج او لون الالومنيوم الطبيعي ... او امشي مع اللون السائد في العمارة ... دايماً شكل الواجه هو الي بيتحكم في لون الشبابيك وليس لون العبش ... وبالتوفيق .

**BUNSH** · 21-12-2013 07:50 PM

وعليكم السلام ورحمة الله وبركاتة

أولا : ربنا معاك ويعينك وتخلص على خير ..
ثانيا : لو بتسئل على الأفضل هيكون _ الومنيوم - بى فى سى - خشب _

+ علشان نبقى متفقين كل خامة زى ماليها مميزات ليها عيوب !
الألومنيوم عندك القطاعات من اول 350 لغاية 3000 جنية (الخامات واحدة بس بتفرق من قطاع لقطاع وتقفيل والبراند)

+ وطبعا الوانة متاحة أن كانت سادة او خشبمونيوم بدرجاتة .

+ ومفيش قطاع فيكى يامصر بيعزل الصووت 100% الا لو الازاز متصنع فى مصانع د-جريش! (يعنى متفرغ من الهواء ولازم يكون دبل) بس العادى بيمنع الصوت والتراب فى حدود 50% .

+ والالومنيوم عادى ممكن يركب على السيراميك او حلقان الخشب _بس الافضل حلقان الخشب_

+ تنضيفة سهل .

+ وممكن تخلى الداخلى الومنيوم والشيش (خشب) او ممكن يكون شيش حصيرة (الومنيوم) .

ودية صورة للاشكال بعض القطاعات والوانة :

,,,

بالنسبة للـ PVC ــ
متعلاج او لأ بعد فترة بيقوس من الحرارة !

**BUNSH** · 22-12-2013 12:19 AM

المشاركة الأصلية كتبت بواسطة dreamo

الالومنتال تمام وزي الفل .. لكن عيوبه انه موصل للحراره ( لو الشمس على الوجه الخارجي ليه .. بتتنقل لداخل الشقه .. وكأنه دفايه شغاله في المكان )
وفي الحاله دي انا هحس ان درجة حراره الشقه ارتفعت مش انخفضت .. وكمان هيأثر على التكييف

لكن الخشب وال pvc مش هينقلوا الحراره من الداخل للخارج

تاني عيب .. لنفس السبب علشان هو معدن .. بينقل الصوت عن طريق المعدن بتاعه من الداخل للخارج او العكس

لكن الخشب وال pvc مش هينقلوا الصوت من خلال الخامه بتاعتهم

انا مهتم جدا جدا .. اني اعزل الشقه عن الجو الخارجي تماماً .. سواء كان صوت او حراره او تراب .. صحيح عزل الصوت والحراره مش هيكون 100% .. لكن انا عالاقل عايز اعمل افضل عزل عالشبابيك

ولقيت ان ده بيتوفر في شبابيك ال pvc مع الزجاج المزدوج طبعاً

مش باقي غير اني اتأكد من نقتطين بخصوص ال pvc

التركيب الامثل على المحاره ام حلق خشب
وموضوع تأثرها بالحراره او تقوس زي ما حضرتك قولت

مع العلم ان الشركات بتدي ضمان 10 سنوات .. وبتأكد ان العمر الافتراضي لها مش اقل من 40 سنه .. وانها تتحمل حراره حتى 80 درجه مؤيه

اهم حاجة قبل شراء الحاجة *الاقتناع بيها* وطالما حضرتك مقتنع بيها اتوكل على الله ,, وربنا يوفقك ومبروووك مقدمـــــــــا .