اسطوره (متجبش ميجان اصلها كلها سنسورز ؟؟؟ )

السلام عليكم يا جماعه
انا من فتره كده و انا بدور على عربيه مستعمله و الميجان كانت من الحاجات اللى قدامى (2008 او 2009) بس انا متردد فيها علشان كل لما بسأل حد عليها بيقولى رد غريب من نوعيه ( لأ اصلها كلها سنسورز-لأ اصلها كلها سوفتوير - اصلها هتضايقك فى الصيانه- دى لو شويه ميه دخلتها هتهنج و هتقف - واصل لو سخنت و سنسور ضرب ممكن تقف منك , و حاجات كتير كده لما حسيت انى هشترى لاب توب همشى بيه مش عربيه:crashcomputer3: ... طبعا انا مش بقتنع بالكلام السماعى كده فحبيت اسألكم هنا , ايه صحه الكلام ده و يعنى ايه اصل العربيه صعبه فى الصيانه و اصلها سنسورز و الكلام ده؟؟؟..يعنى يا ريت لو حد يعرف او لو حد معاه العربيه الموديلات دى او سنين قريبه منها يفيدنا علشان انا بقيت محتار فعلا و مش فاهم:pffft:...
و شكرا مقدما ليكوا يا جماعه

كنت زماااااان بسمع عليها كده اول مانزلت وكلام ولا الأساطير ( اساطير اساطير يعنى ) لحد ماانتشرت العربيات الى بالكمبيوتر يونت والسنسور واصبح الأمر عادى جدا

أن شاء الله أعضاء القسم هنا يفدوك أكتر

اقتباس:

---

المشاركة الأصلية كتبت بواسطة alyz

السلام عليكم يا جماعه
انا من فتره كده و انا بدور على عربيه مستعمله و الميجان كانت من الحاجات اللى قدامى (2008 او 2009) بس انا متردد فيها علشان كل لما بسأل حد عليها بيقولى رد غريب من نوعيه ( لأ اصلها كلها سنسورز-لأ اصلها كلها سوفتوير - اصلها هتضايقك فى الصيانه- دى لو شويه ميه دخلتها هتهنج و هتقف - واصل لو سخنت و سنسور ضرب ممكن تقف منك , و حاجات كتير كده لما حسيت انى هشترى لاب توب همشى بيه مش عربيه:crashcomputer3: ... طبعا انا مش بقتنع بالكلام السماعى كده فحبيت اسألكم هنا , ايه صحه الكلام ده و يعنى ايه اصل العربيه صعبه فى الصيانه و اصلها سنسورز و الكلام ده؟؟؟..يعنى يا ريت لو حد يعرف او لو حد معاه العربيه الموديلات دى او سنين قريبه منها يفيدنا علشان انا بقيت محتار فعلا و مش فاهم:pffft:...
و شكرا مقدما ليكوا يا جماعه

---

كل العربيات الحديثه حاليا كده بس الرينو الصناعيه حفظتها وحاليا باقي الماركات لسه الصنايعيه ما بتعرفش تتهامل معاها يعني معندكش بديل عن التوكيل و المراكز المعتمده لاكن الرينو حاليا صنيعيه كتير بيشتغلوا فيها

الميجان:
تكيفها متوسط
اعطالها عاديه ولكن تعتبر غاليه شويه
يوجد بها بعض العطال المفاجئه .... وتتحل فجئه

اما موضوع السوفتوير والسنسورز والحاجات دي......ده شئ عادي جدا وفى كل العربيات الحديثه
والا الناس تبطل تشتري بي ام ولا مرسيدس ولا اودي ولا...ولا....

دي ناس متعوده تاخد عهد من الميكانيكي والكهربائي انهم يعرفو يصلحو العربيه...... ولما يغلب اي صنايعي فى مصر يقولك "عربيه وحشه ......زباله......ماتلزمنيش" لانه مابيعرفش فى التكنولوجيا ولا بيعرف يقرأ انجليزي اصلا علشان يحدد العطل

سيبك من الناس دي ..... ولو عاجباك توكل علي الله وخد واحده حاله عاليه ....واي عطل عليك بالتوكيل او المراكز المعتمده

فيه موضوع في القسم هنا اسمه الميجان ذات ال120 حساس , حاول تدور عليه :)

شكرا يا جماعه على الردود :S_thum1[1]: