الموضوع: يا شباب عايز رأيكوا ؟

يا جماعة في واحد صاحبي معاه جولف 5 هاي لاين موديل 2005 عاملة 76000 كم هوه المالك التاني ليها فيها الأتي :
1-فتحة سقف
2-فرش جلد طبيعي بيج تحفة
3-فوج لايت
4-ستيب ترونيك
5-ستير ماتيك
6-سي دي بلاير أوريجينال
7-5 جنوط16" سبور أوريجينال بتوعها و الكاوتش اللي عليهم لسه جديد
8-4جنوط 17" سبور أوريجينال بتوع ال جي تي أي و عليهم كاوتش بريدجستون في
9-العربية فابريقة بره و جوه ما عدا الكبوت مرشوش في التوكيل عشان كان في عيال مجرحاه بمسامير
10-عتب نيكل جوه
11-مالتي فانكشن ستيرنج وويل
12-التكييف كليماترونيك اتنين زونز
13-4 إزاز كهربا تاتش
14- مرايات كهرباء بسخانات و طي كهربا
15-مراية الصالون بتعتم لوحدها في النور العالي
16-في كمان طقم فوانيس ورا معاها اللي هيه سبورت
17-سبويلر جي تي أي
18-العربية معاها كل حاجتها الكتالوجات و المفاتيح الأصلية و العدة بتاعتها
19-غطا جلد للعربية
20-مثبت سرعة
21-12 اير باج
هوه كان شاريها من واحد صاحبه و كان مديهالو رخيصة شوية بس المكنة نضيفة جدا و سحبها ممتاز وهوه محافظ على العربية و كل شغلها بيعملع في التوكيل و لسة طالعة من الصيانة الدورية من إسبوع
المهم هوه لما عرف إني عايز أشتريها طلب 150000 عشاني إيه رأيكو في السعر و الأهم من كده إيه رأيكو في قطع غيار العربية دي و ألاقيها فين؟ و في الصيانة يعني لازم كل حاجة في التوكيل و لاممكن الحاجات الخفيفة بره ؟
و ألف شكر ليكوا مقدما