ازاى اروح المقطم من الدائرى

**abo_anas** · 18-12-2013 11:37 PM

السلام عليكم
شباب عاوز اعرف ازاى اروح المقطم من الدائرى ، انا قادم من طريق بنها القاهرة

**mrghost** · 19-12-2013 07:07 AM

هتفضل واخد الدائرى لحد ماتعدى من فوق طريق السويس وتفضل ماشى هتنزل نفق وتطلع هتﻻقى نزلة ع اليمين مكتوب عليها التجمع والمقطم هتاخدها يمين لحد اخر الطريق هتﻻقى شمال ويمين هتاخد الشمال وتمشى مع الطريق (هيلف بيك يمين ) لحد ماتﻻقى اول يو ترن تاخدها وتفضل ماشى هتﻻقى بنزينة وطنيه على يمينك تمشى لحد ماتﻻقى مقابر ادخل يمين هتبقى المقابر على شمالك انت كده فى اول المقطم لو تهت رن عليا اوصفلك 01007051355 م محممد مصطفى

**M.Osama** · 19-12-2013 09:33 AM

زي ما قالك الاخ الفاضل.. احب بس اوضحهالك شويه

اولا هتطلع الدائري اتجاه مدينة نصر.. يعني تعدي من تحته وتلف وتطلع

هتفضل مكمل طوالي هتعدي نفق السلام.. ثم نفق اكاديمية الشرطه.. وتدخل من فوق النفق التالت يمين (نفق التجمع الخامس).. هتلاقي علي شمالك ف الدائري كايرو فستيفال سيتي وكيدزانيا.. والنفق ف وشك ادخل من فوقه

هتفضل مكمل طوالي هتلاقي الطريق متفرع يمين وشمال.. خليك شمال وكمل طوالي.. الطريق هيلف بيك اجباري يمين لف معاه.. ثم لف من اول يوتيرن وارجع هتبقي وطنية علي يمينك وف وشك كوبري متطلعوش كمل من تحته وبعد البنزينه بحوالي 200 متر هتلاقي دخله يمين دي دخلة المقطم الرئيسية

-----------------------

ممكن تدخل من جوا القاهره لان الدائري بقي زحمه جدا..

هتكمل لحد احمد حلمي وتلف وتطلع كوبري اكتوبر من نفق احمد بدوي

وتفضل ماشي طوالي لا يمين ولا شمال ع الكوبري لحد نهايته هتلاقي 3 فتحات.. انزل اللي ف النص لا يمين ولا شمال

هتفضل طوالي مع الطريق هيلف بيك اجباري شمال وبعدها اجباري يمين برده وتفضل ماشي لحد ما تلاقي وطنيه علي يمينك تدخل من بعدها ب 200 متر برده دخلة المقطم..

الطريق من جوا القاهره اسهل واقصر كتير

شكرا