العربية كانت بتعتل و مش بتدور .. و لما زقتها و ركنتها جيت ادور دارت عادى

**mtc_46** · 18-12-2013 11:38 PM

عربيتى كنت راكنها من بالليل للصبح فى التلج اللى احنا فيه ده .. جيت ادور .. سامع صوت تعتيل كان البطارية ضعيفة مع ان البطارية لسه متغيرة من اسبوعين و الانوار زى الفل
و كمان طول ما الكونتاكت مفتوح فى صوت زنة فى الحوض (مش عارف دى جديدة و لا قديمة)
المهم الحوار ده كان حصل من فترة و بعد كام محاولة العربية دارت بس كان فى صوت ترزيع .. و ساعتها افتكرت الموتور راح ولما رحت للميكانيكى كشف و لقينا الدينامو بايظ و غيرناه
النهاردة لما حصل نفس الموضوع .. زقيت العربية عشان اركنها فى حتة كويسة .. و بعد ما ركنتها جيت ادور دارت
بس مفيش صوت هبد ولا خبط زى المرة اللى فاتت عشان اقول العيب من الدينامو برده (مع انى مش عارف ايه علاقة الدينامو بالدوارة - بس ممكن المرة اللى فاتت كانت صدفة)
الخلاصة : العربية كانت بتعتل و مش بتدور .. و لما زقتها و ركنتها جيت ادور دارت عادى؟؟!!

**VANTROY** · 19-12-2013 08:57 AM

نفس الكام عندى تقريبا .... العربية بتعتل الصبح ... الانوار تمام ... البطارية جافة لمبتها خضراء متغيرة من حوالى 10 شهور ....
شوية والعربية تدور ....
واحيانا العربية تعتل فى نص النهار ....
وديتها لكهربائى ... قعد يدورها ويبطلها اكتر من عشر مرات مع تشغيل الانوار والعربية بتدور قدامه زى الفل

مش عارف ايه المشكلة

**abdoumahros** · 19-12-2013 09:48 AM

المشاركة الأصلية كتبت بواسطة mtc_46

عربيتى كنت راكنها من بالليل للصبح فى التلج اللى احنا فيه ده .. جيت ادور .. سامع صوت تعتيل كان البطارية ضعيفة مع ان البطارية لسه متغيرة من اسبوعين و الانوار زى الفل
و كمان طول ما الكونتاكت مفتوح فى صوت زنة فى الحوض (مش عارف دى جديدة و لا قديمة)
المهم الحوار ده كان حصل من فترة و بعد كام محاولة العربية دارت بس كان فى صوت ترزيع .. و ساعتها افتكرت الموتور راح ولما رحت للميكانيكى كشف و لقينا الدينامو بايظ و غيرناه
النهاردة لما حصل نفس الموضوع .. زقيت العربية عشان اركنها فى حتة كويسة .. و بعد ما ركنتها جيت ادور دارت :s_thum1[1]:
بس مفيش صوت هبد ولا خبط زى المرة اللى فاتت عشان اقول العيب من الدينامو برده (مع انى مش عارف ايه علاقة الدينامو بالدوارة - بس ممكن المرة اللى فاتت كانت صدفة)
الخلاصة : العربية كانت بتعتل و مش بتدور .. و لما زقتها و ركنتها جيت ادور دارت عادى؟؟!!

عزيزي
راجع علي كابلات البطاريه جايز تكون سايبه شويه او مملحه
وممكن برضه كابلات المارش او الشربون

**المنسي** · 19-12-2013 11:41 AM

محتمل يكون اتوماتيك المارش بيعلق

**a_mohamedsamir** · 19-12-2013 12:55 PM

أولا : تأكد فى البايه ان جميع الكابلات والقواطيش مثبته جيدا
ثانيا : تأكد ان مفيش تسريب كهرباء
ثالثا : لو شاكك فى المارش خللى الكهربائى يحله ويجربه بره
لأن ممكن زى الزملاء ما بيقولو يكون أوتوماتيك المرش

**mtc_46** · 19-12-2013 02:07 PM

المشاركة الأصلية كتبت بواسطة a_mohamedsamir

أولا : تأكد فى البايه ان جميع الكابلات والقواطيش مثبته جيدا
ثانيا : تأكد ان مفيش تسريب كهرباء
ثالثا : لو شاكك فى المارش خللى الكهربائى يحله ويجربه بره
لأن ممكن زى الزملاء ما بيقولو يكون أوتوماتيك المرش

طب اوتوماتيك المارش ده بيتغير ولا بيتصلح .. ولا اغير المارش كله افضل؟؟
و هل اوتوماتيك النارش ده ليه علاقة بانى بعد ما ازق العربية .. تدور عادى؟؟!!

**المنسي** · 19-12-2013 02:30 PM

المشاركة الأصلية كتبت بواسطة mtc_46

طب اوتوماتيك المارش ده بيتغير ولا بيتصلح .. ولا اغير المارش كله افضل؟؟
و هل اوتوماتيك النارش ده ليه علاقة بانى بعد ما ازق العربية .. تدور عادى؟؟!!

اتوماتيك المارش بيتغير عادى جدا فيه واحد فالجيزة بيصلح المارش بس بصراحة مش فاكر اسمه

**rotanamasoud** · 19-12-2013 05:46 PM

المشاركة الأصلية كتبت بواسطة mtc_46

طب اوتوماتيك المارش ده بيتغير ولا بيتصلح .. ولا اغير المارش كله افضل؟؟
و هل اوتوماتيك النارش ده ليه علاقة بانى بعد ما ازق العربية .. تدور عادى؟؟!!

انا كنت جايبه بوش المانى استيراد وبعد كام شهر الاوتوماتك علق فكيته لاقيت وساخه زيت على شحم مجلمط بيعيق التشغيل والفصل(من الركنه) اخد تنضيفه جامده وبقى تمام
علاقته بالزق ان الترس بيتحشر ومبيردش فمبيدورش وتحس بسحبه كهربه (عند الاداره) لما تزق الترس بيفصل وتدور تانى يدور لحد لما يعلق تانى وهكذا

-

-

الموضوع: العربية كانت بتعتل و مش بتدور .. و لما زقتها و ركنتها جيت ادور دارت عادى

LinkBack

أدوات الموضوع

عرض

-

-

-

-

-

المواضيع المتشابهه

العربية بتعتل في الدوارة ومش بتدور

العربية مش راضيه تدور بعد ما ركنتها

و اقعد ادور والعربيه متدورش وكنت ببوس ايدها تدور وف الاخر دارت زق

العربية بتعتل هاتجنني

البونتو بتطلع عادم اسود فحم طينانا العربيه كانت مش بتدور وكنت عامل حادثه والحمد لله خ

الكلمات الدلالية لهذا الموضوع

المفضلات

المفضلات

ضوابط المشاركة