هو الباور شفت الموجود في العربية دي يا شباب نفس موضوع الـdsg في مشاكله وكدا ولا دا مختلف ؟
هو الباور شفت الموجود في العربية دي يا شباب نفس موضوع الـdsg في مشاكله وكدا ولا دا مختلف ؟
شوف حضرتك
لما سألت السيلز قالي مفيش منه مشاكل نهائي و مفيش حد اشتكي و لكن
كان في عضو هنا قال فيه مشاكل و شوفه بره مشاكله علي المنتديات الاجنبيه فدعبست علي النت شويه ولقيت فيه منه مشاكل فعلا بس مدي درجتها أو سوءها مش عارف ممكن يكون سينسور أهبل و الله اعلم
عشان ما أظلمش العربيه دور بنفسك بردو بس الناس اللي هنا في المنتدي ما أعرفش حد اشتكي سواء الاستاذ يحيي أو فوزي (هاتش و سيدان)
مع الاسف اضايقت جدا لان العربيه ديه كنت بأعتبرها هي الجوكر في الفئه ديه من غير ما ندخل في نقاش أو مقارنه قصاد الفلوينس أو الاسترا بالذات الهاتش بتاعتها
بالتوفيق
تسلم يا برنس على المرور وانا كمان بأعتبرها لحد انهاردا انها احلا عربية في رينج الـ200 بعد ما شفتلها مراجعات بلاد برا والكلام المتقال عليها بس انا بكره سيرة الفتيس والحاجات اللي تضايق دا .. تسلم يا برنساقتباس:
المشاركة الأصلية كتبت بواسطة kareem.elaraby
العفو علي ايه
انا معاك كله الا الفتيس
لكن كأوبشنز و ستابيليتي و موتور و قعده جواها ديه قله أدب يا رجل يا طيب بس الهاتش ضيقه شويه
و الفوكس الهاتش نزل منها سبيشيال ايديشن كان أغلي ب 30-50 ألف
اتقال و الله أعلم بصحه الكلام ده ان العربيه ديه كانت نازله لعضو مجلس اداره من التوكيل و لما لقوها بتتباع بقوا بيجيبوه بالطلب
الزياده اللي كانت فيها و فاكرها شاشه أكبر و 10 سماعات باين و فوانيس عدسات بزينون متحرك و فيه حاجات تانيه و ال كاسيت سوني
بس مع الاسف أسمع كلمه فتيس أخد نفسي و أجري :] منك لله يا فولكس فاجن انتي و ال دي اس جي بتاعك عملتولي هسهس !
اللي حلوه بردو المونديو تحفه و حلوه و واسعه أوي و هيبه كده و فيها أوبشنز حلوه بردو بس يعيبها ان الفتيس مانيوال !
و معايا انا مش مشكله انا بقي بأتخنق ممن الأوتو بس فيه ناس بتكره المانيوال مع زحمه البلد ديه و يبقي اسمك هربت من قرف مشاكل الفتيس خالص
كل واحد و دماغه بقي
و كويس ان احنا اتفقنا انها جوكر ال 200
:]
بالتوفيق حضرتك
انا معيش العربيه بس اجرتها اسيوع و جريتها ... من ناحيه الفتيس انا مستريحتش معاه الفتيس نقلاته مش سلسه و محسوسه و العفشه ناشفه فبتحس العربيه بتتنطط كتير
لكن تسارعها رائع بصراحه و الثبات بتعها فوق الممتاز ... انا شايف انها اسرع و اثبت عربيه في الفئه دي