حسبى الله ونعم الوكيل النصابين فى التوكيل , عملت صيانة الالف و زود مية خضرا والمفجأة

**bassam92** · 19-12-2013 01:47 PM

لسة جايب فيرنا جديدة بطلوع الروح روحت عملت صيانة الالف , وكله تمام زيت شل 100000 وزودو المية الخضرا
دلوقتى انا عملت 5800 , بكشف على المية النهاردة لقيتها شفافة , المية الخضرا اختفت يا رجالة !!
رحت لواحد بتاع رديايتير قالى دى مية عادية وانهم فى التوكيل بيحطو مية زبالة لونها بس اللى الاخضر , يعنى ينفع كده يا ناس , لو هما يقولو من الاول ما عندناش مية كنت جبت انا مية نضيفة , لكن يحطو مية عادية كده وطبعاً لقيت المية فى القربة عند الmin , وحسبى الله ونعم الوكيل ,
حاجة اخيرة طبعا العربية لسة زيرو بس ما شاء الله عداد السرعة وقف و مش شغال , ايه المشكلة وما هو الحل ؟
واسف على الاطالة , بس الواحد اتخنق علشان من اول ما اشتريتها ودافع فيها تحويشة عمرى وانا كعب داير على التوكيل مرة الضفيرة اتحرقت عيب صناعة , ومرة فيوز ومرة المية , ودلوقتى العداد , وهى لسة ما كملتش 6000 كيلو ,,
وحسبى الله ونعم الوكيل

**khaabas** · 19-12-2013 01:51 PM

ربنا معاك ولا حول ولا قوة الا بالله
روح اقرب مركز خدمة معتمد ليك هيكون احسن من التوكيل
ومعلش غير الميه بميه موبيل الخضرا

**toty_305** · 20-12-2013 01:47 PM

-مفيش احترام للانسان المصري ....الكلام ده لو في بلد تانية كنت قفلت التوكيل بالشمع الاحمر

**Rsarabia** · 20-12-2013 01:53 PM

لو العربية فى الضمان روح لهم و زعق زعقتين كدا و شرشرح :)

**egypt123456** · 20-12-2013 08:34 PM

لو تسمح لي بتوضيح بسيط
المياة الخضراء بحصل لها تحلل بعد فترة ولونها بيختفي وده طبيعي جدا
وده حصل معي في سيارة تاني وتوكيل تاني وروحت لبتاع ردياتير وهو اللي وضح الامر وده كان بعد حوالي اقل من سنة من الستخدام السيارة مع العلم لما جبتها زيرو كانت المياة خضراء

وعلشان كده بينصح بتغير المياة الخضراء كل فترة معينة وممكن ترجع للتوكيل في كدة

**start_wow** · 21-12-2013 12:04 AM

المشاركة الأصلية كتبت بواسطة egypt123456

لو تسمح لي بتوضيح بسيط
المياة الخضراء بحصل لها تحلل بعد فترة ولونها بيختفي وده طبيعي جدا
وده حصل معي في سيارة تاني وتوكيل تاني وروحت لبتاع ردياتير وهو اللي وضح الامر وده كان بعد حوالي اقل من سنة من الستخدام السيارة مع العلم لما جبتها زيرو كانت المياة خضراء

وعلشان كده بينصح بتغير المياة الخضراء كل فترة معينة وممكن ترجع للتوكيل في كدة

طيب اسباب تحلل المياه من اللون الاخضر للون العادي ايه ؟

**mirra** · 21-12-2013 12:12 AM

مع احترامى لاراء الجميع المياه الخضرا ماركه موبيل مش ممكن لونها يتغير مهما مر الوقت .المياه اللى بيتغير لونها بتكون ميه عاديه و مضروبه و محطوط لها لون و خلاص.خليك دايما فى موبيل .هى غاليه شويه بس محترمه و بتحافظ على دوره التبريد.

**buisnessman** · 21-12-2013 10:16 AM

أنا المية الخضرا اللي كانت جاية مع العربية قعدت معايا 3 سنين لونها أخضر وما اتغيرش خالص وغيرتها بس احتياطي مش اكتر

**Ahmed_Ramadan** · 21-12-2013 11:20 AM

لو عداد السرعة واقف من أول ما جبت العربية هتلاقيه مفصول من الفيشة بتاعته

**bassam92** · 21-12-2013 11:26 AM

اهو انا رحتلم البارح وحلو المشكلة , لكن المية قالولى هتدفع تمن الجركن , قولتلهم العربية لسة 6000ك بس , قالولى ماينفعش المية بفلوس , فا سبتهم ورحت موبيل جبت 2 جركن 4 لتر الواحد ب80ج , اللهى يارب 80 الف عفريت يركب بتوع التوكيل حسبى الله ونعم الوكيل صرفت اللى قدامى واللى ورايا على عربية زيرو علشان تقرفنى كده .
وعلى العموم مالقتش عندهم حد بيغير مية فالسة هشوف حد بره , وربنا يسهل ويعوض عليا بخير ,,,