همه ليه الناس بيعملوا كده؟

**iunknown** · 21-09-2008 01:48 PM

هو ممكن تكون فعلا فيه حاجات متفبركة لكن

أول حاجة:احنا شعب الفهلوة ودهان الهواء بالدوكو وبيع المياه في حارة السقايين وكلمة ماعرفش عندنا زي ماتكون عيب أو ماتصحش

تاني حاجة:برضه اسلوب المذيعة والنوعية بتاعت الضيوف اللي هيا بتختارهم

تالت حاجة: احنا شفنا الناس اللي قالولها اه طبعا وحصل وشفت وعرفت
لكن الناس اللي قالولها ايه اللي انتي بتقوليه ده ولا كلامك غلط اكيد مش هتعرضهم ولا هتعرض هما قالولها ايه

**Noha.M** · 21-09-2008 02:01 PM

مذيعة مستفزة و برنامج سخيف و الناس

طالعة تفتى و حتى لو مش متفبرك احنا فعلا عندنا ميل عالى للفتي في الطبيعي فتخيلي

لو قدام كاميرا و بتاع و هيتذاع فى التليفزيون

بجد فى منتهى السخافة

**bee** · 21-09-2008 02:14 PM

والله يا علا
اساسا البرنامج ده اتفرجت عليه اول مرة بالصدفة لني مش بتفرج عل التليفزيون اساسا نظرا لحجم المسلسلات والسخافات والحشو الي ملوش لزوم ، المهم اول مرة قلت يمكن صدفة تاني مرة لقيته سخيففففففففففف فعلا وصدقيني صعب الكلام ده لسبب بسيط جدا هو اننا ممكن نكون شعب بيفتي لكن مش عبيط .. يعني ايه واحده تقول القائد والزعيم حماده القليوبي .. دي نكته مثلا ؟؟

طب اقولك حاجه :)
مش كل الناس زي بعض .. بدليل تصوري كده لو أمها داعية عليها وقابلت أبو السباع سبعاوي وقالتله القائد حماده القليوبي والحاجات دي شوفي هيعمل فيها ايه :)
انا متأكد انه بعد ما يرد عليها بحكمته هيخلى شكلها وحش بحاجه حقيقية وابو السباع مثل حي لاجيال محترمة مصرية فيه منها هنا كتير في المنتدى وكلنا عارفينهم
انا والله لو قابلتني وقالتلي كده هقولها انتي هبله :) ويصوروا لو عايزين بقه
شكرا ع الموضوع يا علا

**MMamdouh** · 21-09-2008 03:38 PM

الاجابة بسيطة جدا يا جماعة.... الشعب المصرى شعب فهلوى و بالتالى كلمة "معرفش" عيبة كبيرة فى حقة ووصمة عار لا يمحوها اى شىء

الفتى مقبول ... التاليف مجهود تشكر علية... الهجس موهبة... و ان امتلكت الثلاث صفات اصبحت مصرى اصلى صميييييييييم

MMamdouh

**ahmed_badr** · 22-09-2008 05:13 AM

ده برنامج زباله والمذيعة.......

**MoToRiZeR** · 22-09-2008 02:07 PM

و انا رايح المقابلة .. الشعب كله فتالي الربوة فين .. لدرجة واحد قاللي (و انا في مصطفي النحاس في مدينة نصر) دي مش هنا خالص دي في 6 أكتوبر ! إنت إيه اللي جابك هنا !

و كان مضايق أوي

**iunknown** · 22-09-2008 02:11 PM

المشاركة الأصلية كتبت بواسطة MoToRiZeR

و انا رايح المقابلة .. الشعب كله فتالي الربوة فين .. لدرجة واحد قاللي (و انا في مصطفي النحاس في مدينة نصر) دي مش هنا خالص دي في 6 أكتوبر ! إنت إيه اللي جابك هنا !

و كان مضايق أوي

الراجل ما فتاش ولا حاجة

فيه الربوة في الشيخ زايد

بتاعت طلعت مصطفى

**MoToRiZeR** · 22-09-2008 02:20 PM

المشاركة الأصلية كتبت بواسطة iunknown

الراجل ما فتاش ولا حاجة

فيه الربوة في الشيخ زايد

بتاعت طلعت مصطفى

اه عارفها بس يعني شوية تمييز .. انا قلتله الربوة اللي عالدائري و حاولت أقنعه إنها قريبة من هنا قاللي لا لا مفيش دي في 6 أكتوبر انا عارفها .. برضه حصلي موقف مماثل من سنة مكنش معايا عربية و بقول لواحد في الشارع "لو سمحت فين أقرب مترو؟" فا وصفلي و بعد ربع ساعة مشي لقيت نفسي قدام مترو السوبرماركت !

**iunknown** · 22-09-2008 02:24 PM

عادي بقة كل واحد بيفتي على قد علمه

انت عايزه يقع في العيب ويقولك معرفش :)

-

الموضوع: همه ليه الناس بيعملوا كده؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

بص بيعملوا ايه بتراب العربية !

لية البنات بيعملوا فينا كدة

الاسكندرانية بيعملوا السروجى فين؟؟؟

15 لتر بيعملوا 100 كيلو ؟ صح ولا لا

الكلمات الدلالية لهذا الموضوع

المفضلات

المفضلات

ضوابط المشاركة