الموضوع: مشوار النتش المرير مع اللانوس

السلام عليكم
انا معايا دايو لانوس ٩٨ و كانت ززى الفل لغاية يومين
فجأة لقيت العربية بتنتش و بترجرج و سحبها ضعف جدا
رحت لكهربائى قال دة بوجيهات، غيرتها و جربت السحب احسن شوية بس لسة النتش شغال
رجعتله تانى جربها و قالى البوبينة نصها ضارب و شغالة نحيتين بس
نزلت دمشق و جبت بوبينة و ركبها لكن المشكلة مستمرة رحت مرجعها و رحت لورشة جنب قسم عين شمس كشف بالكمبيوتر قالى الكنترول فيه مشكلة و مبيتصلحش غير فى الحرفيين و بالفعل رحت هناك و صلحته بس قالى الافضل انك تغير البوبينة
رجعت للورشة و ركبولى الكنترول و بالفعل العربية بقت زى الفل تانى
المهم انا دلوقتى معايا بوبينة مستلفها لغاية اما اجيب واحدة
ايه احسن الاماكن و الانواع و ايه متوسط الاسعار للبوبينة
عذرا للاطالة و شكرا