للبيع رينو كليو 2003 كاملة مانيوال

**khaledit** · 21-09-2008 10:30 AM

كليو 2003 كاملة مانيوال - تكييف - زجاج كهرباء - كاسيت واربع سماعت اصلى- تحكم بالكاسيت من الدركسيون - مخادع - باور ستيرنج -سنتر - كاوتش بحالة جيدة أستبن لم يستعمل - العداد 94000 - المطلوب 52000

للأستفسار:
م.خالد محمد
0101595146
khaledit2005@gmail.com

**saifsaadmohamed** · 26-09-2008 11:53 AM

52000
مش عالية يا باشا شوية
عموماً ربنا يوفقك فى بيعها

**FASTER** · 26-09-2008 11:45 PM

معلش يعني انا ليا استفسار الاخ اللي بيقول عالعربية غالية مع احترامي ليه هو عايز يشتريها اصلا ولا ده مجرد رأي شخصي وسواء كان عايز يشتريها او رأيه الشخصي ممكن يقوله لصاحب العربية في رسالة خاصة او يتصل بيه لانه من الاخر كدة بيبوظ الاعلان لصاحب العربية وعلي فكرة انا معرفش صاحب العربية ولا منحاز ليه بس لاحظت ان في ناس في المنتدي مزاجها تفاصل في العربيات وخلاص حتي لو مش هاتشتري
معرفش ليه حاسس ان المنتدي اتملي تجاااااااااااااااااااار

**Ahmad Allawy** · 27-09-2008 12:33 AM

المشاركة الأصلية كتبت بواسطة faster

معلش يعني انا ليا استفسار الاخ اللي بيقول عالعربية غالية مع احترامي ليه هو عايز يشتريها اصلا ولا ده مجرد رأي شخصي وسواء كان عايز يشتريها او رأيه الشخصي ممكن يقوله لصاحب العربية في رسالة خاصة او يتصل بيه لانه من الاخر كدة بيبوظ الاعلان لصاحب العربية وعلي فكرة انا معرفش صاحب العربية ولا منحاز ليه بس لاحظت ان في ناس في المنتدي مزاجها تفاصل في العربيات وخلاص حتي لو مش هاتشتري
معرفش ليه حاسس ان المنتدي اتملي تجاااااااااااااااااااار

لا والله يا باشا مش القصد..
بس في سبب..
اولا.. لما الاقي حد طالب سعر خيالي في عربية سعرها ف السوق اقل من كده بكتير.. اكيد هاجب اني انصحه.. و اللي بيشتري مش عبيط.. (اسف علي الفظ) لكن اللي مهتم هيسأل و يعرف و يعرف توب العربية كام.. فدي مش هتفرق حاجة..
و السبب التاني اني بانصح اللي بيبيع انه يعيد نظر.. عشان السعر اللي هو طالبه مش منطقي.. يبقي مش هيعرف يبيع..
و هيتعب ف البيع.. لو مكانش فيه شوي مرونة..

ملحوظة.. كلامي ده مالوش ادني علاقة بالعغربية دي ولكن ده لمجرد الرد علي الكلام من اخي الفاضل فاستر..
و معني كده انش مش معترض ولا موافق علي السعر ده عشان انا ماعرفش كتير ولا قليل.. بس ده كان مجرد تعليق..

**khaledit** · 27-09-2008 11:06 AM

فى حاجة اسمها حالة العربية ( حالة العربية تستاهل ) وبعدين ديه الكاملة الهاف اوبشن سعرها فى حدود 45 - 49 حسب الحالة
(والسعر قابل للتفاوض)

**FASTER** · 28-09-2008 03:06 AM

شكرا لردك يا احمد باشا بس انا شخصيا افضل الكلام في موضوع السعر علي الخاص وده رأي شخصي

**limo** · 28-09-2008 03:16 AM

السعر انا شايفه فى الحدود المقبوله عقلا
الراجل مجاش مثلا وقال انا بابيع ب60 مثلا
الكليو عموما اسعارها الى هيه 2002-2004 فى حدود 40-50 وممكن اكثر من كده لو حاله العربيه نادره جدا يعنى الرينج ده على حسب حاله العربيه والكامله ولا الهاف لان الهاف اعلى حوالى 2000 جنيه
انا عربيتى كانت كليو 2003 كانت جايبه فى 2007 53 الف جنيه وكانت ماشيه 18 الف كم وفابريقه كلها -هاف بكاسيت وسنتر وانذار
فاراجل مقلش سعر خيالى يعنى ,هوه احتمال كبير ميعرفش بيبع بالسعر ده وده فى علم الغيب برضو بس مدخلش فى السعر الخيالى

**saifsaadmohamed** · 29-09-2008 04:27 AM

المشاركة الأصلية كتبت بواسطة FASTER

معلش يعني انا ليا استفسار الاخ اللي بيقول عالعربية غالية مع احترامي ليه هو عايز يشتريها اصلا ولا ده مجرد رأي شخصي وسواء كان عايز يشتريها او رأيه الشخصي ممكن يقوله لصاحب العربية في رسالة خاصة او يتصل بيه لانه من الاخر كدة بيبوظ الاعلان لصاحب العربية وعلي فكرة انا معرفش صاحب العربية ولا منحاز ليه بس لاحظت ان في ناس في المنتدي مزاجها تفاصل في العربيات وخلاص حتي لو مش هاتشتري
معرفش ليه حاسس ان المنتدي اتملي تجاااااااااااااااااااار

يا عم بالراحة شوية
انا الت رأى الشخصى و فى الخر التله "ربنا يوفقك"
يعنى مغلطش
و بلاش العصبية دى بس
و انا على فكرة انا بدور الان على عربية بس عايزك تراجع معلوماتك عن اسعار الكليو

**FASTER** · 29-09-2008 05:21 AM

يا عم سيف انا مقصدش حاجة وبعدين مفيش عصبية ولا حاجة احنا هنا كلنا جروب عالمنتدي بس انا بافضل ان موضوع السعر ده يكون عالخاص مش اكتر طالما الموضوع دخل في فصال