بص حضرتك انا حقولك على اللي سمعته هنا وسمعته في مواقع تانية ومواقع خليجية
الفورد فوكاس متتقارنش بالالنترا اولاً لا جودة ولا اداء ولا امان بس لازم اقولك على حاجة عشان اكون خلصت ضميري قدام ربنا
سمعت كلام كتير اوي ان في مشاكل في الفتيس بتاع الفوكاس في اللي بيقول بيعمل صوت خشن في النقلات وفي اللي بيقول بيهبد وفي اللي بيقول انه نفس مشاكل الـDSG
عموماً هي العربية اداء رهيب وثبات فوق الوصف ... انت لو كنت قارنت الفوكاس بالنيو سيراتو كنت قلتلك النيو سيراتو عشان تجهيزاتها ممتازة
ولو كان سعرها كتير على عربية كوري يمكن يكون صح بس مش كتير على كمية الاوبشنز اللي فيها وعموماً كل العربيات بقت في الرينج دا
وكمان شكلها جامد جداً وشوف بنفسك الصور دي وقول ايه رأيك ..
عموماً بص حضرتك الاستاذ تامر معانا هنا عمل للعربية تيست درايف وبيقول عليها احلا كلام شوف الرابط دا :
http://www.nilemotors.net/Nile/330479-2013.html
- بص اعمل زيه تيست درايف عشان تبقى عطيت للعربية حقها على الاقل وفي ناس كتير جداً قالت عليها انها مريحة عن الالنترا بفارق ملحوظ
وعموماً القرار ليك بس بصراحة انا لا احبذ الالنترا بعد الحاجات الجديدة دي ولحد دلوقتي مفيش اي مشاكل ظهرت للنيو سيراتو وفي ناس هنا جابت العربية ومعاها من فترة
ربنا يوفقك إن شاء الله بس بردو حاول تعمل تيست درايف العربية تستاهل وكله بقى في الغلا بس عموماً كمية الاوبشنز حتعجبك جداً ... في امان الله ورعايته
المفضلات