أكتر مكان محترم ومضمون
الواحد ممكن يشتري منه الصني الشكل القديم
أكتر مكان محترم ومضمون
الواحد ممكن يشتري منه الصني الشكل القديم
عندك السبع ودة وكيل و عندك سمير ريان و عندك معرض جديد فى شارع الطيران قصاد التامين الصحى بس مش متذكر حاليا اسمة وهى عموما ب 110 اتوماتيك
أنا إشتريت من سمير ريان - وهمه ناس محترمين جدا وتعاملاتهم ممتازة - وربنا يوفقك
السبع الصراحه ممتازيين انا اشتريت منهم
وبيعملوا عروض على العربيه وهدايا
اشترى من اى معرض ليه اسم من فترة كبيرة فى السوق ومفيش شكاوى منه
طبعا يجى فى المرتبة الاولى الموزعين المعتمدين زى اوتو ايجيبت والسبع و الاتحاد الوطنى ومودرن موتورز
لكن فى مشكلة بالنسبة للسبع عرفتها وانا بسئل عندهم على الصنى الشكل القديم تقسيط وهو ان السعر الرسمى للصنى الشكل القديم 100 الف وهو بيبعها زى بقية المعارض ب 110 الف وبسبب انه موزع معتمد بيطلعلك الفاتورة ب 100 الف جنيه وبياخد ال 10 الف الفرق كده وبالتالى لو ناو تقسط وانت شارى من السبع فعرض السعر اللى هيطلعهولك للبنك بيكون ب 100 الف فقط وهو بياخد منك ال 10 الاف من غير ما يذكرهم فى عرض سعر او فاتورة والكلام ده بسبب انه موزع معتمد وبالتالى ملزم يطلع فواتير وعروض سعر بالسعر الرسمى
فى معارض بقى عادية معروفة ومحترمة زى سمير ريان و الليثى و فور برزر بنسمع عنهم من زمان جرب تسئل فيهم
والمهم الاستخارة قبل اى شىء تانى وربنا يوفقك لما يحب ويرضى
اى مكان غير احمد مرعى
انا جبت عربيه تانية خااااااالص بسببهم
الصني الشكل القديم لسه موجوده لحد دلوقتي ولا بطلت تنزل
ولو موجوده عامله كام وفين
متابع
ياباشا مبروك مقدما
أي مكان هيعاملك معاملة محترمة جدا جدا علشان انتى هتدفع فلوس، المهم مش المعاملة المهم العربية! لو المعارض مفيهاش فرق في السعر عن الوكيل يبقى تشتري من وكيل طبعا :) وأنضفهم الصراحة أوتو ايجيبت...
أهم حاجة تقرأ كويس كيفية استلام السيارة ومعاينتها قبل الاستلام هنا في المنتدى وتتوكل على الله وتشتري من الي ارتاحتله! أتمنى اني أكون جاوبتك على الي انت عاوزه :)
المقدم كام والفايده كام
والقسط كام
ومتابع معكم
اوتو ايجيبت كمعرض بيع احسن معامله و مواعيد ثقة و بدون اوفر برايس
لكن ابعد عنهم تماما في الصيانه لانهم بيشربوا العميل شاي بالياسمين و يقعد قاعدة حلوة و يضحكوا عليه في الصيانه و الشغل الجد
الوكلاء بيقولوا انهم مش شغالين في الشكل القديم
والمعارض بيبيعوا 118000 والسعر المعتمد داخل التوكيل هوه 104000 ايه الحل يا أهل الخبرة علشان نشتريها بالسعر المعتمد
متابع
يا ريت حد من اللي عندة العربية الشكل القديم يعملنا تقرير مصور عن العربية ولوحد من الناس اللي شارياها من فترة قريبة يقولنا اشتراها منين وبكام
انا سألت عليها في نيسان برقان بني سويف قالولي ب 116000