الأخلاق في المؤسسات التعليمية

**Morentos** · 20-12-2013 02:25 AM

السلام عليكم ورحمة الله وبركاته

الطلبة .. حاليا مفيش أخلاق .. تشوف طالب ثانوية أو طالب بالمرحلة الأعدادية .. واقف فى المدرسة بيشرب سجاير .. تصرفات غير لأئقة داخل المدارس .. يشربة جميع أنواع المخدارات فى سن خطر فى استخدام الحاجات دي . وعدم الأهتمام بالدراسة كل هدفة يخرج مع بنات .. يلبس لبس متعرفش تفرق بينة وى بين البنت
لأسف أصبحت المسألة عادية جدا في مدارسنا و ثانوياتنا و هو مؤشر
خطير يدل على إحتضار الأخلاق، و إنسلاخنا عن الشرع الرباني
لية وصلنا للمرحلة دي
فما هو مصدر هذا المشكلة
ادارة المؤسسات - التلاميذ - أولياء الأمور

2-هل يمكن معالجة هدا الخلل أم فات الأوان؟

3-وان أمكن ذلك ما هي سبل هده المعالجة؟

**saddam** · 20-12-2013 02:37 AM

صديقي المواطن
طبعا كل الناس حتقللك آه وفيه حلول ولسه الخير موجود ولكن أحب أبشرك من مشاهداتي في الشارع ﻷماكن كتير شعبية وراقية فدي كلها أمراض الفقر وكثرة الخلفة والعيش بشوارع ضيقة واﻹطلاع على حرمات اﻵخرين وعدم وجود القدوة الصالحة التي يقتدي بها الناس وتحول بوصلة المثل اﻷعلى من صاحب الخلق اﻷمين والمحترم إلى كل من يملك سيارة حديثة جلبها بالمال الحرام وتجارة المخدرات ويتزوج من أحسن بنات المجتمع فما إنتظارك من مجتمع إستهلاكي لا ينتج شيئا ولا تقدير لمخترع أو عالم فيه ومثله اﻷعلى لاعب كرة قدم ومطرب تفهلي

صديقي المواطن
قولا واحدا متتعبش نفسك
إحنه إنتهينه خلاص

خد مراتك وعيالك و إنجي بنفسك وعيلتك وروح أي بلد تاني وأخرج من هذه البلدة الظالم أهلها
وكبر ولادك يدعولك بدل ما تكبرهم يدعو عليك إنك مخدهمتش ونجيت بيهم من مكان السوء

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**rotanamasoud** · 20-12-2013 01:04 PM

الاخلاق خلصت يا باشا من السوق

**Rsarabia** · 20-12-2013 01:44 PM

للأسف البلد من سيئ الى اسوأ و الناس مش هتتغير

**طارق _عبد السلام** · 20-12-2013 02:45 PM

المنظومه التعليميه سقطت من فتره كبيره
المدرسين اتجهوا بكل قواهم وقدراتهم للدروس الخصوصيه فاصبحوا اصدقاء للطلبه ففقد المدرس هيبته فى المدرسه
الطلبه موجود منهم المحترم ومنهم التافهه والمقلد تقليد اعمى ومنهم البلطجى وللاسف اصبح الشاذ من القاعده دى هو الطالب المحترم ويتعرض لمضايقات كثيره من المنحرفين لاجباره على الانحراف مثلهم للاسف اغلب من تعلموا شرب السجاير والمخدرات من زملاء الدراسه
اصبح قلقنا على ابنائنا فى المدارس كبير للاسف المنظومه كلها فاسده الا من رحم ربى

**Morentos** · 20-12-2013 03:14 PM

بس اكيد فى حل .. حتى مستوي البنات الأخلاقي مفيش أخلاقيات خالص .

**S O P H O S** · 21-12-2013 09:47 PM

للاسف اهم شئ هما الطلبة
لان الموضوع علي شكل هرمي
من البداية لحد الكبر ومدام مفيش بداية سليمة يبقي مننتظرش شئ قدام

**amr011111** · 22-12-2013 12:41 AM

لو بصينا لموضوع الاخلاق اللى انحدر هنلاقى ان الموضوع ده تم من بدايه افلام الروشنه وهوه مصطلح ربنا ياخد اللى اخترعه

اول فيلم اتعمل اسماعيلية رايح جاى (اللى هى افلام الشباب ) ومن بعدها فيلم اللمبى واللى اصلا لو واحد زى المتخلف ده دخل بيت اى اسره محدش هيقبل بيه بس للاسف الشباب الا من رحم ربى خدته مثل

انما لو بصيت لفترة ما قبل 95 هتلاقى ان كان فيه بس قناتين تليفزيون والحياة ابسط من الان بكتير

اللى فوق ديه من ضمن الاسباب

وبالنسبه للاسباب الحاليه هى انشغال الاب والام عن الابناء

وانتشار ثقافه الزفت التوكتوك

البلد عاوزه دكر يطبق القانون على الكل