الموضوع: سؤال هام جدا بخصوص فتيس الاسكودا ارجو الاهتمام

انا معايا اسكودا فيفوريت موديل 1994 ورحت عند ميكانيكي اسمة رمضان في بين السرايات كنت سمعت عنه هنا في المتدى من الاستاذ وائل وقال انه كويس وكان شغال في التوكيل علشان خاطر يكشف على زيت الفتيس ويشوفلي استهلاك البنزين لان العربية كانت بعد مشوار على الزفتاوي ( مشوار عديم الجدوى ) بتعمل 160 كم في الصفيحة .
اولا : بالنسبة لاستهلاك البنزين هو فك النص العلوي من الكاربراتير وبص على البيكات وقالي انها واسعة واشترى بيكات جديدة ضيقة وركبها وقفل الكاربراتير تاني .
ثانيا : زود زيت الفتيس وقالي انه حط زيت فالفالين 90 خفيف ( ومش عارف دة مناسب للعربية ولا لأ لان فيه ميكانيكي تاني قالي حط زيت فتيس 80 - 6x وبعدين قلتله بص على العربية من تحت لان طالما الزيت ناقص يبقى اكيد فيه تسريب ، قام رفع العربية وقالي اه فيه تسريب في اولسية عصاية الفتيس واولسية الكوبلن اليمين ، ماكدبتش خبر رحت اشتريتهمله من ابو الحسن وقلتله غيرهم ، وفعلا الراجل فك الكوبلن الشمال وغير الاولسية بتاعة ( وركزوا معايا من اول هنا ) وبعدين فك من ناحية الفتيس الدراع اللى بيوصل بين عصاية الفتيس اللى جوة الصالون والفتيس من عند الموتور وغير الاولسية وقفل تاني .
ولما مشيت حسيت ان الغيارات ما بقتش ناعمة زي الاول - قبل ما يفك كانت الغيارات سهلة ومسارها ناعم ودلوقتي الـ 6 غيارات بييجوا بس حاسس بغلاسة فيهم شوية والعربية ماشية غير اني لما ببقى مهدي خالص وبعدين اجي اطلع بالعربية الاول ما بيجيش بسهول لازم تاني وبيكون اقل من سرعة العربية بس انا بسايسها وخلاص .
وانا كنت سمعت في المنتدى عن حاجة اسمها المعلقة وتظبيطها بيفرق في الغيارات فهل انا عندي المعلقة دي في الفيفورت ( وعلى حد علمي الفيفوريت والفليشيا القديم واحد ) واعمل اية علشان الغيارات ترجع ناعمة زي ما كانت وهل في حد معين تنصحوا بيه للتظبيط دة ولا اروح للي فكها تاني وممكن مايكونش قد دة ؟؟؟
افيدوني ارجوكم قبل اجازة العيد علشان الحق اتصرف

معلش مش من الساهل ان تلاقى ميكانيكى كويس
ب بعد فتره هتلاقى وهيبقى معاك على طول