السوبر صالون 2008 ...السرعة الغريبه جدا

**Abdelrahman** · 21-09-2008 11:09 AM

السلام عليكم يا أحلى منتدى
لاحظت حاجه غريبه في عربيتي ومش عارف ده طبيعي ولا لأ ....حاولت امشي بيها على اقصى سرعه (قدر الامكان) على طريق المطار كان آخر حاجه عرفت اوصلها هي 120 كم / ساعه ؟؟؟ وكان Rpm وصل 4 وصوت الموتور بدأ يعلى (عربيتي نيسان صني سوبر صالون اوتوماتيك 2008) عامله 1400 كم لغاية دلوقتي
يا ترى يا جماعه ده طبيعي؟
ياريت من أهل العلم والخبره يفيدونا في الموضوع ده

لغاية دلوقتي الصراحه ولله الحمد من قبل ومن بعد انا سعيد باختياري للعربيه دي
وربنا يبارك لي ولكم فيما رزقنا
ويحفظنا جميعا من كل سوء

**ahmedfd** · 21-09-2008 12:04 PM

ممكن جداً تكون فاصل زرار الأوفر درايف يعني أكنك في المانيوال مكتف العربية في النقلة الرابعة و مانعها تجيب الخامس.
إن شاء الله يكون ده السبب يعني حاجة بسيطة بس تشف لأوفر درايف و أعتثد في الصني هوا زرار في جنب عصاية الفتيس و برضه إستنى خبراء الصني يجاوبوا عليك.

**memoz** · 21-09-2008 12:15 PM

هو زرار جنب الفتيس و لما ينور يبقي مقفول
هتلاقيه في العدادات أخر لمبه في الحته بتاعت الفتيس و غالبا هو ده السبب لاني اتزاولت في الحوار ده أول لما جبتها برضوا أصلوهم كاتبينها O/V offفا لما بتنور بتحس انوا كده شغال بس الحقيقه هو كده off

**Abdelrahman** · 21-09-2008 01:36 PM

شكرا جزيلا
يعني انا المفروض ادوس عليه ؟؟بمعنى انوا يظهر عندي في الطابلوه منور
O / D off

على فكره انا عامل العكس
بمعنى انوا مش منور عندي في الطابلوه

كده صح ولا غلط

**sNIPER_007** · 21-09-2008 02:09 PM

ادام مش منور يبقي كده تمام
يبقي العيب مش منه

بس ان شاء الله الخبراء يفيدوك

**sab3aawy** · 22-09-2008 10:38 AM

بما انك مكنتش قافل الأوفردرايف(يعنى انت كنت مخلى اللمبة مطفية ، وهو الشئ الصحيح) يبقى اكيد انت كنت قارص على البنزين زيادة عن اللازم ، ونظرا لأان دى اوتوماتيك فطبيعى ان الموتور يفرق عن سرعة العربية لأن الوصلة بين الموتور وآلات الجر وصلة هيدروليكية(ما يسمى محول العزم اوالtorque converter)بعكس الوصلة الصلبة فى العربيات المانيوال(الدبرياج) وبالتالى طبيعى ان ال RPM يعلى لكن لو انت ماشى على 120 ثابتة هتلاقى ال RPM مش اكتر من 3

هو انت ارتكبت غلطة بسيطة، انت عايز تقفل العداد فى طريق المطار الذى لا يزيد طوله عن كيلومترين بعربية لسة خارجة من التليين، مستحيل طبعا، ومش هينوبك من كبسك للبنزين لحد الأرض غير ان الموتور هيجعر وخلاص، العربية مش بتجيب آخرها من اول دوسة بعد التليين، لسة الموتور مكلبش، انت تاخدها وتطلع طريق العين السخنة رايح جاى وتزودلها واحدة واحدة ، يعنى وصلت ل110 اديها تانى، وصلت 120 امشى كدة شوية وبعدي اديها تانى وهكذا، غالبا هتقدر توصل الى 170 وانت رايح، ومش اكتر من 150 وانت راجع لأن غالبال الهوا بيكون فى وشك وانت راجع من السخنة،

لكن طريق المطار بعربية اوتوماتيك لسة بتلين..........كويس انها جابت معاك 120