السلام عليكم ياشباب
زي ماهو باين من العنوان. كنت امبارح رايح الزقازيق اتصدمت من زحمة مدخل الزقازيق اييييييييييه اللي بيحصل ده.
حد شاف المسخرة ده امبارح
عرض للطباعة
السلام عليكم ياشباب
زي ماهو باين من العنوان. كنت امبارح رايح الزقازيق اتصدمت من زحمة مدخل الزقازيق اييييييييييه اللي بيحصل ده.
حد شاف المسخرة ده امبارح
مدخل الزقازيق من اي ناحية امال لو شفت المسخرة والتتكسير عند ابو حماد
اكيد مدخل الزقازيق من ناحية مزلقان الجامعه
المشكة فى المدخل دة كذا حاجة
اولا/ ان المزلقان بايظ جدا بقالة سنين ومحدش بيصلح حاجة ومن قبل الثورة
ثانيا/ التقاطع الى عند مزلقان الجامعه كلة مكسر كسر جامد فالعربيات بتهدى فالزحمة بتكتر
ثالثا/ وجود التقاطع نفسة بدون اشارات مرور واحيانا بدون عساكر مرور
رابعا/ اعادة رصف الطريق باتجاة طريق منيا القمح وتشغيل حارة واحدة من اصل حارتين
خامسا/ طريق جامعه الزقازيق بعد المزلقان رغم تطويرة وتوسيعه بردة حالته تعبانه ومش مكفى والمزلقانات فية كتيرة
من الاخر مزلقان طريق جامعه الزقازيق محتاج كوبرى علشان ينهى الزحمة نهائيا فى المكان دة
والكلام دة معروف من زمان بس للاسف مسئةلين الطرق والكبارى ومسئولين الرصف فى المحافظة هما ماشينن بنظام المسكنات وياريتهم بيعملوا المسكنات بسرعه دول شغالين بنظلم سرعه السلحفاه
فهل لكم ان تتخيلوا انهم بيوسعوا طريق جامه الزقازيق وبيعيدوا رصفة واصلاح الكزلقان على ها الطريق بقالهم حوالى حمس سنين تقريبا
مدخل الزقازيق من ناحيه مدخل القاهره من طريق بلبيس و العاشر ﻻ تطاق خاصه مع خروج الموظفين من مصانع العاشر حاجه ﻻ تطاق
لا انا كنت جاي من بنها المدخل قبل المزلقان كمان. كان نفسي اعيش لحد مااوصل للمزلقان. كانت معجننننننة بمعني الكلمة كل الاتجاهات داخلة في بعض وعربيات نقل تقيل بتبلطج وبتكسر وتزق العربيات الصغيرة واللي خايف علي عريبته يرجع ورا. وعسكري مرور واحد لااااااايص ومش عارف يعمل حاجة لدرجة ان فيه شباب كانو بيساعدوه ويقفو ادام العربيات عشان يفتحو سكة لاتجاه معين والناس مفيش تعاون خالص يجري عشان يتحرك نص متر عشان يقف في دهر العربية اللي ادامه وفي نفس اللحظة قفل سكة كانت ممكن تحرك اتجاه لا هو عدي ولا ساب حد يعدي.
منظر يحزن بجد.