برجاء المساعدة من اصحاب الاوكتافيا الكرام

صباح الخير عليكم يا شباب الاوكتافيا الاعزاء امبارح وانا راجع بالعربية وبركن العربية(اوكتافيا a4 موديل 99 ) وبقفل المرايا الشمال طلعت من مكانها خالص بس الاسلاك زي ما هي مش عارف دي بتتصلح وبتتركب تاني ولا كده بخ الله يرحمها فلو بتتصلح وفي امل بتتصلح فين مع العلم انا من سكان مصر الجديدة ولو عليه العوض فيها اجبها منين وبكام واجيبها استيراد ولا جديد وبكام تقريباً مع العلم ان لون العربية ازرق زهري فهل حلاقي اللون ولا حتترش وارشها فين وبكام معلش انا بتقل عليكم في الاسئلة بس انتو بصراحة طول عمركم في ضهري باي سؤال بساله وبانتهز الفرصة دي واقولكم كل سنة وانتو طيبيين وان شاء الله السنة الجديدة تكون سنة سعيد عليكم جميعا يا اوكتافاويييا:S_thum1[1]:

باشا بص انا من اسكندرية فمش هقدر افيدك في الاماكن فين عندكم بس احب اطمن انها تتصلح عادي و بيتعملها زي جلب تقوية كده و بتتكلف حوالي من 100 الي 120 جنيه تقريبا و بتاخد بتاع ساعة شغل و بترجع احسن من الاول و ماسكة نفسها جامد جدا

نصيحه متحاولش تصلحها... انا صلحتها مرتين في مكانين مختلفين منهم واحد من اكبر بتوع المرايات في الحرفين ... والنتيجه بعد فتره بتسيب تاني من بعضها وبتبقه خفيفه والهواء بيقفلها علي الطريق الصحراوي
وتكلفه الاصلاح مرتين مره ب ١٢٠ ومره ب ١٠٠ علي ما اتذكر
وهي استيراد سعرها بين ٣٠٠ الي ٣٥٠ تقريبا

هات واحده استيراد افضل او لو رست على كورى مفيش مشكله لانها لو اتصلحت هتكون مشوهه وهتضايقك كتير

السادة الكرام اشكركم شكرا جزيل لاهتمامكم والرد علي في اسرع وقت انا نزلت النهاردة وكنت محتار اصلح ولا اشتري وقولت اسيبها علي الله وربنا اراد اني اشتري واحدة جديدة لان الميكانيكي اللي بصلح عنده كلم واحد ملاقاش مراية شمال استيراد فاجاب واحدة جديدة تيواني ب250 جنية الخامه مش بطاله وفيها الخط بتاع المرايه ولونها اسود والتركيب خد 15 دقيقة تقريباً والراجل خد فك وتركيب 30جنية طبعا انا معرفش اضحك عليا في الاسعار ولا لا بس مشكلتي اني ما بعرفش افاصل وبدفع علي طول وبريح دماغي واخلص وبكرر شكري مرة اخري لاعظم اوكتافاويه اللي بلاقيهم وقت الزنقة :S_thum1[1]:

الف الف مبروك ربنا يبارك لك فيها ويديك خيرها ويكفيك شرها

السعر كويس انا كنت شاريها من سنتين تقريبا بحوالي ٢٠٠ فمع فرق الاسعار تبقي كويسه