بعد أكثر من عامين , لماذا كانت الالنترا ؟ و ماهي طموحاتي للمستقبل ؟

**mummy_47** · 22-12-2013 02:33 PM

المشاركة الأصلية كتبت بواسطة samir elshahawy

صديقي العزيز ..
واحشني و الله و نفسي أشوفك
بالنسبة لموضوع الالماني ده , أنسي

الالماني بالنسبة لي يعني بي أم أو مرسيدس و ده مش ممكن أبدا هنا في مصر لأني مش هأجيب عربية و عربية تانية للحكومة و كمان أدفع ضرائب قد كده و مافيش خدمات طرق و أكون عرضة أن واحد مالوش لازمة ييجي بمسمار يجرحي لي العربية

ياعزيزي ..
الالنترا اللي ماتسواش حاجة بازعل عليها لما تتجرح أو تتخدش و هيا واقفة فما بالك بعربية زي البي أم أو المرسيدس أكيد ممكن أموت فيها

البلد دي مايتركبش فيها عربيات و لكن ممكن نركب فيها توك توك أو حاجة تانية بتبدأ بحرف السين بس هأقولك عليها لما أشوفك في المقابلة الجاية

الب ام والمرسيدس مبتتجرحش او تتخربش هل شفت مرسيدس او بي ام مجرحة ...عربيات الغلابة بس هي اللي بتتجرح...يا عم ده انا نزلت لقيت تكتك عاصر باب العربية الشمال قدام والعربية لسيه معلقتش نمر

**Samir Elshahawy** · 22-12-2013 03:28 PM

المشاركة الأصلية كتبت بواسطة mummy_47

الب ام والمرسيدس مبتتجرحش او تتخربش هل شفت مرسيدس او بي ام مجرحة ...عربيات الغلابة بس هي اللي بتتجرح...يا عم ده انا نزلت لقيت تكتك عاصر باب العربية الشمال قدام والعربية لسيه معلقتش نمر

**AshTurbo** · 22-12-2013 04:46 PM

أيه الحاجة اللي بتتركب أولها سين دي ؟

لماذا كانت الألنترا ... كنت عاوز عربية عائلية بمظهر رياضي يتوفر فيها الوسع والفخامة والأوبشن وتكون سريعة الألنترا هي الوحيدة اللي عملت المعادلة دي وقتها .

طموحات المستقبل .. لو مفيش جمارك في مصر كنت بلا شك فكرت في الفئات الأعلى من هيونداي زي الأزيرا والجينسيس بس في مصر الوضع مختلف ولو حسبناها بالواقع انا عاوز حاجة دفع رباعي زي الرانجلر اللي داخلة دماغي أوي أو بيجو508 أو باسات سي سي .

**ferrari1500** · 22-12-2013 08:50 PM

تقرير أكثر من رائع يا باشمهندس و ربنا دايما يطمنا عليك
بالنسبة بقى للالنترا فهى ممتازة من كل حاجة لكن مشكلتى الوحيدة معاها إنى متعودتش على عفشتها الناشفة دى خالص
وده سبب إنى مقدرش أكمل بيها وفعلا إختيارى الثانى بمصر سبورتاج فل او ix35 فل لان معايا دلوقتى هنا السبورتاج ٢٤٠٠ سي سي دفع رباعى وبعد استعمال شهرين عربية تحفة بس اللى مخوفنى فرق الموتور عن مصر وهل اللى بمصر نفس الاداء ولا لأ ؟

**amgomaa** · 22-12-2013 11:20 PM

تقرير مميز احييك عليه يا بشمهندس
نفسي اعرف ايه وسيلة المواصلات اللى اولها س قاعد اجيبها كده اجيبها كده ملقتش غير سفينه انت هتسافر و تسيبنا يا باشا ولا ايه

**amgomaa** · 22-12-2013 11:20 PM

تقرير مميز احييك عليه يا بشمهندس
نفسي اعرف ايه وسيلة المواصلات اللى اولها س قاعد اجيبها كده اجيبها كده ملقتش غير سفينه انت هتسافر و تسيبنا يا باشا ولا ايه

**Samir Elshahawy** · 23-12-2013 12:29 PM

المشاركة الأصلية كتبت بواسطة ferrari1500

تقرير أكثر من رائع يا باشمهندس و ربنا دايما يطمنا عليك
بالنسبة بقى للالنترا فهى ممتازة من كل حاجة لكن مشكلتى الوحيدة معاها إنى متعودتش على عفشتها الناشفة دى خالص
وده سبب إنى مقدرش أكمل بيها وفعلا إختيارى الثانى بمصر سبورتاج فل او ix35 فل لان معايا دلوقتى هنا السبورتاج ٢٤٠٠ سي سي دفع رباعى وبعد استعمال شهرين عربية تحفة بس اللى مخوفنى فرق الموتور عن مصر وهل اللى بمصر نفس الاداء ولا لأ ؟

دكتور يحي ..

كل سنة و أنت طيب و في أنتظار مشاركاتك دائما و زيارتك لنا في القاهرة أن شاء الله
أولا أنا عايز أشكرك جدا علي المساحات فعلا نفعت في الفترة اللي فاتت و كنت مسافر يومها و طول الطريق كنت بأدعي لك

بالنسبة للسبورتاج 2400 سي سي طبعا مختلفة عن اللي هنا اللي بتنزل بموتور 1600 جي دي أي (موتور الالنترا) و طبعا الفرق ظاهر جدا لما أكون باشد مع سبورتاج أو في السرعات العالية , لكن في رأيي مش مهم الموضوع ده لأننا بنقعد نتكلم عن السرعة و التسارع و قوة المحركات و في الاخر بتلاقي الناس ماشية علي الشمال بسرعة 60 كم/س أو لما يطلعوا من أشارة أو عند التخطي ممكن التوكتوك يطلع منهم

سيبك من موضوع السرعة و التسارع هنا في مصر لأن لا الطرق بتساعد و لا الناس بتعرف تسوق و هايعطلوك , هات العربية اللي نفسك فيها و اللي يريحك شكلها الداخلي أولا و صالونها و تشعر بالراحة و أنت داخلها

الاسبورتاج 2400 سي سي هاتكون ممتازة طبعا و لكن لو هاتقدر علي جماركها و ضرائبها هاتها معاك لكن لو هاتكون عالية هات الاسبورتاج أو الاي أكس 35 1600 سي سي اللي بتنزل هنا

الموضوع: بعد أكثر من عامين , لماذا كانت الالنترا ؟ و ماهي طموحاتي للمستقبل ؟

LinkBack

أدوات الموضوع

عرض

المواضيع المتشابهه

ماهي كانت ناقصة ! .... اللابتوب باظ

ماهي مواصفات الالنترا اوتوماتيك هاف اوبشن

خطط تويوتا و لكزس للمستقبل

هل لو البروتون صينى كانت إنتشرت أكثر فى مصر ؟

الكلمات الدلالية لهذا الموضوع

المفضلات

المفضلات

ضوابط المشاركة