السلام عليكم
انا معايا عربية اتوس موديل 2011
المهم البطارية ال فى العربية سايلة ومزودتهاش بقالى 4 سنين
على اساس انها بطارية جافة لحد ما العربية بقت مش عاوزة تدور خالص
دى تعتبر مشكلة كبيرة ولا اية بالظبط؟
عرض للطباعة
السلام عليكم
انا معايا عربية اتوس موديل 2011
المهم البطارية ال فى العربية سايلة ومزودتهاش بقالى 4 سنين
على اساس انها بطارية جافة لحد ما العربية بقت مش عاوزة تدور خالص
دى تعتبر مشكلة كبيرة ولا اية بالظبط؟
و عليكم السلام و رحمة الله و بركاته
و لا مشكله و لا حاجه
توكل علي الله و غير البطاريه هي كده جابت أخرها و بالمره تغيرها بجافة بلاش سايله بتبهدل الدنيا بخر و لها صيانة و أداءها بيضعف في الشتا
هو غالبا البطاريه باظت و طبعا يفضل تجيب بطاريه جديده و جافه و نوع نضيف من مركز معتمد عشان الغش
غير البطارية وخلاص
غير البطاريه
طب هى البطارية لو اخدت زقة بتمشى كويس ممكن تكون البطارية عاوزها يتزودلها ماية ولا هى كدة خلاص باظت؟؟؟
مبروك عليك البطارية الجديدة بس هاتها جافة علشان تريح نفسك.
ازاي اربع سنين مزدتش مياه ليه عمر البطارية كام سنه ولا انته ركنها كنت اصلا
بس انا مستغرب اربع سنين من غير مياه توكل علي وهات جافة
بتروح لبتاع بطاريات
بيكون معاه زى حقنه ضخمه
هى معيار للحموضة فى العربيه
وبيقيس بيها البطاريه
وبعدها بيقيم البطارية
هل فى فايده من اصلاحها ( بزيادة مياه او حمض )
او بينصح بتغييرها
بس صراحة هى عملت معاك الواجب وكتر خيرها
لو رسيت على تغيير
غيرها بجافة
وممكن تفكر فى ال فارتا الالمانى لو الميزانيه تسمح ( 550/600 بالقديمه )
او
اسيدلكو سعودى ( فى حدود ال350 بالقديمة )
4 سنين و مغيرتش بطارية العربية ... ما شاء الله عليها !!
يا راجل ده انجاز بمعنى الكلمة وتخش موسوعة جينس ريكوردز ........
اتكل على الله و هاتلك بطارية جافة احسن من دلوقتي وماتعتمدتش على البطارية القديمة عشان هي كده جابت
أخرها خلاص .
البطاريات الفابريكا اللى بتبقى جاية مع العربيات من بلدها ممكن تقعد كدة فعلا لو تخزينها ونقلها مضبوط
عندي في السوزوكي كانت جاية بالبطارية بتاعتها السائلة ولم أحتج لعمل إي صيانة أو تزويد أي مياه فيها نهائيا لغاية ما جابت آخرها يمكن بعد أكتر من أربع سنوات كمان
وبعد كدة ابتدت بقى المياه تنقص بشكل ملحوظ بس بعد نزويد المياه حتى ما رجعتش زي الأول وبرضه غيرتها وهي فيها رمق ما قطعتش مرة واحدة زي البطاريات اللى بتتباع في المحروسة