الموضوع: تجربتي مع صلاح غريب استعدال جنوط

المشاركة الأصلية كتبت بواسطة wael2sh

طب في واحد في الملك الصالح بس مش عارف اسمه بفكر اروح عنده علشان الحرفين بعيدا عليَّ ,,,,حد جرب الراجل ده قبل كده ...فوق النفق

و انت جاي من الهرم هتنزل النفق عشان تروح ناحية صلاح سالم هتلاقي اتنين واحد علي اليمين حرامي و شغال بالتسخين لكن أستاذ لو هتروحله هيحاول يخليك تفك الاربع جنوط طبعا ما تسمعش الكلام و فك اللي شاكك فيه بس. التاني علي الشمال ما جربتوش لكن الناس بتشكر فيه.

رحت لورشة صلاح غريب من حوالى 4 شهور, كان شغال فى عربية قبلى و استنيته نص ساعة على ما خلصها.
قالى تكلفة استعدال الجنط الواحد بتبدأ من 70 جنيه و ممكن تزيد شوية لو فى شرخ ولا حاجة جامدة.
الجنوط اللى معايا 16 تيوانى , فك اول جنط و حطه على المخرطة و بدأ يعلم على الأماكن اللى مش مظبوطة فى الشفة و يدق عليها و كدة.
استغربت ان الشغل يدوى مش بجهاز بس قلت مش مشكلة الصنايعى شكله فاهم و خبرة, و قالى اخلص اى مشوار فى الحرفيين و ارجعله بعد ساعة و نص.
رجعت بعد ساعتين كان شغال فى اخر جنط و لاقيته بيصنفر مكان لحام فى الشفة الداخلية, قالى ان كان فيه عوجة جامدة و لما عدلها الجنط اتشرخ بطول سنتى تقريبا.
وقت الاستعدال كله قفل 3 ساعات, استلمت العربية و كان الحساب 300 جنيه (4x70 + 20) و طلب ارصص الجنوط فى اقرب وقت.
طلعت على الدائرى و لاقيت رجة جامدة بعد ال80, كلمته قالى احكم على الشغل بعد الترصيص.
تانى يوم رصصت عند fit & fix و الارقام ماكنتش قليلة, أول جنط طلع 70 و 25 !!
الجنوط اللى بعده طلعوا ارقام اقل شوية الحمد لله 25 و 10 ..... 45 و 25 ...... 30 و 25
و بعدين جبت 170 بالعربية كانت زى الفل مفيش اى رجة

فى رأيى شغلهم كويس, بس لأنى مجربتش غيرهم اعتقد و الله اعلم ان فى شغل أدق و ارخص من كدة.

المشكلة الايام دى و انا ماشى 160-190 بقى فى رجة بسيطة بالمقارنة بقبل كدة, رغم انى كنت بتفادى الحفر الفترة اللى فاتت بعد ما دفعت 300 جنيه !
أعمل ايه؟؟ مش هينفع استعدل جنوط كل 6 شهور يعنى !!

كريم باشا معايا ياريس 2007 وكنت عايز اعدل جنطها عاديين مش اسبور كنت عايز اعرف بيعدلهم دق ولا بمكنه ولو تعرف حد بيبعهم بحاله جيده منين وبكام ولك جذيل الشكر

على فكرة بتوع استعدال الجنوط بقوا يستهبلوا جدا, بيستعدلو الجنط الحديد العادى ب70 جنيه و الاسبور الالمنيوم ب100 !!! يعنى لو عندك رفة فى ال4 جنوط هتدفع 400-500 جنيه, مش عارف هيعمل عملية جراحية ولا ايه !!
كلامى على صلاح غريب اللى فى الحرفيين او الورشة اللى فى الملك الصالح لأنى لسة معدى عليهم الاتنين

انا روحت انهاردة للي في الملك الصالح فوق النفق على الشمال وانت جاي من الجيزة قبل شريط المترو وعدلت جنطين واحد كان فيه 3 تنيات في الحافة وواحد كان فيه تنية واحدة وخد 140 جنيه و10 جنيه لبتاع الكاوتشات جنبه عشان فك وتركيب ونفخ الكاوتش