كل سنة وانت طيب يا أستاذ سبعاوي
الحمد لله لسة مظهرتش عندنا مشاكل من النوع دا :banana:
بس اعتقد انها هاتظهر قريب
عرض للطباعة
كل سنة وانت طيب يا أستاذ سبعاوي
الحمد لله لسة مظهرتش عندنا مشاكل من النوع دا :banana:
بس اعتقد انها هاتظهر قريب
احلى حاجة اني خرجت من الشغل الساعة 9 صباحا (في اكتوبر)
ودخلت بيتي اللي في مدينة نصر الساعة 11 ونصف صباحا
مع العلم ان كان معايا العربية
:011:
رامي ( ابو احمد و يوسف)
بروح كل يوم من الشغل فى نصف ساعه انهارده ساعه حرام
شوارع النزهة والسيرك القومي
بطلع العربية فوق الرصيف والمكان مايعديش تروسيكل وداخل فيه ميني باص 26 مصمم يدخل
ياعم بالعقل كدة هاتشيل العربيت دي وهاتضيع الجنب كلة
مش مهمهادخل عشان انزل العيل
وكل شوية انزل شيل عربيتك ده اتوبس هايشيلهالك
بقضيها في الشارع اكتر ما بشتغل
وانزل كل يوم الاقي لوح سريالية ومطبات صناعية في جسم العربية
طيب يا جماعة حد فيكم يرضي ان ابنه 4 أو 6 سنين
ينزل علي اول الشارع ويعدي الشارع و يوصل هوا للبيت بنفسه ؟؟
مش معقول تخافوا علي عربياتكو و متخافوش علي الاطفال
اكيد مفيش علاقة بين الموضوعين ، المنطق بيقول ان اتوبيس المدرسة فيه مشرفة هى مسئولة تنزل بالطفل من الأتوبيس وتعديه الشارع وتدخله البيت، بيقى المشرفة تهز ارطال الشحم اللى كابسة على انفاسها وتمشى بالطفل فى المسافة اللى مينفعش الأتوبيس يدخلها ، اومال احنا بندفع دشليون جنيه فى المدعوق البااااااااااااااص ليه، دا الباص ده ميزانية لوحده، لكن علشان المشرفة على رجليها نقش الحنه يبقى الأتوبيس يدخل شارع مينفعش يدخله اصلا و ملعون ابو عربيات الناس اللى فى الشارع كله علشان خاطر المحروس ينزل قدام البيت، ونضيف على ميزانية الباص ميزانية تانية لسمكرة ورش الأبواب والرفارف فى نهاية موسم الدراسة،وبرضه ابقى قابلنى لو المحروس اتعلم حاجة
كنت هاقول نفس اللي قالة خالد
كل باص بيبقى ليه مشرفة ان ماكنش اتنين مسئولين مسئولية كاملة عن توصيل الاطفال
مفيهاش حاجة لما تنزل تعدى الشار ولا تهز جسمها خطوتين تلاتة
اتوبيسات ال 26 دي بشعة بجد
ولما تكلمو تلاقي فاتح بقو ومدلدل لسانة وفاتح زراير القميص ومجهز العتلة جنبة لو نطقت هايدشدشك انت وعربيتك ويعلقكك على باب الاتوبيس من برة
والغريب يا افندم انك تلقى القوانين المرورية في مصر بتدي الحق لغير صاحبه....
يعني مثلا لو اتوبيس دخل في شارع ضيق وفي اتجاه مخالف لازم يوقف كل العربيات اللي ماشية في طريقها لأنه اتوبيس ومش بيعرف يرجع بظهره ولأنه طبعا الأكبر واللي الكل هيتضرر منه اذا حب يعمل حقاني معاه ...
ببساطة شوارعنا زيها زي كل حاجة في مجتمعنا .. بحر .. السمك الكبير بياكل الصغير