عرض للطباعة
السلام عليكم و رحمة الله و بركاته
معروض عليا عربية فورد موندى موديل ٢٠٠٠ بس انا خائف منها خاصه انى كنت بدور على فيرنا خائف من قطع الغيار و من الميكانيكية اللى بيشتغلو فيها مش عارف أخد قرار خاصة انى ممكن أجيب هوينداى اكسنت ٢٠٠٦ يا جماعة معنديش حد اسألوا غيركو فياريت حد يقولى
مافيش مجال للمقارنة بين المونديو مع الاكسنت او الفيرنا من حيث المتانة و الثبات و الشياكة المونديو تكسب 100% . بالنسبة للصيانة و قطع الغيار ده يتوقف على مكان حضرتك ( اقصد المدينة ). لكن نصيحتي المتواضعة ابعد عن ال2000 سي سي و الجير الاوتوماتيك .
ملاحظة: حضرتك بتقول ممكه تشتري اكسنت 2006! المفروض المونديو ارخص من السعر ده بكتير
شكرًا يا اسلام انا من سكان القاهرة حى شبرا مصر بالنسبة للى معروضة عليا ١٦٠٠ سى سى و صاحبها عاوز فيها ٤٥٠٠٠ علشان كده انا شايف انها غالية خاصة ان الاكسنت ٢٠٠٦ معروض هب ٤٢٠٠٠ انا بتكلم فى فرق سعر و فرق موديل انا بصراحة مكنتش بفكر أبدا فى الفورد لكن لاقيت ناس بتقول قطع غيار و ناس تانيه تقول المكانيكية بتاعتها و ناس تانى بتقول مش هتعرف تبيعها بعد كده محتاج نصيحتك يا اسلام و لو تعرف حد قريب من شبرا قولى
القاهرة فيها اكتر من واحد بتوع قطع غيار وميكانيكيين زي ما الشباب اللي هنا من القاهرة كانوا كاتبين. اما بخصوص سعر العربية المعروضه عليك فهو كتير بالنسبة لاسعار المونديو في السوق
راجع مواضيع المنتدى فيه موضوع جامع كل بتوع قطع الغيار و الفنيين
لو حالت العربية كويسة يعنى عفشة وموتور واساسيات تمام اتكل على الله
انا كان معايا واحدة موديل 2000 الماكينة السودة ماكينة الفوكاس والموديل دة احسن من 1998 و1999 لانة اخر الموديل
لو حالتها كويسة اتكل على الله واشترى والعربية دى مافيش وجة مقارنة بينها وبين الكورى من حيث الامان 2 ايرباج الفرامل abs مفتاح ريموت تكييف تلاجة كراسيها مريحة جدا فى السفر شنطة واسعة جدا قطع غيار متوفرة جديدة واستيراد وباسعار معقولة بالنسبة انها عربية المانى اهم حاجة اكشف على العربية كويس لو كويسة سعرها بالنسبة للموديل كويس بس ماتكونش محتاجة اى حاجة حتى لو كاوتش