ليه الناس بتستهتر بأروحها وأرواح الناس !!

**Y a r i s** · 20-12-2013 07:19 PM

ليه الناس بتستهتر بأروحها وارواح الناس

مره كنت بمون من بانزينة كالتكس ... ولقيت عامل توصيل الطلبات للمنازل بتاع المطعم الي جوا البانزينة واقف برة في البانزينة مولع سجارة مطرح ماهم موقفين موتسيكلاتهم ... فزعقتلوا وقلتلوا اطفي السجارة يا بني ادم احنا في بانزينة ... لقيتوا بصلي كده بكل استغراب وقلي : عاااادي عااادي ... متخفشي يا بيه . بيني وبينكم كنت خلاص فولت .. ولمن لقيت الناس هناك شايفه الغلط وساكته ، قلت في عقلي بالي ياعم كبر دماغك ما يولعوا بالبنزينة هو انتا هتصلح الكون ... بس مازلت بسئل نفسي ليه كلمة عاادي عادي بقت دايماً على لسانااا ... وليه حاجة معروف انها غلط او خطر الناس تقولك متخفش ويحسسوك انك جي من كوكب مختلف وعالم تاني ... هل الهرجلة والاستهتار بقه اسلوب حياة في شتى امور حياتنا مش بس الموقف ده لا ده مواقف كتير في حياتنا !!!

@@@@@@
وتحياتي

**mahmoud_afifi** · 20-12-2013 07:27 PM

الشعب المصري اخر واحد يؤمن بالSafety وسايبها على ربنا
شعب متدين بطبعه

**abo_lamar** · 20-12-2013 10:29 PM

احنا شعب سلبي وقول كده للصبح لغاية ما تزهق .

**Somsom** · 20-12-2013 11:30 PM

معلش لو كنت خرجت عن سياق الموضوع قليلا
المشكلة كلها ان الحياة معددش تفرق خلاص مع الناس الغلابا اللي زي حلتنا يعني مثلا انا في ثانوي عام والله ملي نفس اذاكر ليه !!!
آيه اللي انا هنخدو بعد مذاكر وادخل كلية واتخرج ؟؟؟؟؟ أعد فريح ابويا ولا أعد في القهوا مفيش اي أمل في الحياة

والله ملي نفس اكمل

**hossam_elwani** · 20-12-2013 11:45 PM

نحن فى مزبله اسمها مصر

بالفكاكه والمفهوميه يابيه سوجارة ايه الى حتولع بونزينه

**mahmoud_afifi** · 21-12-2013 12:24 AM

المشاركة الأصلية كتبت بواسطة somsom

معلش لو كنت خرجت عن سياق الموضوع قليلا
المشكلة كلها ان الحياة معددش تفرق خلاص مع الناس الغلابا اللي زي حلتنا يعني مثلا انا في ثانوي عام والله ملي نفس اذاكر ليه !!!
آيه اللي انا هنخدو بعد مذاكر وادخل كلية واتخرج ؟؟؟؟؟ أعد فريح ابويا ولا أعد في القهوا مفيش اي أمل في الحياة

والله ملي نفس اكمل

انت زي اخويا الصغير
لازم تذاكر وتدخل كليه كويسه عشان نفسك اولا مش عشان البلد ولا عشان والدك مع احترامي ليه.
وعندك أرض الله واسعه سافر أي بلد. وعشان يقبلوك بره لازم يكون معاك شهاده كويسه يعني الشهاده كده كده هتفيدك.
ربنا يعينك

**Y a r i s** · 21-12-2013 10:40 PM

المشاركة الأصلية كتبت بواسطة music dj

اية دة انا مش لوحدى على كدة خش فى لحمك يا فواز

هههههههههههههه. واللهي دحكتموني انتم الاتنين
بصوا انا مش هقول انا عازركم وهيا دنيا بنت تيت. وبلا مزاكرة بلا وجع قلب ... بس هسئلك ايه قدامك البديل ... يعني هل في ايدك صنعه ... هل انتا فنان في حاجة معينه !! يبقى لا صنعة ولا مهارة ولا فن. ولا مزاكرة ولا شهادة ياسلام يا سلام ... لذلك بص لو هتقعدوا تفكروا في الدنيا والسياسة وانتوا طلبة. والمستقبل وكده هتووهوا لان المستقبل والدنيا طريق ملهوش اخر وطريق مظلم محدش يعرف الايام او حتى بكرة مخبيلوا ايه بس الواحد بيعمل الي عليه ..

واستمتعوا بالمزاكرة. وبكل معلومة بتاخدوها وعيشوا احلى ايامكم في مدرستكم. وفي جامعتكم. وخليكم فاكرين الطالب الدحيح كل بنات الجامعة القمرات والمدرسة بتجرررري وراه وتدور على نمرت تيلفونوا بالذات قبل الامتحنات .

وعلى فكرة ده مش خروج عن الموضوع ده صلب الموضوع. لان الموضوع (( هو حالت الامبالة. الي موجوده عند الناس )) تصور ناس عايشة بدون امل بدون وعي حتى بالصواب والخطاء. ومستسلمين كده للدنيا وزي ما تيجي تيجي فدي في حد ذاتها كارثة ! ... وتحياتي