ارجو الافادة عن مركز ابوغالى

**ashraf122** · 21-09-2008 12:08 PM

السلام عليكم ياترى يا جماعة حد اتعامل مع مركز خدمة ابوغالى اللى فى العبور انا عايز اروح اضبط زوايا و اكشف على التكببف لان طبعا فى الزفت التوكيل طلبت منهم دة فى صيانة 5000 و استلمت العربية زى ماهى ، فقلت الحل الوحيد اشوف مركز برة

**SuMo** · 21-09-2008 04:14 PM

ana lya wa7ed sa7by mohandes hnak fel-tawkil isa hs2lholk

**dr_shady** · 22-09-2008 12:47 AM

يا باشا أنا عملت صيانة ال 5 آلاف هناك و قولتلهم يزبطو زوايا بالمرة..... المشكلة ان زبط الزوايا و الترصيص package على بعضه و كمان غالي جدا هناك (100 جنيه) يعني مفيش زوايا من غير ترصيص بس المميزات الكتير هناك خلتني أعديها زي:
1- سرعة استلام السيارة
2-النضافة و غسيل السيارة من بره و هوفر من جوه و ده مجاني مع الصيانة
3-امكانية انك تقف جنب عربيتك و هي بتتصلح لو المكان رايق
مع العلم ان عربيتي فيرنا........ أهم حاجة تحجز و تروح من بدري و خلي بالك مفيش هناك استراحة زي أبو رواش و ده رقمهم 25228080

**ashraf122** · 22-09-2008 12:01 PM

متشكر جدا على الردرد ربنا يبارك لكم بس فعلا ضبط الزوايا و الترصيص غالى اوى بس انا شاكك ان ابورواش بيكروت و مش بيضبط زوايا ولا حاجة وساعات بسمع صفارة من الملفات و خايف على الكاوتش لانى بيغلى كل يوم

**adelaboahmed** · 22-09-2008 04:24 PM

أنا باتعامل مع مركز أبو غالي من صيانة الألف كيلو لحد ال15000 ومعايا إلنترا 2008 وهما ممتازين لكن لازم المتابعة وهناك فني صيانة إسمه سيد ده أحسن واحد في المجموعة والمهندسين هناك شاطرين والميزة إنه مش زحمة وأسعاره معلنة وواضحة
وربنا يوفقك للأصلح إن شاء الله