عندي لانوس 2012 ماشية 30 الف كيلو صيانتها في التوكيل من فترة لاحظت وجود صوت من اسفل الطارة مبيكونش موجود اول ما بخرج بالعربية بس بعد شوية بيبدأ يظهر هو زي صوت احتكاك مع تزيقة خفيفه الصوت بيكون واضح لو انا قافل الزجاج كله روحت التوكيل فكوا الفبرة الي فوق الطارة وزيتوا العمود من فوق وقالوا الصوت هيمنع طبعا مشيت من عندهم الصوت ممنعش فروحت تاني حطوا شحم على العمود من تحت وزيتوا الظرف ونفس الصوت موجود فقالوا لي هنغير لك عمود دركسيون متحرك كامل داخل الضمان وانا طبعا مش مقتنع بتشخيصهم ولا بعلاجهم ده. انا سهل عندي اني اروح اغيره ومش هغرم حاجة بس مبحبش اعمل حاجه واضيع وقت والاقي نفس العيب لسة موجود فلو حد يفيدني أعمل اي عشان اعرف الصوت ده منين بالظبط
وشكرا مقدما