في مشكله سخيفه...
لما بفتح اللوك بتاع العربيه من الريموت او المفتاح او حتي لو انا جوا العربيه وفتحت الباب من جوا علشان انزل ..لو عملت حاجه من الحاجات دي الشنطه بتتفتح:((( (بتتفتح قصدي وكأني مثلا حطيت حاجه في الشنطه ونزلتها بالراحه من غير ما تقفل. ويبقي مرسوم علي الشاشه جوا انها مفتوحه.اصحاب ال c4 اكيد فاهمين قصدي)
مش عارف الحقيقه دي تبقي مشكلة ايه واروح لمين؟؟؟
شكررااا
مشكلة غريبة فعلاً ، كأن حساسية اللوك عالية أوى لدرجة ان الهزة بتاعة ال Unlock القفل بتاع الشنطة بيستقبلها على انها لمسة فى المكان اللى بيفتحها ، طب هى الحكاية دى بتحصل ساعات و ساعات و لا على طول ؟ و بدأت بعد المطر اللى فات ده أو بعد غسلة فى بنزينة ولا بتحصل بقالها فترة ؟
وصفك فث محله ياباشا...ده كمان مرة وانا ماشي علي طريق سريع كان في jump راحت الشنطه فتحت برضه..اقتباس:
المشاركة الأصلية كتبت بواسطة hamaka
تقريبا بتحصل علي طول..يعني كل 20 فتحه ممكن متحصلش..
حصلت فعلا بعد المطر...انا مش بغسل في بنزينه البواب بس االي بيطؤها كل يوم..وفي يوم بيغسلها بالخرطوم..
ممكن تكون ميه وصلت للوك بتاع الشنطه؟؟طيب هوا بيتفك؟؟ ممكن افكه يعني وانشفه ببلاور يعني؟؟
وشكراااا علي ردك ياباشا
روح لحد بيفهم في الكنترول بلاش نعمل حاجه بايدينا في الحاجات دي عشان العربيه دي بتتلكك
مين ياباشا بتاع كنترول كويس؟؟اقتباس:
المشاركة الأصلية كتبت بواسطة mangawy2012
قريت هنا ان في واحد اسمه فريد شوقي بيشكروا فيه اوي في الكنترول والكهربا في مدينة نصر عند الوفاء والامل قريب من سوق السياراتاقتباس:
المشاركة الأصلية كتبت بواسطة shaheenonco
أعتقد انها ان شاء الله مشكلة بسيطة بسبب المياه ، غالباً البيه البواب و هوا ماسك الخرطوم سخن و اتهور (أنا عشان كده مانع البواب عندى انه يهوب ناحية العربية و ببذل مجهود خرافى بصراحة و كذا مرة بلحقه على اخر لحظة ، أمشى بيها متربة أحسن ما تخرف منى) ، العلامة الكويسة هى انه اللوك بيقفل برضه بس هوا حساسيته اللى متأثرة و غالباً بسبب المياه اللى دخلت (أو الطين لو كان الباشا وجه الخرطوم و هوا دايس و عامل ضغط مياه عالى فا المياه خدت طين و دخلت) عامة على اللى باسمعه عنه أعتقد ان فريد شوقى ده ممكن يتعامل فيها مع انى لو مكانك هخاف و أروح التوكيل عشان أنا فاقد الثقة بشكل مرضى فى جميع الصنايعية باختلاف درجاتهم...
انا فعلا روحت التوكيل..قاللي حاجه من اتنين..اما المشكله في ضفيرة الكهربا انها بتوصل امر غلط للوك..او المشكله في اللوك نفسه..اة حظي يبقي وحش والمشكله تبقي في الاتنين..سواء الضفيرة او اللوك كل نشكله منهم هاتتكلف خوالي 250 ج ..اتفقت معاه هاروحله التلات الصبح علشان اسيبهاله..وهابقي اقولكم علي الاخبار...
شكرا ليكم..وانا ما زلت مصمم..اني بدأت ازهق من حوارات العربيه دي :-(
معلشي يا باشا انها بتيجي في حاجات بسيطه
أنا متفق بشدة مع منجاوى باشا ، دى مشاكل عادية جداً بتحصل وقت المطر أو وقت الحر الشديد و الحمدلله انها حاجة بسيطة تتعمل ب 250 ، فى ناس بتلبس مشاكل عايزة ألفات و فى عربيات كورى والله اللى بيقولوا عليها أرخص صيانة....اقتباس:
المشاركة الأصلية كتبت بواسطة mangawy2012
اانا رحت..طلعت المشكله في اللوك اللي في الشنطه نفسها..تمنه 350 والمصنعيه 140 ج ..كله بالضريبه 530 ج..
كان في مشكله تانيه عندي قلت اعملها بتلمرة..مفتاح الﻻيموت مش شغال عندي بس الريموت شغال عادي..قاللي هاشوفهولك...راح الباشمهندس بعد ما اشتغل فيه الريموت كمان اتفصل منه :-(... قاللي معلش انت مضطر تعمل مفتاح جديد ب 1200 ج!!!!!!!...قلتله انا مليش فيه..مفيش حاجه اسمها معلش..قالي طيب سيبهالي بكرة احاول فيها تاني..هاروحله بكرة طبعا..وسنوافيكم بالاخبار لاحقا :-)
مفتاح الريموت بيتعمل بره ب150 جنيه لو معاك كرت الشفرة لو معاكش بيلغي الشفرة ويحط شفرة جديدة ب 100 جنية كمان والريموت لوحده ب150 جنيه وكل ده متوافر عند اي حد بتاع مفاتيح شفرةاقتباس:
المشاركة الأصلية كتبت بواسطة shaheenonco
الفكرة ياباشا اظانه هوا اللي بوظه..المهم انا رحتله تاني يوم وغير الدايرة بالكامل ومدفعتش مليم طبعا...اقتباس:
المشاركة الأصلية كتبت بواسطة zimoo
صح كده ، ليه تدفع 150 جنيه و لا حتى 150 مليم و هما اللى مبوظينه...ده اسمه ايه المهندس ده اللى كان بيقولك معلش هتغيره ب 1200 ؟؟اقتباس:
المشاركة الأصلية كتبت بواسطة shaheenonco
الله ينوراقتباس:
المشاركة الأصلية كتبت بواسطة shaheenOnco
اعتقد اسمه احمد..هوا رفيع وشعره ابيض شويه ...فرع العجوزة